ମୋଦୀଙ୍କ ନୂଆ ମନ୍ତ୍ରିମଣ୍ଡଳକୁ ନେଇ ବିଜେଡି ସାଂସଦ ଅମର ପଟ୍ଟନାୟକ ଟ୍ୱିଟ୍ । ଜାତିଭିତ୍ତିକ ପ୍ରତିନିଧିତ୍ୱ ଓ ବୃତ୍ତିଗତଙ୍କୁ ମନ୍ତ୍ରୀ ପଦ ମିଳିବା ନେଇ ଉଠାଇଲେ ପ୍ରଶ୍ନ ।
କନକ ବ୍ୟୁରୋ: ବିଜେଡି ରାଜ୍ୟସଭା ସାଂସଦ ଡକ୍ଟର ଅମର ପଟ୍ଟନାୟକଙ୍କ ଟ୍ୱିଟକୁ ନେଇ ଏବେ ଚର୍ଚ୍ଚା ବଢିଛି । ମୋଦୀଙ୍କ କ୍ୟାବିନେଟରେ ନୂଆ ମନ୍ତ୍ରୀଙ୍କୁ ନେଇ ଏକ ଟ୍ୱିଟ୍ କରିଛନ୍ତି ଅମର । ସେ ଲେଖିଛନ୍ତି, ୩୬ ଜଣ ନୂଆ ମନ୍ତ୍ରୀଙ୍କ ମଧ୍ୟରେ ୨୬ ଜଣ ପ୍ରଫେସନାଲ୍ ଅଛନ୍ତି । ୧୩ ଜଣ ଓକିଲ, ୬ ଜଣ ଡାକ୍ତର, ୫ ଜଣ ଇଂଜିନିୟର ଓ ୨ ଜଣ ପୂର୍ବତନ ବ୍ୟୁରୋକ୍ରାଟ୍ ରହିଛନ୍ତି । ଅମର ପଟ୍ଟନାୟକଙ୍କ ପ୍ରଶ୍ନ ହେଉଛି, କେବଳ କ’ଣ ବୃତ୍ତିଗତଙ୍କ ରାଜନୀତି ଓ ଶାସନ ଦକ୍ଷତା ବଢ଼ିବ? ଏଥିସହ ଦୀର୍ଘଦିନ ଧରି ଚାଲି ଆସିଥିବା ବିତର୍କକୁ ପୁଣି ଥରେ ସେ ଦେହାରାଇଛନ୍ତି । ପଚାରିଛନ୍ତି, ରାଜନୀତି ପାଇଁ ସର୍ବନିମ୍ନ ଶିକ୍ଷାଗତ ଯୋଗ୍ୟତା କ’ଣ ରହିବା ଉଚିତ?
Kanak News is now on WhatsApp
Join and get latest news updates delivered to you via WhatsApp
କ୍ୟାବିନେଟରେ ନୂତନ ଭାବେ ପ୍ରବେଶ କରିଥିବା ୩୬ ଜଣଙ୍କ ମଧ୍ୟରେ ୨୬ ଜଣ “ପ୍ରଫେସନାଲ” ଅଛନ୍ତି (୧୩ ଓକିଲ, ୬ ଡାକ୍ତର, ୫ ଇଂଜିନିୟର, ୨ପୂର୍ବତନ ବ୍ୟୁରୋକ୍ରାଟ) | ଏହାର ଅର୍ଥ କ’ଣ କେବଳ ବୃତ୍ତିଗତଙ୍କ ଦ୍ୱାରା ରାଜନୀତି ଏବଂ ଶାସନ ଦକ୍ଷତାର ବିତରଣ କରାଯାଇପାରିବ?
ତା’ପରେ ଆମର ରାଜନୀତି ପାଇଁ ସର୍ବନିମ୍ନ ଯୋଗ୍ୟତା କ’ଣ ରହିବା ଉଚିତ୍? https://t.co/sKTchuNfUu— Dr. Amar Patnaik (@Amar4Odisha) July 10, 2021
ମୋଦୀ ସରକାରଙ୍କୁ ନୂଆ ମନ୍ତ୍ରୀଙ୍କୁ ନେଇ ତେରଚ୍ଛା ବାଣ ଛାଡିଛନ୍ତି ଅମର । ମନ୍ତ୍ରିମଣ୍ଡଳରେ ଜାତିଭିତ୍ତିକ ପ୍ରତିନିଧିତ୍ୱକୁ ନେଇ ମଧ୍ୟ ସେ ପ୍ରଶ୍ନ ଉଠାଇଛନ୍ତି । ଆଉ ଏପଟେ ଏହାର ଉତ୍ତର ରଖିଛନ୍ତି, ରାଜ୍ୟ ବିଜେପି ସାଧାରଣ ସଂପାଦକ ପୃଥ୍ୱୀରାଜ ହରିଚନ୍ଦନ ।
ତେବେ ସବୁଠୁ ବଡ଼ କଥା ହେଉଛି, ଅମର ପଟ୍ଟନାୟକ ମଧ୍ୟ ଜଣେ ପୂର୍ବତନ ବ୍ୟୁରୋକ୍ରାଟ । ଜନ ଆନ୍ଦୋଳନରୁ ସେ ନେତା ହୋଇନାହାନ୍ତି, ଚାକିରି ପରେ ରାଜନୀତିରେ ପ୍ରବେଶ କରିଛନ୍ତି । ବିଜେଡିରେ ଯୋଗ ଦେବା ପରେ ଦଳ ତାଙ୍କୁ ରାଜସଭାକୁ ପଠାଇଛି । ପ୍ରଶାସନିକ କ୍ଷେତ୍ରରେ ତାଙ୍କର ଅଭିଜ୍ଞତାକୁ ଦୃଷ୍ଟିରେ ରଖି ଦଳୀୟ ରାଜନୀତିରେ ଗୂରୁତ୍ୱପୂର୍ଣ୍ଣ ଭୂମିକା ତୁଲାଉଛନ୍ତି ଅମର । ତେବେ ତାଙ୍କର ଯୁକ୍ତି ହେଉଛି, ଲୋକଙ୍କ ସେବା କରିବାର ମନବୃତ୍ତି ଶାସନର ଦକ୍ଷତାକୁ ବୃଦ୍ଧି କରିବ ।