ଝରକା ଗ୍ରୀଲ କାଟି ବାଲିପାଟଣାର ଲକ୍ଷ୍ମୀବିଳାସ ବ୍ୟାଙ୍କ ଭିତରେ ପଶିଲେ ଦୁର୍ବୃତ୍ତ : ସିସିଟିଭିରେ କଏଦ ହେଲା ଲୁଟ୍ ଉଦ୍ୟମର ଦୃଶ୍ୟ
କନକ ବ୍ୟୁରୋ : ବ୍ୟାଙ୍କ ଭିତରେ ଲୁଟ ଉଦ୍ୟମ । ଝରକା ଗ୍ରୀଲ କାଟି ବ୍ୟାଙ୍କ ଭିତରେ ପଶିଗଲେ ଦୁର୍ବୃତ୍ତ । ହେଲେ ଷ୍ଟ୍ରଙ୍ଗ ରୁମ୍ ଆଲମାରୀ ଲକର କାଟିବାରେ ବିଫଳ ହେଲେ । ଘଂଟାଏ କାଳ ବ୍ୟାଙ୍କ ଭିତରେ ଉତ୍ପାତ କଲେ ୨ ଜଣ ଦୁର୍ବୃତ୍ତ, ଶେଷରେ ନିରାସ ହୋଇ ସିସିଟିଭି କ୍ୟାମେରା ଓ ସର୍ଭର ନେଇ ଫେରାର ହୋଇଗଲେ । ଭୁବନେଶ୍ୱର ଉପକଣ୍ଠ ବାଲିପାଟଣା ମଝିହରା ପଂଚାୟତ କାର୍ଯ୍ୟାଳୟ ପରିସରରେ ଲୁଟ୍ ଉଦ୍ୟମ ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ସକାଳ ପଂଚାୟତ କାର୍ଯ୍ୟାଳୟ କର୍ମଚାରୀ ବ୍ୟାଙ୍କ ଝରକା ଗ୍ରିଲ କଟା ହୋଇଥିବା ଦେଖି ସ୍ଥାନୀୟ ସରପଂଚଙ୍କୁ ଖବର ଦେଇଥିଲେ । ସରପଂଚ ବ୍ୟାଙ୍କ କର୍ମଚାରୀଙ୍କୁ ଜଣାଇଥିଲେ । ବ୍ୟାଙ୍କ କର୍ମଚାରୀ ଘଟଣାସ୍ଥଳରେ ପହଂଚି ସିସିଟିଭି ଫୁଟେଜ ଯାଂଚ କରିଛନ୍ତି । ଏନେଇ ବ୍ୟାଙ୍କ ପକ୍ଷରୁ ବାଲିପାଟଣା ଥାନାରେ ଏତଲା ଦିଆଯାଇଛି । ଥାନା ଅଧିକାରୀ କୃପାସିନ୍ଧୁ ସିସିଟିଭି ଫୁଟେଜ୍ ଆଧାରରେ ତଦନ୍ତ ଆରମ୍ଭ କରିଛନ୍ତି ।