ଏମିତି ଚିରାଗ ଏବଂ ଉଦ୍ଧବଙ୍କ ଭଳି ସ୍ଥିତି ହେବାରୁ ବଞ୍ଚିଲେ ନୀତିଶ କୁମାର, ପଢନ୍ତୁ ବିହାରର ରାଜନୈତିକ ଯୁଦ୍ଧର ଭିତିରି କଥା …
କନକ ବ୍ୟୁରୋ: ବିହାର ରାଜନୀତିରେ ମହାରାଷ୍ଟ୍ର ଭଳି ରାଜନୈତିକ ସ୍ଥିତିର ପଟକଥା ଲେଖାଯାଉଥିଲା । ମହାରାଷ୍ଟ୍ରରେ ଉଦ୍ଧବ ଠାକରେଙ୍କ ପାଦତଳୁ ସରକାରକୁ ତାଙ୍କ ଦଳର ନେତା ଏକନାଥ ସିନ୍ଦେ ହିଁ ଖସାଇନେଇ ଚାଲିଯାଇଥିଲେ । ବିହାରରେ ମଧ୍ୟ ଆରସିପି ସିଂହଙ୍କ ବାହାନାରେ ‘ସିନ୍ଦେ ମଡେଲ’କୁ ଆପଣାଯାଉଥିଲା । ତେବେ ନୀତିଶ କୁମାର ସିଧାଅନ୍ଦାଜରେ ଏଭଳି ପ୍ରସ୍ତୁତ କରିଥିଲେ ଯେ, ଶିବସେନା ଭଳି ଦଶା ଭୋଗିବାରୁ ଜେଡିୟୁ ବର୍ତ୍ତି ଯାଇଥିଲା । ନୀତିଶ କୁମାର ଗୋଟିଏ ପଟରୁ ବିଜେପିର ଶୀର୍ଷନେତୃତ୍ୱଙ୍କ ଭରସା ବଜାଇ ରଖିଥିବା ବେଳେ ଅନ୍ୟପଟେ ଆରଜେଡି ସହ ସରକାର ଗଠନର ପ୍ରସ୍ତୁତି ମଧ୍ୟ କରୁଥିଲେ । ନୀତିଶ ପ୍ରଥମେ ବିଦ୍ରୋହୀ ଆରସିପି ସିଂହଙ୍କୁ ଗୋଟିଏ ପାଶ୍ୱର୍କୁ କରି ବିଜେପିକୁ ତାର ଭାଷାରେ ହିଁ ମାତ୍ ଦେବା ପାଇଁ ପ୍ରସ୍ତୁତି କରିଥିଲେ । ଏହା କରିବା ଫଳରେ ସେ ଚିରାଗ ପାଶୱାନ୍ ଏବଂ ଉଦ୍ଧବ ଠାକରେଙ୍କ ଭଳି ସ୍ଥିତିରୁ ଅଳ୍ପକେ ବର୍ତ୍ତିଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲାଲୁ ପ୍ରସାଦ ଯାଦବଙ୍କ ତଥାକଥିତ ‘ଜଙ୍ଗଲରାଜ’ ଭୟର ମାହୋଲ ଭିତରେ ବିକାଶ କରିଥିବା ନେତା ଭାବେ ନୀତିଶ କୁମାର ସାମ୍ନାକୁ ଆସିଥିଲେ । ସଙ୍ଘର୍ଷ କରିବା ସହ ମଣ୍ଡଳସ୍ତରରୁ ସେ ରାଜନୀତିକୁ ଆସିଥିଲେ । ବିଜେପି ସହ ନୀତିଶ କୁମାର ମିଳିମିଶି ସରକାର ଚଳାଉଥିଲେ, ତେବେ ବିଜେପି ପ୍ରତିଟି ପାଦରେ ତାଙ୍କ ଉପରେ ନଜର ରଖିଥିଲା । ଏହି କାରଣରୁ ୨୦୨୦ରେ ବିହାରରେ ଭାଜପା ନେତାଙ୍କ ମନରେ ପ୍ରଶ୍ନ ରହିଥିଲା ଯେ ଦଳ ପାଖରେ ସର୍ବାଧିକ ଆସନ ଥାଇ ମଧ୍ୟ ତାଙ୍କୁ ନୀତିଶ କୁମାରଙ୍କ ମୁଖ୍ୟମନ୍ତ୍ରୀତ୍ୱରେ କାମ କରିବାକୁ ପଡୁଛି ।
