ଶ୍ରୀମନ୍ଦିର ପାଇଁ ଜାତୀୟ କିର୍ତୀରାଜି କର୍ତୃପକ୍ଷଙ୍କ ଡ୍ରାଫ୍ଟ ଅଧିନିୟମ ପ୍ରସଙ୍ଗ : ପ୍ରତିକ୍ରିୟା ରଖିଲା ବିଜେଡି; ସାଂସଦ ପିନାକୀ ମିଶ୍ର କହିଲେ, ଓଡିଆଙ୍କ ଭାବାବେଗକୁ ପହଂଚାଇଛି ଆଘାତ
କନକ ବ୍ୟୁରୋ : ପୁରୀ ଶ୍ରୀମନ୍ଦିର ଓ ଅନ୍ୟ କିଛି ମନ୍ଦିରର ସଂରକ୍ଷଣ ନେଇ କେନ୍ଦ୍ର ସରକାରଙ୍କ ସ୍ୱତନ୍ତ୍ର ବାଇ-ଲ ବା ଉପନିୟମ ଜାରି କରିବା ପରେ ବିଜେଡି ଏହାକୁ ନେଇ ପ୍ରତିକ୍ରିୟା ପ୍ରକାଶ କରିଛି । ବରିଷ୍ଠ ସାଂସଦ ପିନାକୀ ମିଶ୍ର ଟ୍ୱିଟ କରି ଲେଖିଛନ୍ତି ମାନ୍ୟବର ମୁଖ୍ୟମନ୍ତ୍ରୀଙ୍କ ଶ୍ରୀମନ୍ଦିର ପାଇଁ ଅସାଧାରଣ କାମକୁ କେନ୍ଦ୍ର ସରକାର ବାଧା ପଂହଚାଇବାକୁ ଚେଷ୍ଟା କରୁଛନ୍ତି । ମୁଖ୍ୟମନ୍ତ୍ରୀ ପୁରୀ ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିର ପାଇଁ ଦିନ ରାତି କାମ କରୁଥିବାବେଳେ କେନ୍ଦ୍ର ସରକାରଙ୍କ ଏଭଳି ବାଇ-ଲ କୁ ସେ ବିରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Outrageous attempt by the Central Govt to derail the extraordinary work being done due to HCM’s untiring efforts to improve surroundings of ShriMandir and Lingaraj Mandir. Clubbing our living Gods’ abode with mausoleums is blasphemous. Odia sentiments deeply hurt. pic.twitter.com/OR7qUiZG65
— Pinaki Misra, Puri MP (@OfPinaki) February 7, 2021
ଏଥିସହ ସେ ଲେଖିଛନ୍ତି, ଓଡିଶା ଜୀବନ୍ତ ଭଗବାନଙ୍କୁ ‘ମସୌଲିୟମ’ ଶ୍ରେଣୀଭୁକ୍ତ କରାଯାଇଛି । ମସୌଲିୟମର ଓଡିଆ ଅର୍ଥ ହେଉଛି ଏକ ଗମ୍ଭୁଜ ଆକୃତିର ନିର୍ମିତ କୋଠା ଭିତରେ ବଡ ବଡ ମହାପୁରୁଷଙ୍କୁ କବର ଦିଆଯାଏ । ପିନାକୀ ଏହି ଟ୍ୱିଟରେ ଲେଖିଛନ୍ତି, ଓଡିଆ ଜାତିର ଭାବାବେଗକୁ ଆଘାତ ପହଂଚାଯାଇଛି ଏବଂ ଏହା ଠାକୁରଙ୍କ ପ୍ରତି ଅପମାନ ବୋଲି କୁହାଯାଇଛି । ମହାପ୍ରଭୁ ଜଗନ୍ନାଥଙ୍କ ଅପମାନ କେବେ ସହ୍ୟ କରିହେବନାହିଁ ବୋଲି ଟ୍ୱିଟ କରି ସେ ସଙ୍କେତ ଦେଇଛନ୍ତି ।
ଜାଣନ୍ତୁ ପ୍ରସ୍ତାବିତ ବାଇ-ଲରେ କଣ ରହିଛି –
- ଶ୍ରୀମନ୍ଦିର ଚାରିପଟରେ ବିକାଶ ଉପରେ କଟକଣା
- ମନ୍ଦିର ଚାରିପାଖର ୧୦୦ ମିଟର ବ୍ୟାସାର୍ଦ୍ଧ ଅଂଚଳ ନିଷିଦ୍ଧ ଅଂଚଳ ଘୋଷଣା
- ଏହି ଅଂଚଳରେ କୌଣସି ନିର୍ମାଣ ହୋଇପାରିବ ନାହିଁ
- ସରକାରୀ କିମ୍ବା ବେସରକାରୀ ସଂସ୍ଥା ଦ୍ୱାରା ନିର୍ମାଣକୁ ବାରଣ
- ସବୁ ଦିଗରେ ଆହୁରି ୨୦୦ ମିଟର ପର୍ଯ୍ୟନ୍ତ ଅର୍ଥାତ ମୋଟ୍ ୩୦୦ ମିଟର ଅଂଚଳକୁ ନିୟନ୍ତ୍ରିତ ଅଂଚଳ
- ଯେଉଁଠାରେ ନିର୍ମାଣ ନିଷେଧ ନୁହେଁ, ଏଥିପାଇଁ ଜାତୀୟ କୀର୍ତିରାଜି କର୍ତୃପକ୍ଷଙ୍କ ଅନୁମତି ନେବାକୁ ପଡ଼ିବ