କରମଣ୍ଡଳ ଟ୍ରେନ୍ ଦୁର୍ଘଟଣା ପରେ ବଢୁଛି ରେଳମନ୍ତ୍ରୀଙ୍କ ଇସ୍ତଫା ଦାବି, ଜାଣନ୍ତୁ କଣ ଉତ୍ତର ରଖିଲେ ରେଳମନ୍ତ୍ରୀ
କନକ ବ୍ୟୁରୋ : ବାଲେଶ୍ୱର ଜିଲ୍ଲା ବାହାନଗା ଠାରେ ହୋଇଥିବା ମର୍ମନ୍ତୁଦ ରେଳ ଦୁର୍ଘଟଣାରେ ୨୬୧ ଜଣଙ୍କର ମୃତ୍ୟୁ ହୋଇଛି । ଏହାସହ ପାଖାପାଖି ୧ହଜାର ଲୋକ ଆହତ ହୋଇ ଚିକିତ୍ସିତ ହେଉଛନ୍ତି । ସେପଟେ ଉଦ୍ଧାର କାର୍ଯ୍ୟ ଶେଷ ହୋଇଛି । ଖବର ପାଇଁ ରେଳମନ୍ତ୍ରୀ ଅଶ୍ୱନୀ ବୈଷ୍ଣବ ଦୁର୍ଘଟଣା ସ୍ଥଳରେ ପହଂଚିଛନ୍ତି । ସେଠାରେ ସେ ଘଟଣା ସଂପର୍କରେ ସାଧାରଣ ଲୋକ, ରେଳଯାତ୍ରୀ ଓ ଅଧିକାରୀଙ୍କ ସହ ଆଲୋଚନା କରିଛନ୍ତି । ଏସବୁ ଭିତରେ ବିରୋଧୀଦଳମାନେ ସଂପୃକ୍ତ ଘଟଣାକୁ ନେଇ ରେଳମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି । ଏନେଇ ଗଣମାଧ୍ୟମ ପ୍ରତିନିଧି ରେଳମନ୍ତ୍ରୀ ଅଶ୍ୱନୀ ବୈଷ୍ଣବଙ୍କୁ ଏ ବାବଦରେ ପ୍ରଶ୍ନ ପଚାରିଥିଲେ । ଏହାର ଉତ୍ତରରେ ରେଳମନ୍ତ୍ରୀ କହିଛନ୍ତି କି, ଏହି ଘଟଣାରେ ମାନବୀୟ ସମ୍ବେଦନାର ବହୁତ ଆବଶ୍ୟକତା ରହିଛି । ଏହାସହ ଆମର ପ୍ରଥମ କାର୍ଯ୍ୟ ହେଉଛି କି ଉଦ୍ଧାର କାର୍ଯ୍ୟ ଜାରି ରଖିବା ସହ ଆହତ ମାନଙ୍କ ଚିକିତ୍ସା ବାବଦରେ ସୂଚନା ନେବା । ଏହାସହ ସୁରକ୍ଷିତ ଥିବା ରେଳଯାତ୍ରୀଙ୍କ ନିକଟରେ ସହାୟତା ପହଂଚାଇବା ଉପରେ ଗୁରୁତ୍ୱ ଦେଇଛନ୍ତି ରେଳମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଦୁର୍ଘଟଣା ପଛରେ କିଛି ଷଡଯନ୍ତ୍ର ରହିଛି କି ବୋଲି ପ୍ରଶ୍ନର ଉତର ଦେଇ ରେଳମନ୍ତ୍ରୀ କହିଛନ୍ତି କି, ସମ୍ପୂର୍ଣ୍ଣ ଘଟଣାର ଯାଂଚ ପରେ ଏସବୁ ବାବଦରେ କୁହାଯାଇପାରିବ । ରେଳମନ୍ତ୍ରୀଙ୍କ କହିବା ମୁତାବକ ଘଟଣାର ଯାଂଚ ପାଇଁ ଏକ ଉଚ୍ଚସ୍ତରୀୟ କମିଟି ଗଠନ କରାଯାଇଛି । ଏହି କମିଟି ପୂରା ମାମଲାର ଯାଂଚ କରିବ ।