ଜାମନଗରରେ ଜମୁଛି ଅନନ୍ତ ଅମ୍ବାନୀ-ରାଧିକା ମର୍ଚ୍ଚାଣ୍ଟଙ୍କ ପ୍ରି-ୱେଡିଂ ସମାରୋହ । କକଟେଲ ପ।।ର୍ଟିରେ ପପଷ୍ଟାର ରିହାନାଙ୍କ ପରଫରମାନ୍ସରେ ଝୁମିଲେ ଅତିଥି ।

କନକ ବ୍ୟୁରୋ: ଜାମନଗରରେ ଜମୁଛି ଅନନ୍ତ ଅମ୍ବାନୀ-ରାଧିକା ମର୍ଚ୍ଚାଂଟଙ୍କ ପ୍ରି-ୱେଡିଂ ସମାରୋହ । ପ୍ରଥମଦିନର କକଟେଲ ପାର୍ଟିରେ ଲୋକପ୍ରିୟ ପପଷ୍ଟାର ରିହାନାଙ୍କ ପରଫରମାନ୍ସରେ ଝୁମିଲେ ଅମ୍ବାନୀ ପରିବାର । ସେପଟେ ହାଇପ୍ରୋଫାଇଲ ଅତିଥିଙ୍କ ଉପସ୍ଥିତି ଚର୍ଚ୍ଚା ବଢ଼ାଇଛି ।

ଗୁଜରାଟର ଜାମନଗରରେ ଆୟୋଜିତ ଏହି ଉତ୍ସବରେ ସାରା ବିଶ୍ୱରେ ଚର୍ଚ୍ଚିତ ସେଲିବ୍ରିଟିଙ୍କଠାରୁ ଆରମ୍ଭ କରି ବିଶିଷ୍ଟ କ୍ରିଡାବିତ୍, ବଲିଉଡ୍ ତାରକା, ଶିଳପ ଜଗତର ବହୁ ବିଶିଷ୍ଟ ବ୍ୟକ୍ତି ଯୋଗଦେଇଛନ୍ତି । ଅମ୍ବାନୀ ପରିବାର ପକ୍ଷରୁ ହଜାରେରୁ ଅଧିକ ଅତିଥିଙ୍କୁ ଆମନ୍ତ୍ରଣ କରାଯାଇଛି । ଭିଆଇପିମାନଙ୍କ ପାଇଁ ସ୍ୱତନ୍ତ୍ର ଲାଉଞ୍ଜର ବ୍ୟବସ୍ଥା କରାଯାଇଥିବା ବେଳେ ରାଜକୀୟ ପାନୀୟ ପ୍ରଦାନ କରାଯାଇଉଛି । ରଙ୍ଗବେରଙ୍ଗ ଫୁଲରେ ସାଜସଜ୍ଜା କରାଯାଇଥିବା ବେଳେ ବହୁ ସଂଖ୍ୟରେ ଭିଆଇପି କାର ବିମାନବନ୍ଦର ନିକଟରେ ରହିଛି । ଏହି କାର୍ଯ୍ୟକ୍ରମ ପାଇଁ ବ୍ୟାପକ ବ୍ୟବସ୍ଥା କରାଯାଇଛି ।