ଯୋଜନା ରହିଯାଇଛି ଯୋଜନାରେ ! ଏଠାରେ ଚାରି ଦିନରେ ଥରେ ଲୋକଙ୍କୁ ମିଳେ ପିଇବା ପାଣି ।
ଏଠାକାର ଲୋକଙ୍କୁ ପ୍ରତି ଚାରିଦିନରେ ଥରେ ପାଣି ମିଳିପାରିଥାଏ ।
ଜଳ ହିଁ ଜୀବନ ! ପ୍ରତ୍ୟେକଟି ଜୀବ ପାଣି ଉପରେ ନିର୍ଭରଶିଳ । ପଶୁ ହେଉ ଅବା ମନୁଷ୍ୟ ପାଣି ବିନା କେହି ଜୀବିତ ରହିପାରିବେ ନାହିଁ, ଏପରିକି ବୃକ୍ଷ ଲତା ମଧ୍ୟ ପାଣି ବିନା ବଞ୍ଚିପାରିବେ ନାହିଁ । ସାଧାରଣତଃ ଜଣେ ମଣିଷକୁ ପ୍ରତିଦିନ ୬୦ରୁ ଅଧିକ ଲିଟର ପାଣି ଆବଶ୍ୟକତା ଥାଏ । କିନ୍ତୁ ପିଥୋରାଗଡର ବେରିନାଗ କସ୍ୱେର ପରିସ୍ଥିତି ଜାଣିଲେ ଆପଣମାନେ ସ୍ତବ୍ଦ ହୋଇଯିବେ । ଏଠାକାର ଲୋକଙ୍କୁ ପ୍ରତି ଚାରିଦିନରେ ଥରେ ପାଣି ମିଳିପାରିଥାଏ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ବେରିନାଗ ନଗରକୁ ପାଣି ଯୋଗାଇ ଦେବା ପାଇଁ ପୂର୍ବରୁ ଅନେକ ଯୋଜନା ମାନ ଆରମ୍ଭ କରାଯାଇଛି । କିନ୍ତୁ ଟଙ୍କା ଅଭାବରୁ ସବୁ ଯୋଜନା ଯୋଜନାରେ ରହିଯାଇଛି । ବର୍ତମାନ ଏହି ଅଞ୍ଚଳର ଲୋକମାନେ ପାନିୟ ଜଳ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି । ଏବେ ଏହି ନଗରକୁ ଚାରିଭାଗରେ ବିଭକ୍ତ କରାଯାଇଛି । ପ୍ରତିଦିନ ଗୋଟେ ଭାଗରେ ପାଣି ପହଞ୍ଚୁଥିବା ବେଳେ ଆଉ ତିନିଭାଗରେ ବଣ୍ଟା ହୋଇଥିବା ଲୋକେ ଶୋଷରେ ରହୁଛନ୍ତି । ଗୋଟେ ଦିନରେ ଯେତିକି ପାଣି ମିଳୁଛି ସେହି ପାଣିକୁ ଚାରିଦିନ ବ୍ୟବହାର କରିବାକୁ ପଡୁଛି ।
ତେବେ ପୂର୍ବରୁ ଯେଉଁ ଯୋଜନା ଗୁଡିକ ବଜେଟ ଅଭାବରୁ ପଡି ରହିଛି ସେଗୁଡିକରେ ଏବେ ଆଉ ୧୦ ପ୍ରତିସତ କାମ ବାକି ରହିଛି । ଯଦି ସରକାର ଅଧାରେ ପଡିରହିଥିବା କାମକୁ ପୁରା କରିବାରେ ସଫଳ ହୁଅନ୍ତେ ତେବେ ଏଠାକାର ଲୋକମାନେ ପ୍ରତିଦିନ ପାଣି ପାଇବା ସହ ପୂର୍ବଭଳି ଏକ ସାଧାରଣ ଜୀବନଯାପନ କରିପାରନ୍ତେ ।