କନକ ବ୍ୟୁରୋ: ନଭେମ୍ବର ୩ରେ ଧାମନଗର ଉପନିର୍ବାଚନ । ଚଳିତମାସ ୩ ତାରିଖରୁ ନିର୍ବାଚନ ଆଚରଣ ବିଧି ଲାଗୁ ହୋଇସାରିଛି । ନିର୍ବାଚନକୁ ଅବାଧ, ସ୍ୱଚ୍ଛ ଓ ନିରପେକ୍ଷ କରିବା ହେଉଛି ନିର୍ବାଚନ କମିଶନଙ୍କ ଦାୟିତ୍ୱ । ହେଲେ ଯିଏ ନିର୍ବାଚନ କମିଶନ ଦାୟିତ୍ୱରେ ଅଛନ୍ତି, ସିଏ ମଧ୍ୟ ସରକାରରେ ଅଛନ୍ତି । ତେଣୁ ଏହାକୁ ନେଇ ସୃଷ୍ଟି ହୋଇଛି ବଡ଼ ବିବାଦ । ଆଉ ବିବାଦ ଘେରକୁ ଆସିଛନ୍ତି ରାଜ୍ୟ ମ୍ୟୁନିର୍ବାଚନ ଅଧିକାରୀ ସୁଶୀଲ ଲୋହାନୀ । ସେ ବର୍ତମାନ ଗୋଟିଏ ପଟେ ନିର୍ବାଚନ ପରିଚାଳନା ଦାୟିତ୍ୱରେ ରହିଥିବାବେଳେ ଅନ୍ୟପଟେ ରାଜ୍ୟ ସରକାରଙ୍କ ପଞ୍ଚାୟତୀରାଜ ବିଭଗର ପ୍ରମୁଖ ସଚିବ ଅଛନ୍ତି । ଅର୍ଥାତ୍ ସୁଶୀଲ ଲୋହାନୀ ଗୋଟିଏ ସମୟରେ ସରକାରୀ ବିଭାଗରେ ଅଛନ୍ତି, ଆଉ ନିର୍ବାଚନ ମଧ୍ୟ ପରିଚାଳନା କରୁଛନ୍ତି । ଏହାକୁ ନେଇ ପ୍ରଶ୍ନ ଉଠାଇଛି ବିଜେପି । ଦିଲ୍ଲୀରେ ମୁଖ୍ୟ ନିର୍ବାଚନ କମିଶନଙ୍କୁ ଭେଟିଛନ୍ତି ବିଜେପିର ପ୍ରତିନିଧି ଦଳ । ଅନ୍ୟପଟେ ସୁଶୀଲ ଲୋହାନୀଙ୍କ ଭୂମିକାକୁ ନେଇ ସାମ୍ବାଦିକ ସମ୍ମିଳନୀ କରି ପ୍ରଶ୍ନ ଉଠାଇଛି ରାଜ୍ୟ ବିଜେପି
Kanak News is now on WhatsApp
Join and get latest news updates delivered to you via WhatsApp
ନଜର ପକାନ୍ତୁ ପଞ୍ଚାୟତିରାଜ ବିଭାଗର ଏହି ଚିଠି ଉପରେ । ଏହି ମାସ ୭ ତାରିଖରେ ଏକ ବଦଳି ଅର୍ଡର ପ୍ରକାଶ ପାଇଥିଲା । ଏହି ବିଜ୍ଞପ୍ତି ଅନୁସାରେ ଭଦ୍ରକ ଜିଲ୍ଲାର ଧାମନଗର ଓ ତିହିଡ଼ି ବିଡିଓଙ୍କୁ ବଦଳି କରାଗଲା । କୋରାପୁଟର ଲକ୍ଷ୍ମୀପୁର ତହସିଲଦାର ବନବିହାରୀ ଦିଣ୍ଡାଙ୍କୁ ମିଳିଲା ଧାମନଗର ବିଡିଓ ଦାୟିତ୍ୱ । ସେହିପରି କଳାହାଣ୍ଡି କେସିଙ୍ଗା ତହସିଲଦାର ଜ୍ୟୋତିର୍ମୟ କର ହେଲେ ତିହିଡି ବିଡିଓ । କିନ୍ତୁ ପ୍ରଶ୍ନ ଉଠୁଛି
ପୂର୍ବ ଅଧିକାରୀଙ୍କୁ ବଦଳ କରାଯାଇ ଏଦୁଇ ଜଣଙ୍କୁ ରାତି ଅଧିଆ କାହିଁକି ନିଯୁକ୍ତ କରାଗଲା ?
ନିର୍ବାଚନ ଆଚରଣ ବିଧି ଲାଗୁ ହୋଇଥିଲା ବେଳେ କେଉଁ ଆଧାରରେ ଏପରି ଅଦଳ ବଦଳ କରାଗଲା?
ନିର୍ବାଚନ ପରିଚାଳନା କରୁଥିବା ବେଳେ କାହିଁକି ସରକାରୀ ଦାୟିତ୍ୱରେ ରହିବେ ସୁଶୀଲ ଲୋହାନୀ?