ହରିୟାଣା ହଲଚଲ ଶେଷ । ସାଥୀ ହୋଇ ସରକାର ଗଢିବେ ବିଜେପି-ଜେଜେପି । ବିଜେପି ହାତରେ ମୁଖ୍ୟମନ୍ତ୍ରୀ ପଦ, ଜେଜେପି ଖାତାରେ ଉପ-ମୁଖ୍ୟମନ୍ତ୍ରୀ ପଦ ।
କନକ ବ୍ୟୁରୋ : ହରିୟାଣାରେ କିଏ ଗଢିବ ସରକାର । ଏହାକୁ ନେଇ ଲାଗି ରହିଥିବା ସସପେନ୍ସରେ ଏବେ ପୂର୍ଣ୍ଣଚ୍ଛେଦ ପଡିଛି । ହରିୟାଣାରେ ସରକାର ଗଠନ ପାଇଁ ହାତ ମିଳାଇଲେ ବିଜେପି-ଜେଜେପି । ଆଉ ଏହାସହ କଂଗ୍ରେସର ସରକାର ଗଢିବା ଆଶା ଧୂଳିସାତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ଚାଣକ୍ୟ ଅମିତ ଶାହାଙ୍କ ସହ ଜେଜେପି ମୁଖ୍ୟ ଦୁଷ୍ମ୍ୟନ୍ତଙ୍କ ଆଲୋଚନା ପରେ ସରକାର ଗଠନ ପାଇଁ ବାଟ ଫିଟିଛି । ମୁଖ୍ୟମନ୍ତ୍ରୀ ଆସନ ବିଜେପି ହାତରେ ରହିବାକୁ ଥିବା ବେଳେ ଜେଜେପି ଖାତାକୁ ଆସିବ ଉପ-ମୁଖ୍ୟମନ୍ତ୍ରୀ ପଦ । ତେବେ ଏହି ଆଲୋଚନା ପରେ ଅମିତ୍ ଶାହା କହିଛନ୍ତି ଜନମତକୁ ସମ୍ମାନ ଦେଇ ଜେଜେପି ସହ ସାଥୀ ହୋଇ ସ୍ଥିର ସରକାର ଗଢିବାକୁ ନିଷ୍ପତି ନେଇଛି ବିଜେପି ।
କେବଳ ଜେଜେପି ନୁହେଁ ସ୍ୱାଧୀନ ବିଧାୟକ ମଧ୍ୟ ପୂର୍ବରୁ ବିଜେପି ଶିବିରରେ ଏଣ୍ଟ୍ରି ମାରି ସାରିଛନ୍ତି । ତେଣୁ ଆସନ୍ତାକାଲି ବିଧାୟକ ଦଳ ନେତା ବଛାଯିବା ପରେ କାହାକୁ ମନ୍ତ୍ରୀମଣ୍ଡଳରେ ସାମିଲ କରାଯିବ ସେନେଇ ନିଷ୍ପତି ନିଆଯିବ । ଏସବୁ ଭିତରେ ମେଣ୍ଟ ସରକାରରେ ମନୋହର ଲାଲ ଖଟ୍ଟର ପୁଣିଥରେ ମୁଖ୍ୟମନ୍ତ୍ରୀ ଆସନରେ ବସିପାରନ୍ତି । ସେହିଭଳି ଦୁଷ୍ୟନ୍ତ ଚୌଟାଲାଙ୍କ ଉପ-ମୁଖ୍ୟମନ୍ତ୍ରୀ ଆସନରେ ଦେଖିବାକୁ ମିଳିପାରେ ।ଆସନ୍ତାକାଲି ସରକାର ଗଠନ ନେଇ ପ୍ରକିୟା ଆରମ୍ଭ ହେବ ।