ବଳଦ ସ୍ଥାନରେ ମଣିଷ କାନ୍ଧରେ ପଡ଼ିଲା ଜୁଆଳି । ଗଜପତି ସୀତାପୁର ଗାଁରୁ ଆସିଲା ଅଭାବନୀୟ ଚିତ୍ର । ବଳଦ ନାହିଁ କି ଟ୍ରାକ୍ଟରରେ ହଳ କରିବାକୁ ପାଖରେ ନାହିଁ ପଇସା
କନକ ବ୍ୟୁରୋ: ଜମିରେ ହଳ ଚାଲିଛି, ଲଙ୍ଗଳ ବି ଗଡ଼ୁଛି । ହେଲେ ବଳଦ ନାହାନ୍ତି, ବଳଦ ଜାଗାରେ ମଣିଷ ଟାଣୁଛନ୍ତି ଲଙ୍ଗଳ । ଏପରି ଅଭାବନୀୟ ଦୃଶ୍ୟ ଆସିଛି ଗଜପତି ଜିଲ୍ଲା କାଶୀନଗର ବ୍ଳକ ସୀତାପୁର ଗାଁରୁ । କାନ୍ଧରେ ଜୁଆଳି ଟାଣି ନିଜେ ବିଲରେ ହଳ କରୁଛନ୍ତି ଦୁଇ ଚାଷୀ । ପାଖରେ ବଳଦ ନାହିଁ କି ଟ୍ରାକ୍ଟରରେ ହଳ କରିବାକୁ ପାଖରେ ଅର୍ଥ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଶେଷରେ ବାଧ୍ୟ ହୋଇ ନିଜେ କାନ୍ଧରେ ଟାଣି ଟାଣି ହଳ କରୁଛନ୍ତି ଏହି ଦୁଇ ଚାଷୀ ଭାଗିରଥୀ ସରଙ୍ଗ ଓ ସନ୍ତୋଷ କଳିଙ୍ଗ । ସେମାନେ ଏଥର ଦୁଇ ଏକର ଭାଗ ଚାଷ କରୁଛନ୍ତି । ହେଲେ ଚାଷ କେମିତି କରିବେ ? ପାଖରେ ପଇସା ନାହିଁ । କରୋନା ସ୍ଥିତି ଯୋଗୁଁ ଆର୍ଥିକ ଅବସ୍ଥା ଏକଦମ ଖରାପ ହୋଇପଡ଼ିଛି ।
ଶେଷରେ ବାଧ୍ୟ ହୋଇ ଏପରି ଉପାୟରେ ଜମିରେ ହଳ କରୁଛନ୍ତି । ତେବେ ଏପରି ଖବର ପହଂଚିବା ପରେ ଆବଶ୍ୟକ ସହାୟତା ପହଂଚାଯିବ ବୋଲି କହିଛନ୍ତି ଜିଲ୍ଲା କୃଷି ଅଧିକାରୀ ।