କନକ ବ୍ୟୁରୋ: ଆଜି ଅଗଷ୍ଟ ପହିଲା । ବଦଳୁଛି ଏକାଧିକ ନିୟମ । ଅର୍ଥ ଲେଣଦେଣର ନିୟମ ସାଙ୍ଗକୁ ଇନକମ୍ ଟ୍ୟାକ୍ସ ରିଟର୍ଣ୍ଣ ପୈଠ କରିବାର ନିୟମରେ ମଧ୍ୟ ପରିବର୍ତ୍ତ ନ ହୋଇଛି । ରନ୍ଧନ ଗ୍ୟାସର ଦରରେ ପରିବର୍ତ୍ତନ ସହ ଆଜିଠୁ ବ୍ୟାଙ୍କ ଅଫ୍ ବରୋଦାର ଚେକ୍ ସମ୍ପର୍କିତ ନିୟମରେ ମଧ୍ୟ ପରିବର୍ତ୍ତନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କମର୍ସିଆଲ ଗ୍ୟାସ ସିଲିଣ୍ଡରର ମୂଲ୍ୟ ଆଜି ୩୬ ଟଙ୍କା ହ୍ରାସ କରାଯାଇଛି। ଏହି ହ୍ରାସ ପରେ ୧୯ କିଲୋଗ୍ରାମ ବ୍ୟବସାୟିକ ଏଲପିଜି ସିଲିଣ୍ଡର ର ମୂଲ୍ୟ ସିଲିଣ୍ଡର ପିଛା ୧୯୭୬ ଟଙ୍କା ରହିଛି । ।ଏହାର ମୂଲ୍ୟ ୨୦୧୨.୫୦ ଟଙ୍କା ଥିଲା ।
ବ୍ୟାଙ୍କ ଅଫ୍ ବରୋଦାର ନୂଆ ନିୟମ :
ଆଜିଠାରୁ ବ୍ୟାଙ୍କ ଅଫ୍ ବରୋଦାର ଚେକ୍ ସମ୍ପର୍କିତ ନିୟମରେ ପରିବର୍ତ୍ତନ ହୋଇଛି । ଆରବିଆଇର ଗାଇଡଲାଇନକୁ ପାଳନ କରିବାକୁ ଯାଇ ବ୍ୟାଙ୍କ ବରୋଦା ଏପରି ପରିବର୍ତ୍ତନ ଲାଗୁ କରିଛି । ନୂଆ ନିୟମ ଅନୁସାରେ ଅଗଷ୍ଟ ପହିଲାରୁ ୫ ଲକ୍ଷ ଟଙ୍କାରୁ ଅଧିକ ମୂଲ୍ୟର ଚେକ ପେମେଣ୍ଟ ପାଇଁ ପଜିଟିଭ ପେ ସିଷ୍ଟମ ଲାଗୁ କରାଯାଇଛି । ଏହା ଅନୁସାରେ ଚେକ୍ ଜରିଆରେ ଅର୍ଥ ଲେଣଦେଣ କରୁଥିବା ଗ୍ରାହକ ପ୍ରଥମେ ଚେକ୍ ସମ୍ପର୍କିତ ସମସ୍ତ ତଥ୍ୟକୁ ଏସଏମଏସ, ନେଟ୍ ବ୍ୟାଙ୍କିଙ୍ଗ କିମ୍ା ମୋବାଇଲ ଆପ୍ ମାଧ୍ୟମରେ ବ୍ୟାଙ୍କକୁ ଜଣାଇବେ । ଏହା ପରେ ଯାଇ ଚେକ୍ କ୍ଲିଅର ହୋଇପାରିବ ।
ଆଇଟିଆର ପୈଠ କରିବାରେ ଜରିମ।ନା:
ଇନକମ୍ ଟ୍ୟାକ୍ସ ରିଟର୍ଣ୍ଣ ପୈଠ କରିବାର ଶେଷ ତାରିଖ ଜୁଲାଇ ୩୧ ତାରିଖ ଥିଲା । ଆଜିଠାରୁ ଯିଏ ରିଟର୍ଣ୍ଣ ଭରିବେ ତାଙ୍କ ଉପରେ ଫାଇନ୍ ଲାଗିବ । ଡେଡଲାଇନ୍ ପରେ ଇନକମ୍ ଟ୍ୟାକ୍ସ ରିଟର୍ଣ୍ଣ ଭରୁଥିଲେ ୫ ଲକ୍ଷ ବା ତାଠାରୁ କମ୍ ଆୟ ହୋଇଥିଲେ ୧୦୦୦ ଟଙ୍କା ଫାଇନ୍ ଲାଗିବ । ସେହିପରି ୫ଲକ୍ଷରୁ ଅଧିକ ଆୟ ଉପରେ ୫୦୦୦ ଟଙ୍କା ଜରିମ।ନା ଲାଗିବ । ଏହି ଫାଇନ୍ ୧୦,୦୦୦ ଟଙ୍କା ଯାଏଁ ବଢିପାରେ ।
ପଜିଟିଭ୍ ପେ ସିଷ୍ଟମ୍:
ବ୍ୟାଙ୍କିଙ୍ଗ ଠକେଇକୁ ରୋକିବାକୁ ପଜିଟିଭ୍ ପେ ସିଷ୍ଟମ୍ ଲାଗୁ କରିଛନ୍ତି ରିଜର୍ଭ ବ୍ୟାଙ୍କ । ଯଦିଓ ଏହାକୁ ୨୦୨୦ରୁ ଲାଗୁ କରାଯାଇଛି ହେଲେ ଆଜିଠାରୁ ବ୍ୟାଙ୍କ ଅଫ୍ ବରୋଦା ଏହାକୁ କଡାକଡି ଭାବେ ଲାଗୁ କରିଛି । ପଜିଟିଭ୍ ପେ ସିଷ୍ଟମ ନିୟମ ଅନୁସାରେ ଯଦି ଆପଣ ଚେକ୍ ଜରିଅରେ ଟ୍ରାଞ୍ଜାକ୍ସନ କରିବାକୁ ଚାହୁଁଛନ୍ତି ତେବେ ଏହାର ସବିଶେଷ ତଥ୍ୟ ପ୍ରଥମେ ଏସଏମଏସ୍ , ନେଟ୍ ବ୍ୟାଙ୍କିଙ୍ଗ ଜରିଆରେ ସମ୍ପୃକ୍ତ ବ୍ୟାଙ୍କକୁ ଜଣାଇବା ପରେ ଯାଇ ଟ୍ରାଞ୍ଜାକ୍ସନ କରିପାରିବେ ।