କନକ ବ୍ୟୁରୋ: ବଡଖବର ନ୍ୟୁଜ୍ ଚ୍ୟାନେଲର ଏଡିଟର ଅର୍ନ୍ଧେନ୍ଦୁ ଦାସଙ୍କୁ ପୋଲିସ ହେପାଜତରେ ସ୍ୱାସ୍ଥ୍ୟପରୀକ୍ଷା ପାଇଁ ନିଆଯାଉଥିବାର ଦୃଶ୍ୟ । ଅର୍ନ୍ଧେୁନ୍ଦୁ ଜୋର ଜବରଦସ୍ତ କିଛି କହିବାକୁ ଚାହୁଁଛନ୍ତି, ଏପଟେ ପୋଲିସ ଅଧିକାରୀ ମାନେ ତାଙ୍କୁ ଅଟକାଇବାକୁ ଚେଷ୍ଟା କରୁଛନ୍ତି । ଓଡିଶା ଗଣମାଧ୍ୟମ ଜଗତରେ ପୂର୍ବରୁ ବୋଧହୁଏ ଏଭଳି କେବେ ଘଟିନଥିଲା । ବୁଧବାର ବିଳମ୍ବିତ ରାତିରେ ଓଡଗାଁରୁ ଉଠାଇ ଆଣିଥିଲେ କ୍ରାଇମବ୍ରାଂଚ ଅର୍ଥନୈତିକ ଅପରାଧ ଶାଖାର ପୁଲିସ ଅଧିକାରୀ । କାରଣ ତାଙ୍କ ନାଁରେ ୪ଟି ମାମଲା ରୁଜୁ ହୋଇଛି । କିନ୍ତୁ ଅର୍ନ୍ଧେୁନ୍ଦୁଙ୍କୁ ଏଭଳି ନିଆଯିବା ସମୟରେ ସେ କହିବାକୁ ଚାହୁଁଛନ୍ତି ଯେ, ସରକାର ଜାଣିଶୁଣି ତାଙ୍କୁ ଟାଗେର୍ଟ କରୁଛନ୍ତି, କାରଣ ସରକାରଙ୍କ ଭୁଲ ତ୍ରୁଟିକୁ ସେ ତାଙ୍କ ଟିଭିରେ ଦେଖାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କ୍ରାଇମବ୍ରାଂଚ ଅର୍ଥନୈତିକ ଅପରାଧ ଶାଖା ନିକଟରେ ଦିଲ୍ଲୀର ଜଣେ ବ୍ୟବସାୟୀ ଗଗନଦ୍ୱୀପ ସିଂ ଚାୱଲା ଅଭିଯୋଗ କରିଥିଲେ, ଟିଭି ଚ୍ୟାନେଲ ଖୋଲିବା ପାଇଁ ଅର୍ନ୍ଧେନ୍ଦୁ , ବୈଦୁତିକ ସରଞ୍ଜାମ ବାବଦରେ କୋଟିଏ ୪୭ ହଜାର ଟଙ୍କାର ସାମଗ୍ରୀ ନେଇଥିଲେ କିନ୍ତୁ କେବଳ ୧୦ ଲକ୍ଷ ଟଙ୍କା ହିଁ ଦେଇଥିଲେ । ୨୦ ମାସ ଧରି ଟଙ୍କା ନ ପାଇବା ଫଳରେ ସେ କ୍ରାଇମବ୍ରାଂଚର ଦ୍ୱାରସ୍ତ ହୋଇଥିଲେ । ଏହି ମାମଲାରେ ଅର୍ନ୍ଧେନ୍ଦୁ କହୁଛନ୍ତି ଗଗନଦୀପ ନକଲି ଜିନିଷ ଦେଇଥିଲେ ଏବଂ ସାମଗ୍ରୀର ଦରକୁ ନେଇ ବିବାଦ ରହିଥିଲା । ସେହିପରି ଆଉ ଏକ ମାମଲା ହୋଇଛି କଟକ ପୁରୀ ଘାଟ ଥାନାରେ । ପ୍ଲାଏ ବାବଦରେ ୬ ଲକ୍ଷ ୫୯ ହଜାର ଟଙ୍କା ଦେଇନାହାନ୍ତି ବୋଲି ଅଭିଯୋଗ ହୋଇଛି । ସେପଟେ ଯେଉଁ ଘରେ ଟିଭି ଚ୍ୟାନେଲ ଚାଲିଥିଲା ସେହି ଘରର ୫ଲକ୍ଷ ୮୫ ହଜାର ଟଙ୍କା ଭଡା ଦେଇନଥିବାରୁ ଘର ମାଲିକ ଗୋଟିଏ କେସ୍ କରିଛନ୍ତି । ଏମିତି ଅର୍ନ୍ଧେନ୍ଦୁଙ୍କ ବିରୋଧରେ ୪ଟି କେସ୍ ରୁଜୁ ହୋଇଛି ।