ବିହାରରେ ମଦ ମୃତ୍ୟୁକୁ ନେଇ ମେଣ୍ଟ ସରକାରରେ ଫାଟ, ନିତୀଶଙ୍କୁ ଟାର୍ଗେଟ କରି ବିଜେପି ପଚାରିଲା ଏଭଳି ପ୍ରଶ୍ନ
କନକ ବ୍ୟୁରୋ : ଗୋଟିଏ ପଟେ ବିହାର ସରକାର ରାଜ୍ୟରେ ମଦବିକ୍ରି ଉପରେ କଟକଣା ଲଗାଇଥିବା ବେଳେ ଅନ୍ୟପଟେ ଦେଶରେ ସବୁଠାରୁ ଅଧିକ ବିଶାକ୍ତ ମଦ ପିଇ ବିହାରରେ ଲୋକେ ମରୁଛନ୍ତି । ଏହି କ୍ରମରେ ବିହାର ମଖ୍ୟମନ୍ତ୍ରୀ ନିତୀଶ କୁମାରଙ୍କ ନିଜ ଜିଲ୍ଲା ନାଳନ୍ଦାରେ ବିଶାକ୍ତ ମଦପିଇ ୧୧ ଜଣ ଲୋକଙ୍କ ମୃତ୍ୟୁକୁ ନେଇ ବିଜେପି ଏବେ ନିତୀଶଙ୍କୁ ଟାର୍ଗେଟ୍ କରିଛି । ବିିହାର ବିଜେପିର ରାଜ୍ୟ ଅଧ୍ୟକ୍ଷ ସଂଜୟ ଜୟସୱାଲ ରବିବାର ଦିନ ନଜ ଫେସବୁକ ପୋଷ୍ଟ ମାଧ୍ୟମରେ ନିତୀଶ କୁମାରଙ୍କ ମଦ ବ୍ୟାନ ଆଇନକୁ ନେଇ ପ୍ରଶ୍ନ ଉଠାଇଛନ୍ତି । ସେ ପଚାରିଛନ୍ତି କି ନିତୀଶ ସରକାର ମଦ ବିକ୍ରି କରିବା ଓ ପିଇବା ଲୋକଙ୍କ ଉପରେ କଟକଣା ଲଗାଇଥିବା ବେଳେ ଏବେ ନିଜ ଜିଲ୍ଲାରେ ଯେଉଁ ୧୧ ଜଣ ଲୋକ ବିଶାକ୍ତ ମଦ ପିଇ ମୃତ୍ୟୁବରଣ କରିଛନ୍ତି ସେମାନଙ୍କ ପରିବାର ଲୋକଙ୍କୁ ନିତୀଶ ସରକାର କଣ ଜେଲରେ ପୁରାଇବେ କି ?
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଗତବର୍ଷ ଦିପାବଳୀ ସମୟରେ ସଂଜୟ ଜୟସୱାଲଙ୍କ ସଂସଦୀୟ କ୍ଷେତ୍ରରେ ବିଶାକ୍ତ ମଦ ପିଇ ୧୨ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା । ଏହାପରେ ଜୟସୱାଲ ମୃତକଙ୍କ ପରିବାରକୁ ଭେଟି ସମବେଦନା ଜଣାଇବା ସହ ସେମାନଙ୍କୁ ଆର୍ଥିକ ସହାୟତା ଯୋଗାଇ ଦେଇଥିଲେ । ଜୟସୱାଲଙ୍କର ଏଭଳି କାମକୁ ନେଇ ୨ ଦିନ ତଳେ ଜେଡିୟୁର ପ୍ରବକ୍ତା ଅଭିଷେକ ଝା ଜୟସୱାଲଙ୍କୁ ଟାର୍ଗେଟ୍ କରିଥିଲେ । ସେ କହିଥିଲେ କି ଜୟସୱାଲଙ୍କର ଏଭଳି କାର୍ଯ୍ୟ ସରକାରଙ୍କ ଆଚରଣକୁ ଉଲଙ୍ଘନ କରୁଛି । ଏହାର ଉତ୍ତରରେ ଆଜି ଜୟସୱାଲ ସିଧା ସଳଖ ମେଣ୍ଟ ସରକାରରେ ମୁଖ୍ୟମନ୍ତ୍ରୀ ଥିବା ନିତୀଶଙ୍କୁ ଟାର୍ଗେର୍ଟ୍ କରି ସୋସିଆଲ ମିଡିଆରେ ଏଭଳି ପୋ୍େଟ କରିଛନ୍ତି ।