ଆମେରିକାକୁ ଚୀନ୍ ଚିନ୍ତା । ରାଷ୍ଟ୍ରପତି ଜୋ-ବାଇଡେଡ଼ କହିଲେ, ନିଜର ଭିତିଭୂମି ବିକାଶ ଖର୍ଚ୍ଚକୁ ନବଢ଼ାଇଲେ ଆମେରିକାର ଦାନା ଛଡ଼ାଇନେବ ଚୀନ୍ । ସର୍ତକ କରାଇଲେ ରାଷ୍ଟ୍ରପତି
ଆମେରିକା ଯଦି ନିଜର ଭିତ୍ତିଭୂମି ବିକାଶ ଖର୍ଚ୍ଚକୁ ନ ବଢ଼ାଏ, ତେବେ ଚୀନ୍ ଆମଠାରୁ ଆମ ଦାନା ଛଡ଼େଇନେବ ବୋଲି ଆମେରିକା ରାଷ୍ଟ୍ରପତି ଜୋ ବାଇଡେନ୍ ସତର୍କ କରାଇ ଦେଇଛନ୍ତି । ଆମେରିକାରେ ଭିତ୍ତିଭୂମି ବିକାଶର ଆବଶ୍ୟକତା ସମ୍ପର୍କରେ ଗୁରୁବାର ସିନେଟରଙ୍କ ସହ ଆଲୋଚନା ବେଳେ ବାଇଡେନ୍ ଏଭଳି ଆଶଙ୍କା ପ୍ରକଟ କରିଛନ୍ତି । ଚୀନ୍ ରାଷ୍ଟ୍ରପତି ସି ଜିନ୍ପିଙ୍ଗ୍ଙ୍କ ଆର୍ଥିକ ନୀତି ବିରୋଧରେ ତୀବ୍ର ପ୍ରତରିକ୍ରିୟା ରଖି ବାଇଡେନ୍ ଏପରି ସତର୍କ କରାଇବା ଚର୍ଚ୍ଚାର ବିଷୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉ କି, ଚୀନ୍ ବିଶ୍ବ ଅର୍ଥନୀତିରେ ନିଜର ଏକଚାଟିଆ କାରବାର ଜାରି ରଖିବାକୁ ବଡ଼ ଷଡ଼ଯନ୍ତ୍ର କରିଛି ବୋଲି ଆମେରିକୀୟ ବିଶେଷଜ୍ଞଙ୍କ ରିପୋର୍ଟ ପରେ ବାଇଡେନ୍ ତାଙ୍କ ଆଭିମୁଖ୍ୟ କଠୋର କରିଛନ୍ତି । ଦୁଇ ଦେଶ ମଧ୍ୟରେ କୌଣସି ପ୍ରକାର ମୁକାବିଲା ପରିସ୍ଥିତି ଉଭୟ ଦେଶ ପାଇଁ ବଡ଼ ସଙ୍କଟ ଆଣିବ ବୋଲି କହିଥିଲେ । ତେବେ ଆମେରିକାର ପରିବେଶ ଓ ପୂର୍ତ୍ତ ବିଭାଗର କର୍ମକର୍ତ୍ତାଙ୍କ ସହ ଆଚୋଚନା କରି ବାଇଡେନ୍ କହିଥିଲେ ଯେ ଭିତ୍ତିଭୂମି ବିକାଶ ପାଇଁ ଆମେ ଆଗକୁ ନ ବଢ଼ିଲେ ଚୀନ୍ ଆମ ଭାଗ ମାଡ଼ିବସିବ । ସେମାନେ ପରିବେଶ, ପରିବହନ ଏବଂ ସାମଗ୍ରିକ ଭାବେ ବିଭିନ୍ନ ପ୍ରକଳ୍ପରେ କୋଟି କୋଟି ଡଲାର ଖର୍ଚ୍ଚ କରୁଛନ୍ତି। ସୁତରାଂ ଆମକୁ ମଧ୍ୟ ଏ ଦିଗରେ ଉପରକୁ ଉଠିବାକୁ ହେବ ବୋଲି ବାଇଡେନ୍ ସତର୍କ କରାଇ ଦେଇଛନ୍ତି ।