ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଭଦ୍ରକ ବିଧାୟକ ସଂଜିବ ମଲ୍ଲିକ : ଯାଜପୁର ଜାରକା ନିକଟରେ ବିଧାୟକଙ୍କ କାର ଓ ଟ୍ରକ ମଧ୍ୟରେ ଧକ୍କା; କାର ଭାଙ୍ଗି ଚୁରମାର
କନକ ବ୍ୟୁରୋ : ଦୁର୍ଘଟଣାଗ୍ରସ୍ତ ହେଲା ଭଦ୍ରକ ବିଧାୟକଙ୍କ ଗାଡି । ଏକ ବଡ଼ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଭଦ୍ରକ ବିଧାୟକ ସଞ୍ଜୀବ ମଲ୍ଲିକ। ଏହି ଦୁର୍ଘଟଣାରେ ଗାଡି କ୍ଷତିଗ୍ରସ୍ତ ହୋଇଥିବା ବେଳେ ବିଧାୟକ ସୁରକ୍ଷିତ ଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନାନୁସାରେ, ଭୁବନେଶ୍ୱରରୁ ଭଦ୍ରକ ଯିବା ବାଟରେ ଯାଜପୁର ଜିଲ୍କା ଜାରକା ନିକଟରେ ଏକ ଟ୍ରକ ସହ ଦୁର୍ଘଟଣା ହୋଇଥିବା ସୂଚନା ମିଳିଛି । ଜାରକା ଛକ ନିକଟରେ ଦୁର୍ଘଟଣା ହେବା ପରେ ଗାଡି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ତେବେ ବିଧାୟକ ସଞ୍ଜୀବ ମଲ୍ଲିକଙ୍କୁ ନିକଟସ୍ଥ ମେଡିକାଲରେ ପ୍ରାଥମିକ ଚିକିତ୍ସା ଦିଆଯାଇଥିବା ଜଣା ପଡ଼ିଛି । ଗାଡିର ଡ୍ରାଇଭର ଓ ବିଧାୟକଙ୍କ ସହଯୋଗୀ ମଧ୍ୟ ସୁରକ୍ଷିତ ଅଛନ୍ତି ।