ଶାହାଙ୍କ ଆକ୍ଷେପ ବିଜେଡିର ଜବାବ୍ ! ସବୁ କ୍ଷେତ୍ରରେ ଓଡ଼ିଶାବାସୀଙ୍କୁ ପ୍ରତାରିତ କରିଛି କେନ୍ଦ୍ର, କୁଆଡ଼େ ଗଲା ଦେଢ଼ ଗୁଣା ଏମଏସପି ?
କନକ ବ୍ୟୁରୋ: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହାଙ୍କୁ ବିଜେଡିର କଡ଼ା ଜବାବ । ମନୋବଳ ଦୁର୍ବଳଥିବା ରାଜ୍ୟ ବିଜେପି କର୍ମୀଙ୍କୁ ଉତ୍ସାହିତ କରିବା ପାଇଁ ଏଭଳି ବୟାନ ଦେଇଛନ୍ତି ଅମିତ୍ ଶାହା ବୋଲି କହିଛନ୍ତି ବିଜେଡି ମୁଖପାତ୍ର ସସ୍ମିତ୍ ପାତ୍ର । ରାଜ୍ୟବାସୀ ଭାବିଥିଲେ ଅମିତ୍ ଶାହାଙ୍କ ସମ୍ବୋଧନରୁ ଓଡ଼ିଶାର କୃଷକଙ୍କ ପାଇଁ ଦୀର୍ଘଦିନର ଦାବି ଏମଏସପି ବୃଦ୍ଧି, ସ୍ୱତନ୍ତ୍ର ରାଜ୍ୟ ପାହ୍ୟା ଏସସି-ଏସଟି ଛାତ୍ରଛାତ୍ରୀଙ୍କ ଛାତ୍ରବୃତ୍ତି ପ୍ରସଙ୍ଗ ଉପରେ ମୁହଁ ନ ଖୋଲି ରାଜ୍ୟ ସରକାରଙ୍କ ଉପରେ ଅନେକ ମିଥ୍ୟା ଆରୋପ ଲଗାଇଛନ୍ତି ଶାହା ।
Kanak News is now on WhatsApp
Join and get latest news updates delivered to you via WhatsApp
୨୦୧୪ କେନ୍ଦ୍ରରେ କ୍ଷମତାକୁ ଆସିବା ପୂର୍ବରୁ ଓଡ଼ିଶା ପାଇଁ ବିକାଶର ହାତ ବଢ଼େଇବୁ ବୋଲି କହି ନିର୍ବାଚନୀ ଇସ୍ତାହାରରେ ପ୍ରତିଶ୍ରୁତି ଦେଇଥିଲା ବିଜେପି । କିନ୍ତୁ ସେଗୁଡ଼ିକୁ ଏଯାବତ୍ ପୂରଣ କରିପାରିଲାନି କେନ୍ଦ୍ର । ବରଂ ବିଭିନ୍ନ କ୍ଷେତ୍ରରେ ବିଜେଡି ନେତୃତ୍ୱାଧୀନ ଓଡ଼ିଶା ସରକାରଙ୍କୁ ରାଜ୍ୟର ବିକାଶ ଯୋଜନା ପାଇଁ ପୁରସ୍କାର ପରେ ପୁରସ୍କାର ବର୍ଷା କରୁଛନ୍ତି ।
ସେହିଭଳି ଦୀର୍ଘ ୫ ବର୍ଷ ହେବ କେନ୍ଦ୍ରରେଥିବା ବିଜେପି ସରକାର ଓଡ଼ିଶାବାସୀଙ୍କ ସ୍ୱାର୍ଥ ସହିତ ଛଳନା ଓ ପ୍ରତାରଣା କରିଛନ୍ତି । ସେ ମହାନଦୀ ଜଳ ବିବାଦ ହେଉ କିମ୍ବା ପୋଲାଭର, ସ୍ୱତନ୍ତ୍ର ରାଜ୍ୟ ପାହ୍ୟା ଆଉ ଏମଏସପିର ବୃଦ୍ଧି ପ୍ରସଙ୍ଗରେ ରାଜ୍ୟବାସୀଙ୍କୁ ପ୍ରତାରିତ କରିଛି କେନ୍ଦ୍ର । ସେପଟେ କଂଗ୍ରେସ କହୁଛି ବିଜେଡି-ବିଜେପି ଭିତିରି ବୁଝାମଣା, ଅନ୍ୟପଟେ ବିଜେପି କହୁଛି ବିଜେଡି କଂଗ୍ରେସ ମଧ୍ୟରେ ରହିଛି ସୁ-ସମ୍ପର୍କ । କିନ୍ତୁ ବିଜେଡି କେବଳ ରାଜ୍ୟବାସୀଙ୍କ ସହ ମେଣ୍ଟ ଆଉ ସୁ-ସମ୍ପର୍କ ରହିଛି ବୋଲି କହିଛି ବିଜେଡ଼ି ।
୯ଲକ୍ଷ ଯୁବକ ଯୁବତୀଙ୍କୁ କୁଶଳୀ କରିବା ଏବଂ ୨୫ ପ୍ରତିଶତ ଦାରିଦ୍ର୍ୟ ଦୂର କରିବାରେ କ୍ଷେତ୍ରରେ କେନ୍ଦ୍ର ସରକାରଙ୍କୁ ପ୍ରଂଶସା କରୁଛନ୍ତି । ଅନ୍ୟପଟେ ବିଭିନ୍ନ ଯୋଜନାରେ ରାଜ୍ୟକୁ ସମାଲୋଚନା କରୁଛନ୍ତି ବିଜେପିର ବରିଷ୍ଠ ନେତା । ତେବେ ଏହାକୁ ରାଜ୍ୟବାସୀ ହିଁ ବିଚାର କରିବେ ବୋଲି ବିଜେଡି କହିଛି ।