ବିଜେପି ନେତା ଚାହୁଁଥିଲେ ବର୍ତ୍ତମାନ ରାଜ୍ୟରେ ତାଙ୍କ ଦଳର ମୁଖ୍ୟମନ୍ତ୍ରୀ ହେବା ଦରକାର । ତେବେ ଦଳର କେନ୍ଦ୍ରୀୟ ନେତୃତ୍ୱ ଚୁପ ରହିଥିଲେ । ତେବେ ଧିରେ ଧିରେ ଏହି ଛୋଟ ଛୋଟ କଥା ବଡ ବିଦ୍ରୋହର ରୂପ ନେଇସାରିଥିଲା । ସମୟ ସମୟରେ ବିଜେପି-ଜେଡିୟୁ ନେତାଙ୍କ ମଧ୍ୟରେ ମନୋମାଳିନ୍ୟ ବୃଦ୍ଧି ପାଇଥିଲା । ବିଧାନସଭା ଭିତରେ ମଧ୍ୟ ଏହାର ଚିତ୍ର ଦେଖିବାକୁ ମିଳିଛି । ତେବେ ଏହାରି ଭିତରେ ମହାରାଷ୍ଟ୍ରରେ ଏକନାଥ ସିନ୍ଦେଙ୍କ ପ୍ରକରଣ ପରେ ବିହାରର ବିଜେପି ନେତାଙ୍କୁ ଲାଗୁଥିଲା ଯେ ଯଦି ଶିବସେନା ଭଳି ଜେଡିୟୁଙ୍କ ଭାଙ୍ଗିବାରେ ସଫଳ ହୋଇଯାଏ ତେବେ ବିହାରର ବାଜି ପୂରା ବଦଳିଯିବ ।
ଜେଡିୟୁ ନେତାଙ୍କ ଅଭିଯୋଗ ଥିଲା ଯେ ବିଜେପି ନେତା ଆରସିପି ସିଂହଙ୍ଗ ଭିତରେ ଜଣେ ନୂଆ ଏକନାଥ ସିନ୍ଦେଙ୍କ ତଲାସି କରୁଥିଲେ । ବିହାରରେ ଆରସିପି ସିଂହଙ୍କ ବାହାନାରେ ଜେଡିୟୁରେ ଗୃହଯୁଦ୍ଧର ପ୍ରସ୍ତୁତି ହେଉଥିଲା । ତେବେ ନୀତିଶ କୁମାର ନିଜ ବୁଦ୍ଧି ଏବଂ ରାଜନୈତିକ ଗୋଟିଚାଳନା ବଳରେ ଘଟଣା ଉପରେ ନଜର ରଖିଥିଲେ । ବିଜେପି ନେତାଙ୍କ ସହ ଆରସିପି ସିଂହଙ୍କ ବଢୁଥିବା ଭଲପାଇବାକୁ ନୀତିଶ ଠିକ ଭାବେ ଧରିପାରିଥିଲେ । ଜେଡିୟୁର ଅଧ୍ୟକ୍ଷ ଲଲନ ସିଂହ ଆରସିପି ସିଂହଙ୍କୁ ଟାର୍ଗେଟ କରିବାକୁ ଯାଇ କହିଥିଲେ ନୀତିଶ ଆଖିବୁଜି ଆରସିପି ସିଂହଙ୍କ ଉପରେ ଭରସା କରିଥିଲେ । ତେବେ ତାଙ୍କ ପିଠି ପଛରେ ଛୁରାମାରିବା ପାଇଁ ବିଜେପିର ଏଜେଣ୍ଟ ହୋଇ ଜେଡିୟୁରେ ସେ କାମ କରିଚାଲିଥିଲେ ।
ଲଲନ ସିଂହ ଆହୁରି ମଧ୍ୟ କହିଛନ୍ତି, ଜେଡିୟୁଙ୍କୁ ଶକ୍ତିହୀନ କରିବା ପାଇଁ ପ୍ରଥମେ ୨୦୨୦ରେ ଚିରାଗ ପାଶୱାନଙ୍କ ବ୍ୟବହାର କରିଥିଲା ବିଜେପି । ପରେ ଆରସିପି ସିଂହଙ୍କ ଜରିଆରେ ଚିରାଗ ପାର୍ଟ-୨ ମଡେଲ ପ୍ରସ୍ତୁତ ହୋଇଥିଲା । ଲଲନ ସିଂହ କହିଛନ୍ତି, ଷଡଯନ୍ତ୍ର ହୋଇଥିଲା, କେଉଁଭଳି ଷଡଯନ୍ତ୍ର ହୋଇଥିଲା ତାହା ସମସ୍ତେ ଜାଣିଛନ୍ତି । ନୀତିଶ କୁମାର ସମୟ ଥାଉଥାଉ ଏହାକୁ ଜାଣିବା ସହ ବିଜେପିର ସବୁ ପ୍ଲାନକୁ ଭଣ୍ଡୁର କରିଦେଇଥିଲେ।
