ସୁସ୍ଥ ହୋଇ ଫେରିଲେ ‘ବଚପନ୍ କା ପ୍ୟାର୍’ ଗୀତର ସିଙ୍ଗର୍ ସହଦେବ ଡିର୍ଡୋ । କିଛି ଦିନ ତଳେ ଭୟଙ୍କର ଦୁର୍ଘଟଣାର ହୋଇଥିଲେ ଶିକାର ।
କନକ ବ୍ୟୁରୋ: ବଚପନ୍ କା ପ୍ୟାର୍ ଗୀତ ଗାଇ ରାତାରାତି ସୋସିଆଲ୍ ମିଡିଆରେ ଷ୍ଟାର ପାଲଟିଯାଇଥିବା ସହଦେବ ଡିର୍ଡୋଙ୍କର ଗତ ଡିସେମ୍ବର ୨୮ ତାରିଖରେ ଭୟଙ୍କର ଦୁର୍ଘଟଣା ହୋଇଥିଲା । ଯେଉଁଥିରେ ଗମ୍ଭୀର ଭାବେ ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲେ ସହଦେବ । ତେବେ ଖୁସିର କଥା ହେଉଛି ଏବେ ସହଦେବ ଡିର୍ଡୋ ସମ୍ପୂର୍ଣ୍ଣ ଭାବେ ସୁସ୍ଥ ହୋଇ ଘରକୁ ଫେରିବା ସହିତ ନିଜ ଫ୍ୟାନ୍ସ ଓ ଡାକ୍ତରଙ୍କୁ ଧନ୍ୟବାଦ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ୍ ମିଡିଆରେ ଏକ ଭିଡିଓ ପୋଷ୍ଟ କରି ସହଦେବ ଲେଖିଛନ୍ତି, ଏହି ଶବ୍ଦ କାଫି ହେବନି, ଆପଣ ସମସ୍ତଙ୍କର ପ୍ରାର୍ଥନା ଏବଂ ସମବେଦନା ପାଇଁ ଧନ୍ୟବାଦ । ହୃଦୟରୁ ଡାକ୍ତର ଦେବେନ୍ଦ୍ର ନାଏକଙ୍କୁ ଧନ୍ୟବାଦ । ତେବେ ଭିଡିଓରେ ହାତଯୋଡି ସହଦେବ ସମସ୍ତଙ୍କୁ ଧନ୍ୟବାଦ ଜଣାଇବା ସହିତ ଏବେ ସେ ସୁସ୍ଥ ଥିବା ସୂଚନା ଦେଇଛନ୍ତି ।
View this post on Instagram
ସହଦେବଙ୍କ ଏହି ଭିଡିଓରେ ରାପର ବାଦଶାହ କମେଣ୍ଟ ମଧ୍ୟ କରିଛନ୍ତି । ଆଉ ସହଦେବ ତାଙ୍କୁ ମଧ୍ୟ ହୃଦୟରୁ ଧନ୍ୟବାଦ ଜଣାଇଛନ୍ତି । ତେବେ ଏହି କୁନି ଷ୍ଟାରଙ୍କ ଦୁର୍ଘଟଣା ହେବା ପରେ ପ୍ରଥମ ଷ୍ଟାର ଭାବେ ବାଦଶାହ ଆଗକୁ ଆସିଥିଲେ । ଆଉ ତାଙ୍କର ସ୍ୱାସ୍ଥ୍ୟ ଉପରେ ନଜର ରଖିଥିଲେ । ସୂଚନାଯୋଗ୍ୟ ଯେ, ବାଦଶାହ ଓ ସହଦେବ ଡିର୍ଡୋ ସାଙ୍ଗ ହୋଇ କାମ କରିସାରିଛନ୍ତି । ଦୁହେଁ ବଚପନ୍ କା ପ୍ୟାର ଗୀତରେ ଏକାଠି ନଜର ଆସିଥିଲେ ।