ଆଜି ବିଜେଡିର ପ୍ରତିଷ୍ଠା ଦିବସ : ୨୪ ତମ ପ୍ରତିଷ୍ଠା ଦିବସ ପାଳୁଛି ବିଜେଡି , ଦିନ ସାଢେ ୧୦ଟାରେ ଦଳୀୟ କାର୍ଯ୍ୟାଳୟରେ ହେବ ସାଧାରଣ ସଭା
ଆଜି ବିଜୁ ଜନତା ଦଳ ପାଳୁଛି ୨୪ ତମ ପ୍ରତିଷ୍ଠା ଦିବସ । କୋଭିଡ କଟକଣା ଭିତରେ ଦଳ ତାର ପ୍ରତିଷ୍ଠା ଦିବସ ପାଳନ କରୁଛି । ଭୁବନେଶ୍ୱର ଫରେଷ୍ଟ ପାର୍କସ୍ଥିତ ବିଜୁ ପଟ୍ଟନାୟକଙ୍କ ପ୍ରତିମୂର୍ତିରେ ମାଲ୍ୟାର୍ପଣ । ସେହିପରି ୟୁନିଟ-୬ ରେ ଥିବା ଦଳୀୟ କାର୍ଯ୍ୟାଳୟରେ ଦିନ ସାଢେ ୧୦ ଟାରେ ଏକ ସାଧାରଣ ସଭାର । ଭିଡିଓ କନଫରେନ୍ସିଂ ଜରିଆରେ ଏଥିରେ ସାମିଲ ହୋଇପାରନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦଳର ଯୁବ ଓ ରାଜ୍ୟ କାର୍ଯ୍ୟକାରିଣୀରେ କେନ୍ଦ୍ରୀୟ ଅବହେଳାକୁ ପ୍ରସଙ୍ଗ କରି ବିଜେପିକୁ ଜୋରଦାର ଟାର୍ଗେଟ କରିଥିଲେ ନବୀନ । ତେଣୁ ଦଳର ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ଯୋଗଦେଇ ନେତା ଓ କର୍ମୀଙ୍କୁ କଣ ଆହ୍ୱାନ ଦେବେ ତା ଉପରେ ନଜର ରହିଛି ।
Kanak News is now on WhatsApp
Join and get latest news updates delivered to you via WhatsApp
୧୯୯୭ ମସିହା ଆଜିର ଦିନରେ ରାଜ୍ୟ ରାଜନୀତିରେ ଏକ ଆଂଚଳିକ ଦଳ ଭାବେ ବିଜୁ ଜନତା ଦଳର ଅଭ୍ୟୁଦୟ ହୋଇଥିଲା । ଯାହା ନିର୍ବାଚନୀ ରାଜନୀତିରେ ତାର ଜୟଯାତ୍ରା ଜାରି ରଖିଛି । ବିଜୁ ବାବୁଙ୍କ ନାମରେ ଗଢାଯାଇଥିବା ଏହି ଆଂଚଳିକ ରାଜନୈତିକ ଦଳ କ୍ରମାଗତ ଭାବେ ତାର ଜନାଧାର ମଧ୍ୟ ବଢାଇ ଚାଲିଛି । ରାଜ୍ୟ ରାଜନୀତିରେ କୌଣସି ଆଂଚଳିକ ଦଳ ଏଭଳି ସଫଳତା ହାସଲ କରିପାରିନାହାନ୍ତି । ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତାକୁ ପୁଞ୍ଜି କରି ଦଳ ଦିନକୁ ଦିନ ଅଧିକ ଶକ୍ତିଶାଳୀ ହୋଇଛି । ଫଳରେ ବିଜେଡିର ପ୍ରଭାବ ଆଗରେ ଫିକା ପଡିଛି ଜାତୀୟ ଦଳଗୁଡିକ ଗ୍ରହଣୀୟତା । ୧୯୯୭ ପୂର୍ବରୁ ଅନେକ ଆଂଚଳିକ ଦଳ ଗଠନ ହୋଇଛି । ଏପରିକି ବିଜୁ ବାବୁ ମଧ୍ୟ ଆଚଂଳିକ ଦଳ ଗଢି ଏତେଟା ସଫଳତା ପାଇପାରିନଥିଲେ । କିନ୍ତୁ ୧୯୯୯ ମହାବାତ୍ୟା ପରବର୍ତୀ ଓଡିଶାରେ ଯେଉଁ ରାଜନୈତିକ ନେତୃତ୍ୱର ସଂକଟ ଦେଖାଦେଇଥିଲା, ତାକୁ କେବଳ ପୂରଣ କରିନାହାନ୍ତି ବରଂ ନିଜ ରେକର୍ଡ ନିଜେ ଭାଙ୍ଗିବାର ଗୌରବ ହାସଲ କରିଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ ।