କନକ ବ୍ୟୁରୋ: ବିହାର ଆରାରେ ମାଆ ଅପରାଧର ଦଣ୍ଡ ଅଢେଇ ବର୍ଷର ଶିଶୁକୁ ଭୋଗିବାକୁ ପଡିଛି । ଅନୈତିକ ପ୍ରେମ ସମ୍ବନ୍ଧକୁ ନେଇ ନିରୀହ ଶିଶୁକୁ ଜେଲ ଭିତରକୁ ଯିବାକୁ ପଡିଛି । ମାଆ ନିଜର ପ୍ରେମିକଙ୍କୁ ହତ୍ୟା ଅଭିଯୋଗରେ ଜେଲଯାଇଥିବା ବେଳେ ଶିଶୁଟିକୁ ମଧ୍ୟ ଜେଲର ଚାରିକାନ୍ଥ ଭିତରେ ରହିବାକୁ ପଡିଛି । ଘଟଣାଟି ଘଟିଛି କୃଷ୍ଣାଗଡ ଥାନା ଅଞ୍ଚଳରେ ।
Kanak News is now on WhatsApp
Join and get latest news updates delivered to you via WhatsApp
ଗତ ସୋମବାର ଦିନ ଜଣେ ମହିଳା ରୁବି ଦେବୀକୁ ଦେଖାକରିବା ପାଇଁ ପ୍ରେମିକ ଚନ୍ଦନ ତିୱାରୀ ଘରକୁ ଆସିଥିଲେ । ତେବେ ମହିଳା ଏବଂ ତାଙ୍କ ପ୍ରେମିକକୁ ମହିଳାଙ୍କ ସ୍ୱାମୀ ଆପତ୍ତିଜନକ ଅବସ୍ଥାରେ ଦେଖିଥିଲେ । ଏହାକୁ ନେଇ ମହିଳାଙ୍କ ସ୍ୱାମୀ ରାଜୁ ପାସୱାନ ଏବଂ ତାଙ୍କ ଶ୍ୱଶୁର, ଦିଅର ଯୁବକଙ୍କୁ ପିଟିପିଟି ହତ୍ୟା କରିଥିଲେ । ଏନେଇ କୃଷ୍ଣାଗଡ ଥାନା ପୋଲିସ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣକରି ଅଭିଯୁକ୍ତ ପ୍ରେମିକା ରୁବି ଦେବୀ, ତାଙ୍କ ସ୍ୱାମୀ ରାଜୁ, ଶ୍ୱଶୁର ଏବଂ ଦିଅରକୁ ପୋଲିସ ଗିରଫ କରିଥିଲା । ଏହି ମାମଲାରେ ଅଭିଯୁକ୍ତ ମାଆଙ୍କ ସହ ଅଢେଇ ବର୍ଷର ଶିଶୁ ମଧ୍ୟ ଜେଲକୁ ଯାଇଛି ।
ଶିଶୁଟି ବର୍ତ୍ତମାନ ସୁଦ୍ଧା ଜାଣିନାହିଁ ଯେ ଯେଉଁ ଦୋଷ ପାଇଁ କାଳକୋଠରୀକୁ ସେ ନିଜ ମାଆ ସହ ଯାଉଛି ସେଥିରେ ତାର କୌଣସି ଦୋଷ ନାହିଁ । ତେବେ ଅଭିଯୁକ୍ତ ମହିଳା ବର୍ତ୍ତମାନ ୯ ମାସର ଗର୍ଭବତୀ ଥିବା ମଧ୍ୟ ଜଣାପଡିଛି । ଏହି କାଳ କୋଠରୀରେ ଆଉ କିଛି ଦିନ ପରେ ଆଉ ଏକ ଶିଶୁ ଜନ୍ମ ନେବ । ପୋଲିସ ଯେତେବେଳେ ଅଭିଯୁକ୍ତ ରୁବି ଦେବୀଙ୍କୁ ଏହି ହତ୍ୟାକାଣ୍ଡ ବାବଦରେ ପଚରାଉଚରା କରିଥିଲା ସେତେବେଳେ ମୃତକ ଚନ୍ଦନ ସହ ତାର ପ୍ରେମ ସମ୍ପର୍କକୁ ମିଛ କହିଛି । ରୁବି ଏହା ମଧ୍ୟ କହିଛନ୍ତି ଯେ ଚନ୍ଦନ ଏବଂ ତାଙ୍କ ସ୍ୱାମୀଙ୍କ ମଧ୍ୟରେ କୌଣସି କଥକୁ ନେଇ ବିବାଦ ହୋଇଥିଲା । ଉଭୟଙ୍କ ମଧ୍ୟରେ ଲଢେଇ ପରେ ଚନ୍ଦନକୁ ରୁବିଙ୍କ ପତ୍ନୀ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ତେବେ ଚନ୍ଦନଙ୍କ ମୃତ୍ୟୁ କେମିତି ହେଲେ ତାକୁ ନେଇ ସେ କିଛି କହିନାହାନ୍ତି ।