କନକ ବ୍ୟୁରୋ: ଆପଣଙ୍କ ଶରୀରକୁ କ୍ଷତି କରିବା ଭଳି ରଶ୍ମୀ ଏବେ ସୂର୍ଯ୍ୟଙ୍କ କିରଣରେ ରହିଛି । ୟୁକେର ୱେଦର ଅନ୍ ଲାଇନ ଡଟ୍ ୟୁକେ ନାମକ ୱେବସାଇଟରେ ଏଭଳି କିଛି ରିପୋର୍ଟ ପ୍ରକାଶ ପାଇଛି । ଆଜି ଏହି ଅତି ବାଇଗଣି ରଶ୍ମୀର ସ୍ତର ୧୨ ରହିଛି । ଆଉ ଇଏ ହେଉଛି ଆସନ୍ତା ମେ ୪ ତାରିଖ ଯାଏ ଅତି ବାଇଗଣି ରଶ୍ମୀକୁ ନେଇ ୟୁକେର ଏହି ସଂସ୍ଥା ଆକଳନ କରିଥିବା ରିପୋର୍ଟ । ୫ରୁ ୬ ଯାଏଁ ଅତି ବାଇଗଣି ରଶ୍ମୀର ସ୍ତର ରହିଲେ ବିପଦପୂର୍ଣ୍ଣ ନୁହେଁ । ଏବେ କିନ୍ତୁ ଏହା ଡବଲ ହୋଇ ୧୨ ରେ ପହଂଚିଛି । ଅର୍ଥାତ୍ ଅତି ବାଇଗଣି ରଶ୍ମୀ ଅତି ବିପଦ ଜନକ ଭାବେ ରହିଛି । ତେଣୁ ଟାଣ ଖରାରେ ଘରୁ ନବାହାରିବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ସୂର୍ଯ୍ୟ କିରଣରେ ଅତି ବାଇଗଣି ରଶ୍ମୀ
ତାରିଖ ୟୁଭି ଇଣ୍ଡେକ୍ସ
ଏପ୍ରିଲ ୨୭ ୧୨
ଏପ୍ରିଲ ୨୮ ୧୨
ଏପ୍ରିଲ ୨୯ ୧୨
ଏପ୍ରିଲ ୩୦ ୧୨
ମେ ୧ ୧୦
ମେ ୨ ୧୧
ମେ ୩ ୧୨
ମେ ୪ ୧୧
ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁଯାୟୀ, ଗୋଟିଏ ସପ୍ତାହରେ ଦୁଇ ରୁ ତିନି ଥର ଜଣେ ୫ରୁ ୧୫ ମିନିଟ୍ ସୂର୍ଯ୍ୟଙ୍କ କିରଣରେ ରହିବା ଦରକାର । ଏହା ଶରୀରରୁ ଭିଟାମିନ୍ ଡି ଦେଇଥାଏ । କିନ୍ତୁ ଅତି ବାଇଗଣୀ ରଶ୍ମୀ ସଂସ୍ପର୍ଶରେ ଆସିବା ବିପଦ ଜନକ ।
ବିଶେଷଜ୍ଞଙ୍କ ମତରେ ଏହି ଅତି ବାଇଗଣି ରଶ୍ମୀର ପ୍ରଭାବରୁ ରକ୍ଷା ପାଇବାକୁ ହେଲେ
– ଦ୍ୱିପ୍ରହର ସମୟରେ ଖରାକୁ ବାହାରନ୍ତୁ ନାହିଁ
– ଶରୀରକୁ କପଡାରେ ଘୋଡାଇ ରଖନ୍ତୁ
– ବଡ଼ ଟୋପି ପିନ୍ଧି ମୁହଁ, ମୁଣ୍ଡ ଏବଂ କାନ ଓ ନାକକୁ ଘୋଡ଼ାଇ ରଖନ୍ତୁ
– ଅତି ବାଇଗଣି ରଶ୍ମୀକୁ ସୁରକ୍ଷା ଦେଉଥିବା ଚଷମା ବ୍ୟବହାର କରନ୍ତୁ
– ସନ ସ୍କ୍ରିନ ଲୋଶନ ଲଗାନ୍ତୁ
ବିଶେଷଜ୍ଞଙ୍କ କହିବା କଥା ବାୟୁମଣ୍ଡଳରେ ଥିବା ଓଜନ ସ୍ତର ୧୯୭୦ରୁ କମି କମି ଆସୁଛି । ପ୍ରଦୂଷଣ ଏବଂ ଅତ୍ୟଧିକ ରସାୟନିକ ସାମଗ୍ରୀ ବ୍ୟବହାର ହେଉଥିବାରୁ ଏହି ସ୍ତର କମିବାରେ ଲାଗିଛି । ତେଣୁ ଓଜନ ସ୍ତର ପ୍ରଭାବିତ ହେଉଥିବାରୁ ସୂର୍ଯ୍ୟଙ୍କ ଅତି ବାଇଗଣି ରଶ୍ମୀ ବାୟୁମଣ୍ଡଳରେ ପ୍ରବେଶ କରୁଛି ।