ଖଲ୍ଲିକୋଟ କଲେଜରେ ଆୟୋଜିତ ଯୁଦ୍ଧ ସରଂଜାମ ପ୍ରଦର୍ଶନୀ : ଦେଖିବାକୁ ସହରର ବିଭିନ୍ନ ସ୍କୁଲ ଓ କଲେଜ ଛାତ୍ରଛାତ୍ରୀଙ୍କ ଭିଡ
କନକ ବ୍ୟୁରୋ : ବ୍ରହ୍ମପୁର ଖଲ୍ଲିକୋଟ ବିଶ୍ୱବିଦ୍ୟାଳୟ ଖେଳ ପଡିଆରେ ସେନା ବାହିନୀର ବ୍ୟବହୃତ ଯୁଦ୍ଧ ସରଂଜାମ ପ୍ରଦର୍ଶନୀ । ଯୁବପୀଢିଙ୍କୁ ଆକର୍ଷିତ କରିବା ପାଇଁ ବ୍ରହ୍ମପୁରରେ ଏଭଳି ପ୍ରଦର୍ଶନୀ ଆୟୋଜନ କରାଯାଇଛି । ବାୟୁସେନା ବାହିନୀର ବନ୍ଧୁକ,ରାଡାର୍ସ,ମିସାଇଲ,ଏୟାରକ୍ରାଫ୍ଟ ଓ ଅନ୍ୟ ଯନ୍ତ୍ରପାତି ଗୁଡିକୁ ଏଥିରେ ସାମିଲ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଯୁଦ୍ଧ ସମୟରେ ଯନ୍ତ୍ରପାତି ଗୁଡିକ କିଭଳି ବ୍ୟବହାର କରାଯାଏ ସେ ନେଇ ସେନା କର୍ମଚାରୀ ମାନେ ଲୋକଙ୍କୁ ଅବଗତ କରାଇଛନ୍ତି । ଏହା ସହ ସେନାରେ ରହିଥିବା ବିଭିନ୍ନ ବିଭାଗ ଓ ଏହାର ନିଯୁକ୍ତି ସଂପର୍କରେ ଜାଣିବା ଲାଗି ସେନା ପକ୍ଷରୁ ଏକ ସୂଚନା କେନ୍ଦ୍ର ଖୋଲାଯାଇଥିଲା । ତେବେ ଏହି ପ୍ରଦର୍ଶନୀରେ ବହୁ ସଂଖ୍ୟାର ଛାତ୍ରଛାତ୍ରୀଙ୍କ ଭିଡ ଜମିଥିବା ଦେଖିବାକୁ ମିଳିଥିଲା ।
ଭାରତୀୟ ସେନା ବାହିନୀର ସରଜାଂମ ଓ କାର୍ଯ୍ୟଶୈଳୀ ସଂପର୍କରେ ଜାଣିବାକୁ ପାଇଁ ଛାତ୍ରଛାତ୍ରୀ ମାନେ ବେଶ ଖୁସି ଅନୁଭବ କରିଥିଲେ । ଆଗାମୀ ଦିନରେ ଅଧିକରୁ ଅଧିକ ଯୁଦ୍ଧ ସରଂଜାମ ପ୍ରଦର୍ଶନ ନେଇ ଲକ୍ଷ୍ୟ ରଖିଛି ସେନା ବାହିନୀ ।