ଭାରତକୁ ଯେବେ ଯାଏଁ ୧ ନମ୍ବର ନକରିଛି, ଭଗବାନ ମତେ ମୃତ୍ୟୁ ନଦିଅନ୍ତୁ: କାହିଁକି ଏମିତି କହିଲେ କେଜ୍ରିୱାଲ?
କନକ ବ୍ୟୁରୋ: ମହାରାଷ୍ଟ୍ରରେ ପହଞ୍ଚିଛନ୍ତି ଅରବିନ୍ଦ କେଜ୍ରିୱାଲ । ସେଠାରେ ସାମ୍ବାଦିକମାନଙ୍କ ସହ ଆଲୋଚନା କରିବା ବେଳେ ଏଥିରେ ସେ କାହା ନାଁ ନନେଇ ବିଜେପିକୁ ଟାର୍ଗେଟ କରିଛନ୍ତି । ଏହାସହ ମହାରାଷ୍ଟ୍ରରେ ସ୍କୁଲ ବ୍ୟବସ୍ଥା ଉପରେ ମଧ୍ୟ କହିଥିଲେ । କେବଳ ସ୍କୁଲ ନୁହେଁ ସେ ଦୁର୍ନୀତିର ମୁଦ୍ଦା ମଧ୍ୟ ଉଠାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅରବିନ୍ଦ କେଜ୍ରିୱାଲ କହିଥିଲେ, ମୁଁ ରାଜନୀତିରୁ କ୍ୟାରିୟର କରିବାକୁ ଆସିନି ବରଂ ନିଜ କ୍ୟାରିୟର ଛାଡି ଭାରତ ମା ପାଇଁ ରାଜନୀତିକୁ ଆସିଛି । ମୁଁ ସତ୍ତା ପାଇବାକୁ ନୁହେଁ ଦେଶ ବଞ୍ଚାଇବାକୁ ରାଜନୀତିକୁ ଆସିଛି । ଭଗବାନଙ୍କୁ କେବଳ ୨ଟି ଜିନିଷ ମାଗୁଛି । ପ୍ରଥମ ଭାରତ ବିଶ୍ୱର ୧ ନମ୍ବର ଦେଶ ହେଉ, ଆଉ ଦ୍ୱିତୀୟ ଭାରତ ୧ ନମ୍ବର ଦେଶ ନହେବା ଯାଏଁ ମତେ ମୃତ୍ୟୁ ନମିଳୁ ।
aସେ ଆହୁରି ମଧ୍ୟ କହିଛନ୍ତି, ମତେ ରାଜନୀତି ଆସେନି, ମତେ କେବଳ କାମ କରିବା ଆସେ । ଚୋରି, ଗୁଣ୍ଡାଗର୍ଦ୍ଦି, ଭ୍ରଷ୍ଟାଚାର, ଦଙ୍ଗା କରିବା ଆସେନି । ଆମକୁ ସ୍କୁଲ ଓ ହସ୍ପିଟାଲ ତିଆରି କରିବା ଆସେ । କେବଳ ବିଜେପି ନୁହେଁ ସେ ମହାରାଷ୍ଟ୍ରର ଶିକ୍ଷା ବ୍ୟବସ୍ଥାକୁ ନେଇ ସେଠାକାର ସରକାରଙ୍କୁ ମଧ୍ୟ ଟାର୍ଗେଟ କରିଛନ୍ତି ।