ସାମ୍ନାକୁ ଆସିଲା ବିଗବସର ମିଛ ! ଘରୁ ବାହାରିବା ପରେ ନିଜ ପ୍ରେମସଂପର୍କ ଉପରେ ଏଭଳି ମତ ରଖିଲେ ଭଜନ ସମ୍ରାଟ ।
ଲୋକପ୍ରିୟ ଭଜନ ସମ୍ରାଟ ଅନୁପ ଜଲୌଟା ବିଗବସ୍ ସିଜନ୍ ୧୨ ପ୍ରତିଯୋଗିତାରୁ ବାହାରି ଯାଇଛନ୍ତି । ଭଜନ ପାଇଁ ସେ ଯେତେ ପରିଚିତ ତା’ଠାରୁ ଅଧିକ ପରିଚିତ ବିଗ୍ ବସ୍ ସିଜନ ୧୨ ରୁ ସେ ପାଇଥିଲେ । ନିଜଠାରୁ ଖୁବ୍ କମ୍ ବୟସ୍କ ଗାର୍ଲଫ୍ରେଣ୍ଡ ଜସଲିନ୍ ମଥାରୁଙ୍କ ସହ ପ୍ରେମସଂପର୍କ ନେଇ ସେ ଖୁବ୍ ଚର୍ଚ୍ଚିତ ହୋଇଥିଲେ । ତେବେ ନିକଟରେ ସେ ଏବଂ ପ୍ରତିଯୋଗୀ ସବା ଖାନ୍ ଏହି ଶୋ’ରୁ ବାଦ୍ ପଡିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଶୋ’ରୁ ବାହାରିବା ପରେ ଅନୁପ ବିଗବସ୍ ପ୍ରତିଯୋଗୀ ଏବଂ ତାଙ୍କ ଗାର୍ଲଫ୍ରେଣ୍ଡ୍ ଜସଲିନଙ୍କ ବିଷୟରେ ଚକିତ କଲା ଭଳି କଥା କହିଛନ୍ତି । ସେ କହିଥିଲେ ଜସଲିନ୍ ବିଗବସ୍ ୧୨ ରେ ନିଜ ଲୋକପ୍ରିୟତାକୁ ବଢାଇବା ପାଇଁ ମୋତେ ବ୍ୟବହାର କରିଥିଲେ । ସେ ମୋତେ ପ୍ରେମିକ ବନାଇବା ସହ ଲୋକଙ୍କ ମନରେ ମଧ୍ୟ ଘର କରିଥିଲେ ।
ଅନୁପ ପୁଣି କହିଥିଲେ ଯେ ମୁଁ ଜସଲିନଙ୍କ ସହ ଗୁରୁ ଶିଷ୍ୟର ସଂପର୍କ ନେଇ ବିଗବସ୍ ଘରେ ଏଣ୍ଟ୍ରି କରିବାକୁ ଚାହୁଁଥିଲି । ସେଥିପାଇଁ ଆରମ୍ଭ ଉତ୍ସବରେ ହିଁ ମୁଁ ଜସଲିନଙ୍କୁ ମୋ ଶିଷ୍ୟା ଏବଂ ମୁଁ ତାଙ୍କର ଗୁରୁ କହିଥିଲି । ସେତେବେବେ ସଲମାନ କହିଥିଲେ ଯେ ଆପଣ ତାଙ୍କୁ ଗୁରୁ କହୁଛନ୍ତି କିନ୍ତୁ ଜସଲିନ୍ ଆଉ କିଛି କହୁଛନ୍ତି ଏହାପରେ ବିଗବସ୍ ଘରେ ଜସଲିନ୍ ମଧ୍ୟ ପ୍ରେମସଂବନ୍ଧକୁ ସ୍ୱୀକାର କରିଥିଲେ । ଯାହା ସମ୍ପୁର୍ଣ୍ଣ ମିଥ୍ୟା ଥିଲା । ଏହା ସହ ଅନୁପ୍ ଖେଳାଳୀ ଶ୍ରୀସନ୍ଥକୁ ଫୁଟେଜ୍ ଖାଉଥିବା କଥା କହିଥିବା ବେଳେ ରୋମିଲ୍ ଚୌଧୁରୀଙ୍କୁ ୱିନର୍ ହେବା କଥା କହିଥିଲେ ।