କନକ ବ୍ୟୁରୋ: ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଦକ୍ଷିଣ ପଶ୍ଚିମ ବଙ୍ଗୋପସାଗର ଓ ପାଶ୍ୱବର୍ତୀ ଅଂଚଳରେ ସକ୍ରିୟ ରହିଥିବା ବେଳେ ଏହାର ପ୍ରଭାବରେ ରାଜ୍ୟରେ ବର୍ଷା ଜାରି ରହିଛି । ବିଶେଷକରି ଉପକୂଳ ଓ ଦକ୍ଷିଣ ଓଡ଼ିଶାରେ ବର୍ଷା ହୋଇଛି । ଏସବୁ ଭିତରେ ପାଣିପାଗ ବିଭାଗ କହିଛି ଯେ, ସେମାବର ଅର୍ଥାତ୍ ୧୦ ଅକ୍ଟୋବର ବର୍ଷାର ପରିମାଣ କମ୍ ରହିବ । ହାଲୁକାରୁ ମଧ୍ୟମ ଧରରଣ ବର୍ଷା ଜାରି ରହିବ ବୋଲି ଆକଳନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
୧୭ ତାରିଖରେ ବଙ୍ଗୋପସାଗରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବ ବୋଲି ପୂର୍ବାନୁମାନ କରିଛି ଆମେରିକାର ପାଣିପାଗ ସଂସ୍ଥା ଜିଏଫଏସ । ଏହାସହ ୨୧ରେ ଏହି ଘୂର୍ଣ୍ଣିବଳୟ ବାତ୍ୟାର ରୂପ ନେଇପାରେ ବୋଲି ଏଥିରେ କୁହାଯାଇଛି । ହେଲେ ଆଂଚଳକ ପାଣିପାଗ କେନ୍ଦ୍ର କହିଛି ଯେ, ଚଳିତମାସ ଦ୍ୱିତୀୟ ସପ୍ତାହରେ ଏକ ଘୂର୍ଣ୍ଣିବଳୟ ସୃଷ୍ଟିର ସମ୍ଭାବନା ରହିଛି, ହେଲେ କେବେ ହେବ, ନିର୍ଦ୍ଦିିଷ୍ଟ ତାରିଖ କହିହେବ ନାହିଁ । ତେବେ ବାତ୍ୟା ଆଶଙ୍କାକୁ ଖଣ୍ଡନ କରିଛି ଆଂଚଳିକ ପାଣିପାଗ କେନ୍ଦ୍ର । ରାଜ୍ୟରୁ ଏପର୍ଯ୍ୟନ୍ତ ମୌସୁମୀ ଅପସାରଣ କରିନାହିଁ । ବର୍ଷା ଲାଗି ରହୁଥିବାରୁ ମୌସୁମୀ କେବେ ଫେରିବ, ସେ ନେଇ ଆକଳନ ହୋଇପାରି ନାହିଁ ।