୨୦ ହଜାରରୁ ଅଧିକ ପାସ୍ ନେଇଗଲେ ଭିଆଇପି । ବିଜେଡି ସାଂସଦ ଅମର ପଟ୍ଟନାୟକ କହିଲେ, ଉଚ୍ଛେଦ ହେଉ ପାସ୍ ବ୍ୟବସ୍ଥା ।
କନକ ବ୍ୟୁରୋ: ବାରବାଟିରେ ଆଉ କିଛି ସମୟ ପରେ ଆରମ୍ଭ ହେବ ଟି-୨୦ ମ୍ୟାଚ । ହେଲେ ଟିକେଟ୍ ନ ପାଇ ଖେଳ ଦେଖିବାରୁ ବଂଚିତ ହୋଇଥିବା ଅନେକ କିଡ୍ରାପ୍ରେମୀ ନିରାଶ ହୋଇଛନ୍ତି । ବଡ ଲୋକ, ପଇସାବାଲାଙ୍କ ପାଇଁ ଟିକେଟ ଖେଳ କରାଯାଇଛି । ଧନୀ ବୋର୍ଡର ଏଭଳି ବିଚିତ୍ର ନୀତି ପାଇଁ କ୍ରିଡାପ୍ରେମୀ ଏବଂ ସାଧାରଣ ଲୋକ ଖେଳ ଦେଖିବାରୁ ବଂଚିତ ହେଉଛି । ବାରବାଟି ଷ୍ଟାଡିୟମରେ ଦର୍ଶକ କ୍ଷମତା ୪୫ ହଜାର ରହିଥିବା ବେଳେ ମାତ୍ର ୧୨ ହଜାର ଟିକେଟ୍ କାଉଁଟରରେ ବିକ୍ରି ହୋଇଥିଲା । କିନ୍ତୁ ପ୍ରାୟ ୨୦ ହଜାରରୁ ଅଧିକ ଟିକେଟ୍ ଓସିଏ ଏବଂ ବିସିସିିଆଇ ତାଙ୍କର ସହ ସହବନ୍ଧିତ ସଂସ୍ଥା, ଭିଆଇପିଙ୍କୁ ପାସ ଆକାରରେ ଦେଇଦେଇଛି । ଯାହା ଫଳରେ ହଜାର ହଜାର ଲେକେ ଟିକେଟ୍ ପାଇଁ ରାତି ଅନିଦ୍ରା ହୋଇ ଖାଲି ହାତରେ ନିରାଶ ହୋଇ ଫେରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏଭଳି ପାସ୍ ବ୍ୟବସ୍ଥାକୁ ସମ୍ପୁର୍ଣ୍ଣ ଉଚ୍ଛେଦ କରିବା ସପକ୍ଷରେ ମତ ରଖିଛନ୍ତି ବିଜେଡି ସାଂସଦ ଅମର ପଟ୍ଟନାୟକ । ଟୁଇଟ୍ କରି ଲେଖିଛନ୍ତି, ଯଦି ମୁଖ୍ୟମନ୍ତ୍ରୀ ମ୍ୟାଚ ଦେଖିବା ପାଇଁ ଟିକେଟ୍ କିଣୁଛନ୍ତି ତେବେ କାହିଁକି ପାସ୍ ବ୍ୟବସ୍ଥା ରହିବ ବୋଲି ସେ ପ୍ରଶ୍ନ କରିଛନ୍ତି । ସେ କହିଛନ୍ତି, ତାଙ୍କୁ ବହୁତ ଲୋକ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ବାରବାଟୀ ହେବାକୁ ଥିବା ମ୍ୟାଚ୍ ପାଇଁ ପାସ୍ ମାଗିଥିଲେ । କିନ୍ତୁ ସେ ସେମାନଙ୍କୁ ଟିକେଟ୍ ଦେଇପାରିନଥିଲେ । ହେଲେ କିଡାପ୍ରେମୀଙ୍କ ସ୍ୱାର୍ଥକୁ ଦୃଷ୍ଟିରେ ରଖି ପାସ୍ ବ୍ୟବସ୍ଥା ଉଚ୍ଛେଦ ହେବା ଉଚିତ ବୋଲି କହିଛନ୍ତି ସାଂସଦ ।