ବିଜେଡି ବିରୋଧରେ ନଡ୍ଡାଙ୍କ ରଣହୁଙ୍କାର । ଓଡିଶାରେ ପଦ୍ମ ଫୁଟାଇବାକୁ ଦେଲେ ଆହ୍ୱାନ । ଏପଟେ ଦ୍ୱିତୀୟ ଦିନରେ ଗୁରୁମନ୍ତ୍ର ଦେଲେ ନବୀନ ।
କନକ ବ୍ୟୁରୋ: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ଓଡିଶା ଗସ୍ତ ରାଜ୍ୟର ରାଜନୈତିକ ପାଣିପାଗକୁ ଉଷୁମ କରିଛି । ଦଳୀୟ କର୍ମୀଙ୍କ ଭିତରେ ଜୋଶ୍ ଭରିବାକୁ ପୁଣିଥରେ ଜନମତକୁ ପ୍ରଭାବିତ କରିବାକୁ ଆହ୍ୱାନ କରିଛନ୍ତି ଦିଲ୍ଲୀ ବିଜେପିର ଶୀର୍ଷ ନେତା । ଅନ୍ୟପଟେ ନଡ୍ଡାଙ୍କ ସ୍ୱରରେ ସ୍ୱର ମିଳାଇ ଯୁଦ୍ଧଂ ଦେହି ଡାକରା ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ଭଳି ଶୁକ୍ରବାର ବି ଗୋଟିଏ ପଟେ ଜନତା ମଇଦାନରେ ୨୦୨୪ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରୁଥିଲା ବିଜେପି । ଆଉ ମାତ୍ର ଅଳ୍ପ କେତେ ଦୂର ବରମୁଣ୍ଡା ପଡିଆରେ ପଦଯାତ୍ରା ପ୍ରସ୍ତୁତି ନାଁରେ ପରବର୍ତ୍ତୀ ରଣନୀତି ତିଆରି କରୁଥିଲା ବିଜେଡି ।
- ବିଜେଡି ବିରୋଧରେ ନଡ୍ଡାଙ୍କ ରଣହୁଙ୍କାର
- ଓଡିଶାରେ ପଦ୍ମ ଫୁଟାଇବାକୁ ଆହ୍ୱାନ
ଦ୍ୱିତୀୟ ଦିନରେ ବି ରାଜ୍ୟ ସରକାରଙ୍କ ଉପରେ ଜୋରଦାର ବର୍ଷିଛନ୍ତି ବିଜେପି ରାଷ୍ଟ୍ରିୟ ଅଧ୍ୟକ୍ଷ ଜେପି ନଡ୍ଡା । ଛାମୁଆ ସଂଗଠନର ନେତାଙ୍କ ଭିତରେ ଜୋସ୍ ଭରିବା ପାଇଁ, ନଡ୍ଡା କହିଛନ୍ତି, ବିକଶିତ ଓଡିଶା ଦେଖିବାକୁ ହେଲେ, ଓଡିଶାକୁ ବିଜେଡି ମୁକ୍ତ କରିବାକୁ ପଡିବ । ଭ୍ରଷ୍ଟାଚାରୀ ସରକାର ବିରୋଧରେ ଲଢ଼ିବାକୁ ପଡିବ । ଏମାନେ ରକ୍ଷକ ନୁହଁନ୍ତି ଭକ୍ଷକ । ଏମାନଙ୍କଠାରୁ ମୁକ୍ତ ହେବାକୁ ପଡିବ । ଆଉ ୨୦୨୪ରେ ଓଡିଶାରେ ପଦ୍ମ ଫୁଟାଇବାକୁ ପଡିବ । ଏପ୍ଣଙ୍କ ଶାସକ ଦଳ ବିଜେଡିକୁ ରାଷ୍ଟ୍ରୀୟ ଅଧ୍ୟକ୍ଷ ଜେ.ପି.ନଡ୍ଡାଙ୍କ ଶାଣିତ ଆକ୍ରମଣ ପରେ, ଯୁଦ୍ଧଂ ଦେହି ଡାକରା ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ବିଜେପି ଭଳି ବିଜେଡି ପଦଯାତ୍ରା ପ୍ରସ୍ତୁତି ବୈଠକର ଦ୍ୱତୀୟ ଦିନରେ ଦଳୀୟ ନେତାଙ୍କୁ ଗୁରୁମନ୍ତ୍ର ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭର୍ଚୁଆଲ ମୋଡରେ ସାମିଲ ହୋଇ ଜନ ପ୍ରତିନିଧି ଓ କର୍ମକର୍ତାଙ୍କୁ କହିଛନ୍ତି, ଲୋକଙ୍କ ସେବା ହେଉଛି ମୁଖ୍ୟ । ରାଜନୀତି ଏଥିପାଇଁ ମାଧ୍ୟମ ମାତ୍ର । ପଞ୍ଚାୟତ ଓ ପୌର ନିର୍ବାଚନ ସମୟରେ ରାଜନୀତି ହୁଏ । ନିର୍ବାଚନ ସରିବା ପରେ ସମସ୍ତେ ଏକାଠି ହୋଇ ଲୋକଙ୍କ ପାଇଁ କାମ କରନ୍ତୁ । ଆଉ ହେବାକୁ ଥିବା ପଦଯାତ୍ରାକୁ ସଫଳ କରିବାକୁ ଆହ୍ୱାନ ଦେଇଛନ୍ତି ନବୀନ ପଟ୍ଟନାୟକ । ତେବେ ନିର୍ବାଚନକୁ ଆହୁରି ଢ଼େର ଦିନ ବାକି ଥିଲେ ବି ଦୁଇ ଦଳଙ୍କ ପ୍ରସ୍ତୁତି ରାଜ୍ୟ ରାଜନୈତିକ ବାତାବରଣକୁ ଉଷ୍ଣ କରିଛି ।