ପଞ୍ଜାବ ପୌର ନିର୍ବାଚନ: ବିଜେପି ପ୍ରାର୍ଥୀଙ୍କୁ ମିଳିଲା ମାତ୍ର ୯ଟି ଭୋଟ୍ । ପରିବାର ସଦସ୍ୟ ସଂଖ୍ୟା କିନ୍ତୁ ୨୦ ।
କନକ ବ୍ୟୁରୋ: କୃଷି ଆଇନକୁ ନେଇ ଚାଲିଥିବା ଆନ୍ଦୋଳନ ଭିତରେ ଆଜି ପଞ୍ଜାବରେ ପୌରନିର୍ବାଚନ ଅନୁଷ୍ଠିତ ହୋଇଥିଲା । ଯେଉଁଥିରେ କଂଗ୍ରେସକୁ ବଡ ବିଜୟ ମିଳିଥିବାବେଳେ ବିଜେପି ଓ ଅକାଳୀ ଦଳକୁ ପରାଜୟର ସାମ୍ନା କରିବାକୁ ପଡିଛି । ତେବେ ଭାରତୀୟ ଜନତା ପାର୍ଟିର ଜଣେ ପ୍ରାର୍ଥୀକୁ ମାତ୍ର ୯ଟି ଭୋଟ୍ ମିଳିବାକୁ ନେଇ ଏବେ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ନିର୍ବାଚନରେ ଗୁରୁଦାସପୁର ନଗରପାଳିକା ପରିଷଦର ୧୨ ନମ୍ବର ୱାର୍ଡରୁ ବିଜେପି ପ୍ରାର୍ଥୀ ଥିବା କିରଣ କୌରଙ୍କୁ ମାତ୍ର ୯ ଜଣ ଭୋଟର ଭୋଟ୍ ଦେଇଥିଲେ । ଯାହା ଫଳରେ ସେ ଲଜ୍ଜାଜନକ ପରାଜୟ ଭୋଗିଛନ୍ତି । ତେବେ କଂଗ୍ରେସ ପ୍ରାର୍ଥୀ ଜଣକ ଇଭିଏମ୍ ହେରଫେର୍ କରିଥିବା ସେ ଅଭିଯୋଗ କରିଛନ୍ତି । କିରଣ କୌରଙ୍କ କହିବାମୁତାବକ ତାଙ୍କ ନିଜ ପରିବାର ସଦସ୍ୟଙ୍କ ସଂଖ୍ୟା ପାଖାପାଖି ୨୦ ହେବ । ହେଲେ ତାଙ୍କୁ ମାତ୍ର ୯ଟ ଭୋଟ୍ ମିଳିବା ଯୁକ୍ତିହୀନ । କଂଗ୍ରେସ ନିର୍ବାଚନରେ ହେରଫେର୍ କରିବା ସହିତ ତାଙ୍କୁ ହରେଇଛି ବୋଲି ସେ କହିଛନ୍ତି ।