କନକ ବ୍ୟୁରୋ: ଦିଲ୍ଲୀର କଥିତ ଅବକାରୀ ଦୁର୍ନୀତିଙ୍କୁ ନେଇ ଉପମୁଖ୍ୟମନ୍ତ୍ରୀ ମନିଷ ସିସୋଦିଆଙ୍କ ବିରୋଧରେ ଜାରି ସିବିଆଇ ଯାଞ୍ଚକୁ ନେଇ ଆପ ଏବଂ ବିଜେପି ସାମ୍ନାସାମ୍ନି ହୋଇଛନ୍ତି । ଲଗାତର ଉଭୟ ଆକ୍ରମଣ ପ୍ରତିଆକ୍ରମଣ ଜାରିରଖିଛନ୍ତି । ପ୍ରତ୍ୟେକ ଦିନ ଉଭୟ ପକ୍ଷ ନିଜ ନିଜ ତରଫରୁ ନୂଆ ନୂଆ ଆରୋପ ପ୍ରତ୍ୟାରୋପ ହେବାରେ ଲାଗିଛି । ବୁଧବାର ଆପର ୪ ବିଧାୟକ ପ୍ରେସମିଟ କରି ବିଜେପି ଉପରେ ଅପରେସନ ଲୋଟସରେ ସରକାର ଭାଙ୍ଗିବାର ପ୍ରୟାସ ହେଉଥିବା ଅଭିଯୋଗ କରାଯାଇଛି । ସେହିଭଳି ବିଜେପି କହିଛି ଆପ ଅବକାରୀ ନୀତିକୁ ନେଇ ଜବାବ ଦେଇପାରୁନଥିବାରୁ ଏପଟସେପଟ କଥା କହିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର କହିଛନ୍ତି, ଯେଉଁଭଳି ଭାବେ ଆମ ଆଦମୀ ପାର୍ଟି ବ୍ୟସ୍ତ ବିବ୍ରତ ହେବାରେ ଲାଗିଛି । ଏପଟ ସେପଟ କଥା କହିବା ସହ ପ୍ରସଙ୍ଗ ଉପରେ କୌଣସି ପ୍ରତିକ୍ରିୟା ରଖୁନାହିଁ । ଆମେ ମଧ୍ୟ ନିଷ୍ପତ୍ତି ନେଇସାରିଛୁ ଆମେ ପ୍ରଶ୍ନ ପଚାରିବୁ । ଗୋଟିଏ ପରେ ଗୋଟିଏ ବଡ ଖୁଲାସା ମଧ୍ୟ କରିବୁ । ଆପ ଦୁର୍ନୀତି କରିଛି ଏବଂ ଏହାର ପ୍ରମାଣ ମଧ୍ୟ ରହିଛି । ତେଣୁ ବାରମ୍ବାର ପ୍ରଶ୍ନ ପଚାରିବୁ ।