କନକ ବ୍ୟୁରୋ : ଚଳିତବର୍ଷ ଟି-୨୦ ବିଶ୍ୱକପର ଆୟୋଜନ ୟୁଏଇରେ ହେବ । ଏନେଇ ଆଜି ବିଭାଗୀୟ ଅଧିକାରୀ ଘୋଷଣା କରିଛନ୍ତି । କରୋନା ସମୟରେ ଭାରତରେ ଏହି ମ୍ୟାଚ୍ ଆୟୋଜନ ନେଇ ସନ୍ଦେହ ଥିବା ବେଳେ ଆଜି ବିସିସିଆଇ ତରଫରୁ ଆଇସିସିକୁ ସୂଚନା ଦିଆଯାଇଛି । ଟି-୨୦ ବଶ୍ୱକପ୍ ଅକ୍ଟୋବର କିମ୍ବା ନଭେମ୍ବରରେ ହୋଇପାରେ । ଟ-୨୦ ବିଶ୍ୱକପ ପୂର୍ବରୁ ଆଇପିଏଲର ବାକିଥିବା ୩୧ ଟି ମ୍ୟାଚ୍ ବି ୟୁଏଇରେ ଖେଳାଯିବ । ଏନେଇ ବୋର୍ଡର ସଂପାଦକ ଜୟ ଶାହା ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜୟ ଶାହା କହିଛନ୍ତି କି ଆଜି ଅଧିକାରୀ ସ୍ତରରେ ମ୍ୟାଚର ସ୍ଥାନ ପରିବର୍ତ୍ତନ ନେଇ ଆଇସିସିକୁ ସୂଚନା ଦିଆଯାଇଛି । ଏହି ଟୁର୍ଣ୍ଣାମେଣ୍ଟ କେବେ ଖେଳାଯିବ ତାହା ଆଇସିସି ନିଷ୍ପତ୍ତି କରିବ ।
We will inform the International Cricket Council today that we are shifting T20 World Cup to UAE. Dates will be decided by the ICC: BCCI Secretary Jay Shah to ANI
— ANI (@ANI) June 28, 2021
ଆଶା କରାଯାଉଛି କି ଅକ୍ଟୋବର ୧୬ ତାରିଖ ଠାରୁ ମ୍ୟାଚ୍ ଆରମ୍ଭ ହୋଇପାରେ । ୧୬ ଟି ଟିମକୁ ନେଇ ଖେଳାଯିବାକୁ ଥିବା ଏହି ବିଶ୍ୱକପର ଶେଷ ମ୍ୟାଚ୍ ୧୪ ନଭେମ୍ବରରେ ହେବ । ଟି-୨୦ ବିଶ୍ୱକପର ମ୍ୟାଚ୍ ଗୁଡିକ ୟୁଏଇ ବ୍ୟତୀତ ଓମାନରେ ହେବା ନେଇ ଆଶା କରାଯାଉଛି । ୟୁଏଇରେ ଆଇପିଏଲ ମ୍ୟାଚ୍ ଖେଳା ଯାଉଥିବାରୁ ଅଧିକ ଚାପ ନଦେବାକୁ କିଛି ମ୍ୟାଚ୍ ଓମାନରେ ଖେଳାଯିବା ନେଇ ଆଶଂକା କରାଯାଉଛି । ଏହା ପୂର୍ବରୁ ୨୦୧୬ ଟି-୨୦ ବିଶ୍ୱକପ୍ ଭାରତରେ ଖେଳାଯାଇଥିବା ବେଳେ ୱେଷ୍ଟଇଣ୍ଡିଜ୍ ଟିମ୍ ଚମ୍ପିଅନ ହୋଇଥିଲା ।
ଚଳିତ ଟି-୨୦ ବିଶ୍ୱକପରେ ୧୬ ଟି ଟିମ୍ ଭାଗନେବେ । ସେମାନଙ୍କ ମଧ୍ୟରେ ୪୫ ଟି ମ୍ୟାଚ୍ ଖେଳାଯିବ । ପ୍ରଥମ ରାଉଣ୍ଡରେ ୮ ଟି ଟିମ୍ ଖେଳିବେ । ଦୁଇଟି ଗ୍ରୁପରେ ୪ ଟି ଲେଖାଏଁ ଟିମ୍ ରହିବ ।
ସୂଚନା ମୁତାବକ ଆଇପିଏଲରେ ବାକିଥିବା ମ୍ୟାଚ୍ ଗୁଡିକ ସେପ୍ଟେମ୍ବର ୧୯ ରୁ ଅକ୍ଟୋବର ୧୫ ମଧ୍ୟରେ ଖେଳାଯିବ । ଆଇପିଏଲର ବାକିଥିବା ମ୍ୟାଚ ୟୁଏଇରେ ହେବାନେଇ ପୂର୍ବରୁ ବିସିସିଆଇ ଘୋଷଣା କରିସାରିଛି ।