କନକ ବ୍ୟୁରୋ: ବିବିସି ଡକ୍ୟୁମେଂଟାରୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନିନ୍ଦା । ୨୦୦୨ ଗୁଜରାଟ ଦଙ୍ଗାକୁ ନେଇ ଅନ୍ତର୍ଜାତୀୟ ଗଣମାଧ୍ୟମ କରିଥିବା ଡକ୍ୟୁମେଂଟାରୀରେ ପ୍ରଧାନମନ୍ତ୍ରୀ ମୋଦୀଙ୍କ ଅପପ୍ରଚାର କରାଯାଇଥିବା କହିଛି ଭାରତ ବୈଦେଶିକ ମନ୍ତ୍ରାଳୟ । ଆଉ ଏହି ଡକ୍ୟୁମେଂଟାରୀ ଭାରତ ବିରୋଧରେ ଏକ ବଡ ପ୍ରୋପାଗଣ୍ଡା ବୋଲି କହିଛି ବୈଦେଶିକ ମନ୍ତ୍ରାଳୟ ।
Kanak News is now on WhatsApp
Join and get latest news updates delivered to you via WhatsApp
୨୦୦୨ ଗୁଜରାଟ ଦଙ୍ଗାକୁ ନେଇ ଅନ୍ତର୍ଜାତୀୟ ଗଣମାଧ୍ୟମ ସଂସ୍ଥା ବିବିସି କରିଥିବା ଡକ୍ୟୁମେଂଟାରୀ ଭାରତ ବିରୋଧରେ ପ୍ରୋପାଗଣ୍ଡା ବୋଲି କହିଲା ବୈଦେଶିକ ମନ୍ତ୍ରାଳୟ । ବୈଦେଶିକ ମନ୍ତ୍ରାଳୟ ମୁଖପାତ୍୍ର ଅରିନ୍ଦମ୍ ବାଗ୍ଚୀ କହିଛନ୍ତି ଏଭଳି ଡକ୍ୟୁମେଂଟାରୀ ପଛରେ କଣ ଏଜେଣ୍ଡା ରହିଛି , ସେ କଥା ଜଣା ନାହିଁ । ହେଲେ ଏହି ରିପୋର୍ଟ ନିରପେକ୍ଷ ନୁହେଁ । ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ଅପପ୍ରଚାର ।
ବିବିସି ଡକ୍ୟୁମେଂଟାରୀକୁ ନେଇ ବ୍ରିଟିଶ ସଂସଦରେ ବି ଆଲୋଚନା ହୋଇଛି । ସଂସଦରେ ପାକିସ୍ତାନର ମୂଳ ବାସିନ୍ଦା ଥିବା ସାଂସଦ ଇମ୍ରାନ ହୁସେନ କହିଥିଲେ – ଗୁଜରାଟ ଦଙ୍ଗା ପାଇଁ ସିଧାସଳଖ ନରେନ୍ଦ୍ର ମୋଦୀ ହିଁ ଦାୟୀ ଥିଲେ । ଏବେ ବି ଦଙ୍ଗା ପୀଡିତଙ୍କୁ ନାୟ ମିଳିନାହିଁ । ହେଲେ ବ୍ରିଟେନ୍ ପ୍ରଧାନମନ୍ତ୍ରୀ ରିଷି ସୁନକ କହିଛନ୍ତି, – ବିବିସି ଡକ୍ୟୁମେଂଟାରୀରେ ଯେଉଁଭଳି ଭାବେ ମୋଦୀଙ୍କୁ ଦର୍ଶା ଯାଇଛି ସେଥିରେ ମୁଁ ଏକମତ ନୁହେଁ ।
ବିବିସି ୧୭ ଜାନୁୟାରୀରେ ‘ଦ ମୋଦୀ କ୍ୱେଶ୍ଚିନ୍’ ଡକ୍ୟୁମେଂଟାରୀର ପ୍ରଥମ ଏପିସୋଡ ୟୁଟୁବରେ ସେୟାର କରିଥିଲା । ଏଥିରେ ଗୁଜରାଟ ଦଙ୍ଗାକୁ ନେଇ ପ୍ରଧାନମନ୍ତ୍ରୀ ମୋଦୀଙ୍କୁ ଭୁଲ ଭାବେ ଦର୍ଶା ଯାଇଥିବା ଅଭିଯୋଗ ହେଲା । ଡକ୍ୟୁମେଂଟାରୀକୁ ନେଇ ବିବାଦ ତେଜିବା ପରେ ୟୁଟୁବ୍ରୁ ସେହି ଭିଡିଓ ଉଠାଇ ଦିଆଯାଇଛି । ୨୦୦୨ ଗୁଜରାଟ ଦଙ୍ଗା ସମୟରେ ଗୁଜରାଟ ମୁଖ୍ୟମନ୍ତ୍ରୀ ଥିଲେ ନରେନ୍ଦ୍ର ମୋଦୀ । ଗୁଜରାଟ ଦଙ୍ଗାର ଯାଂଚ କରିବା ପାଇଁ ସୁପ୍ରିମକୋର୍ଟ ଦ୍ୱାରା ଗଠିକ କମିଟି ନରେନ୍ଦ୍ର ମୋଦୀଙ୍କୁ କ୍ଲିନ୍ ଚିଟ୍ ଦେଇଛନ୍ତି ।