ପଦ୍ମପୁର ଉପ-ନିର୍ବାଚନ ପୂର୍ବରୁ ବିଜେଡି ବିଧାୟକଙ୍କୁ ଧମକ । ବନ୍ଧୁକଧାରୀ ଯୁବକଙ୍କ ଧମକ ପରେ ବିଜେଡି-ବିଜେପି ମୁହାଁମୁହିଁ ।
କନକ ବ୍ୟୁରୋ: ଗୁଳିର ଜବାବ ଗୁଳିରେ ଦିଆଯିବ । ପଦ୍ମପୁର ଉପ-ନିର୍ବାଚନ ପୂର୍ବରୁ ଫେସବୁକରେ ନେତାଙ୍କୁ ଧମକ । ବିଜେଡି ବିଧାୟକ ତଥା ପଦ୍ମପୁର ନିର୍ବାଚନ ପରିଚାଳନା ଦାୟିତ୍ୱରେ ଥିବା ସୁଶାନ୍ତ ସିଂଙ୍କୁ ଏଭଳି ଧମକ ଦିଆଯାଇଛି । ଧମକ ଦେଇଥିବା ଯୁବକଙ୍କ ନାଁ ହେଉଛି ପିଙ୍କୁ କାମ୍ପା । ପିଙ୍କୁ ନିଜ ଫେସବୁକ ଆକାଉଣ୍ଟରେ ଏକ ବନ୍ଧୁକର ଫଟୋ ସୋସିଆଲ ମିଡ଼ିଆରେ ସେୟାର କରିଛନ୍ତି । ଯୁବକ ଜଣକ ସମ୍ବଲପୁରର ବିଜେପି ବିଧାୟକ ତଥା ବିରୋଧୀ ଦଳ ନେତା ଜୟ ନାରାୟଣ ମିଶ୍ରଙ୍କ ସହ ଏକାଧିକ ଫଟୋ ମଧ୍ୟ ଉଠାଇଛନ୍ତି । ତେବେ ଏହି ପୋଷ୍ଟକୁ ନେଇ ଉଭୟ ବିଜେପି ଓ ବିଜେଡି ବିଧାୟକ ପ୍ରତିକ୍ରିୟା ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁଶାନ୍ତ ସିଂ କହିଛନ୍ତି, ସଂପୃକ୍ତ ଯୁବକ ଜୟନାରାୟଣ ମିଶ୍ରଙ୍କ ଡାହାଣ ହାତ ଏବଂ ଏହି ପୋଷ୍ଟ ଜରିଆରେ ହିଂସା ଭିଆଇବାକୁ ଉଦ୍ୟମ କରୁଛନ୍ତି । ବିଜେପୁର ଉପ-ନିର୍ବାଚନ ସମୟରେ ବି ଏଭଳି ହିଂସାକାଣ୍ଡ ଘଟିଥିବା ମଧ୍ୟ କହିଛନ୍ତି ସୁଶାନ୍ତ ସିଂ । ଏପଟେ ଏହି ଘଟଣାରେ ଜୟନାରାୟଣ ମିଶ୍ର କହିଛନ୍ତି, ଅନେକ ଯୁବକ ତାଙ୍କ ସହ ଫଟୋ ଉଠାଉଛନ୍ତି । ଏହି ଯୁବକଙ୍କୁ ସେ ଜାଣନ୍ତି ନାହିଁ । ବିଜେପି ହିଂସାର ରାଜନୀତିରେ ବିଶ୍ୱାସ କରେ ନାହିଁ ବୋଲି ଜୟନାରୟଣ ମିଶ୍ର କହିଛନ୍ତି ।