ବିଜେପିର ଚୁଡ଼ି ପିନ୍ଧା ଅଭିଯାନକୁ ବିଜେଡ଼ିର ସମାଲୋଚନା । ଚୁଡ଼ିକୁ ନାରୀର ଦୁର୍ବଳତାର ପ୍ରତୀକ କରି ରାଜନୀତି କରୁଛି ବିଜେପି ।
କାହିଁକି ବିଜେପି ମହିଳା ମୋର୍ଚ୍ଚା ଚୁଡ଼ିକୁ ଦୁର୍ବଳତାର ପ୍ରତୀକ କରି ରାଜନୀତି କରୁଛି ବୋଲି ପ୍ରଶ୍ନ କରିଛନ୍ତି କସ୍ତୁରି ।
କନକ ବ୍ୟୁରୋ: ବିଜେପିର ଚୁଡିପିନ୍ଧା ଅଭିଯାନକୁ ସମାଲୋଚନା କରିଛି ବିଜେଡି । ବିଜେଡି ମୁଖପାତ୍ର କସ୍ତୁରୀ ମହାପାତ୍ର କହିଛନ୍ତି ଯେ, କ’ଣ ଚୁଡ଼ି ଗୋଟେ ନାରୀର ଦୁର୍ବଳତାର ପ୍ରତୀକ କି? କାହିଁକି ବିଜେପି ମହିଳା ମୋର୍ଚ୍ଚା ଚୁଡ଼ିକୁ ଦୁର୍ବଳତାର ପ୍ରତୀକ କରି ରାଜନୀତି କରୁଛି ବୋଲି ପ୍ରଶ୍ନ କରିଛନ୍ତି କସ୍ତୁରି । ଏପରିକି ବିଜେପିର ଏଭଳି ପ୍ରସଙ୍ଗ ଆଉ ପ୍ରତିବାଦ ତାଙ୍କର ହନୀ ମାନସିକତାକୁ ପଦାରେ ପକାଇଛି ବୋଲି କହିଛନ୍ତି ବିଜେଡି ମୁଖପାତ୍ର କସ୍ତୁରୀ ମହାପାତ୍ର ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ଚୁଡ଼ି ପିନ୍ଧା ଅଭିଯାନକୁ କାଉଣ୍ଟର କରି କସ୍ତୁରୀ ମହାପାତ୍ର ପାଲଟା ବଲ୍ ବିଜେପି କୋର୍ଟକୁ ଫିଙ୍ଗି କହିଛନ୍ତି ଯେ, ବିହାର ଆଶ୍ରମରେ ଶତାଧିକ ଝିଅ ଦୁଷ୍କର୍ମର ଶିକାର ହେଲେ , କିନ୍ତୁ ସେଠାର ରାଜ୍ୟସଭା ପ୍ରାର୍ଥୀ ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ବାବୁଙ୍କୁ କାହିଁକି ବିଜେପି ଚୁଡ଼ି ପିନ୍ଧାଇ ନଥିଲା ବୋଲି ପ୍ରଶ୍ନ କରିଛନ୍ତି କସ୍ତୁରୀ । ବିଜେଡି ଓ ବିଜେପିର ଏହି ଆରୋପ-ପ୍ରତ୍ୟାରୋପ ଭିତରେ ରାଜନୀତି ଜୋରଦାର ହେବାରେ ଲାଗିଛି । କାରଣ ଆଗକୁ ଅଛି ୨୦୧୯ ନିର୍ବାଚନ ।
ସେପଟେ ବିଜେପିର ଚୁଡ଼ି ପିନ୍ଧା ଅଭିଯାନରେ ସରକାରୀ ଦଫ୍ତରର ସୁରକ୍ଷାରେ ନିୟୋଜିତ ଥିବା ପୁଲିସଙ୍କୁ ବିଜେପି ଠାରୁ ମାଡ଼ ଖାଇବାକୁ ପଡ଼ିଥିବା ଦୃଶ୍ୟ ଭାଇରାଲ ହେବାରେ ଲାଗିଛି । ପୁଲିସ୍ ଉପରକୁ ଚୁଡ଼ି ମାଡ଼ କରିବା ସହ ପୁଲିସ୍ କନଷ୍ଟେବଲଙ୍କୁ ଚାପୁଡ଼ା ମାରୁଥିବାର ଘଟଣାକୁ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।