ବିହାରରେ ଜେଡିୟୁର ଅବସ୍ଥା ମହାରାଷ୍ଟ୍ରର ଶିବସେନା ଭଳି ନହେବ ସେଥିପାଇଁ ନୀତିଶ ପ୍ରଥମରୁ ସତର୍କ ହୋଇଥିଲେ । ଜେଡିୟୁ ଆରସିପି ସିଂହଙ୍କୁ ତୃତୀୟ ଥର ରାଜ୍ୟସଭାକୁ ପଠାଇନଥିଲା । ଏହାକୁ ନେଇ ସେ କେନ୍ଦ୍ରମନ୍ତ୍ରୀ ପଦରୁ ବାଦ ପଡିଥିଲେ । ପରେ ଆରସିପି ସିଂହ ଦୁର୍ବଳ ହୋଇଥିଲେ ଏହାର ସୁଯୋଗରେ ତାଙ୍କୁ ଦଳର ଅନ୍ୟପଦରୁ ମଧ୍ୟ ହଟାଇବା ସହ ତାଙ୍କ ନିକଟତମ ସଦସ୍ୟଙ୍କୁ ମଧ୍ୟ ହଟାଇଦେଇଥିଲେ ନୀତିଶ । ତେବେ ଜେଡିୟୁ ତାଙ୍କୁ ସିଧାସଳଖ ବାହର କରିବା ପାଇଁ କୌଣସି ଆଦେଶ ନଦେଇ ତାଙ୍କ ଉପରେ ଦୁର୍ନୀତିର ଅଭିଯୋଗ ଲଗାଇ ନୋଟିସ ଜାରିକରାଯାଇଥିଲା । ଏହିଭଳି ଭାବେ ତାଙ୍କ ଛବିକୁ ମଳିନ କରିବା ସହ ବିଧାୟକଙ୍କ ସହ ତାଙ୍କ ସମ୍ପର୍କ ଛିନ୍ନ କରିବା ପାଇଁ ରଣନୀତି ଆପଣାଯାଇଥିଲା । ନୀତିଶଙ୍କ ଏହି ଚାଲ ସଫଳ ହୋଇଥିଲା ।
ସମୟ ଥାଉଥାଉ ନୀତିଶ କେବଳ ପରିସ୍ଥିତିକୁ ବୁଝିନଥିଲେ ତାକୁ ନଜରରେ ରଖି ନୂଆ ରଣନୀତି ପ୍ରସ୍ତୁତ କରି ଭାଜପାକୁ ସଙ୍କଟରେ ପକାଇଥିଲେ । ନୀତିଶ କୁମାର ଏହି କଥା ବୁଝିପାରିଥିଲେ ଆରସିପି ଲୋକଙ୍କ ନେତା ନୁହନ୍ତି । ସେ କେବେ ତାଙ୍କୁ କୌଣସି ଚ୍ୟାଲେଞ୍ଜ ଦେଇପାରିବେ ନାହିଁ । ଚଳିତ ବର୍ଷ ଜୁନରେ ଜେଡିୟୁ ଆରସିପି ସିଂହଙ୍କ ନିକଟତମ ଥିବା ୪ ନେତାଙ୍କୁ ପ୍ରାଥମିକ ସଦସ୍ୟ ପଦରୁ ନିଲମ୍ବନ କରିଥିଲେ ।
ଜେଡିୟୁର ମହାସଚିବ ରହିଥିବା ଅନିଲ କୁମାର, ବିପିନ କୁମାର ଯାଦବ, ଅଜୟ ଆଲୋକ ଏବଂ ଜିତେନ୍ଦ୍ର ନିରଜଙ୍କ ଭଳି ବଡ ନେତାଙ୍କୁ ଦଳରୁ ବାହରର ରାସ୍ତା ଦେଖାଯାଇଥିଲା । ଏହିଭଳି ଭାବେ ଆରସିପି ସିଂହଙ୍ଗ ଉପରେ ଦଳ ଲଗାଇ ଲଗାଇପାରିଥିଲା । ଏହାର ଫଳ ଏୟା ବାହାରିଥିଲା ଯେ ଜେଡିୟୁରେ କୌଣସି ନେତା ଆରସିପି ସିଂହଙ୍କ ସହ ଛିଡା ହୋଇପାରିଲେ ନାହିଁ । ଅନ୍ୟ ପଟେ ଲଲନ ସିଂହଙ୍କୁ ଲଗାଇ ତାଙ୍କ ପକ୍ଷକୁ ମଜବୁତ ପାଇଁ ଉଦ୍ୟମ ଜାରିରହିଥିଲା । ନିଜେ ନୀତିଶ ଆରଜେଡି ସହ ସରକାର ଗଠନ ପାଇଁ ଭିତରେ ଭିତରେ ନିଜର ଉଦ୍ୟମ ଆରମ୍ଭ କରିଦେଇଥିଲେ ।