ସ୍ୱାଧୀନତା ଦିବସରେ ଶ୍ରୀନଗରର ଲାଲଚୌକରେ ତ୍ରିରଙ୍ଗା ଉଡାଇବେ ଶାହା ! ଗୃହମନ୍ତ୍ରୀଙ୍କ ଗସ୍ତ ପାଇଁ ସୁରକ୍ଷା ବ୍ୟବସ୍ଥା ହେବ କଡାକଡି ।
କନକ ବ୍ୟୁରୋ : ଜାମ୍ମୁକାଶ୍ମୀରରେ ପରିସ୍ଥିତି ଶାନ୍ତ ଥିବା ହେତୁ କେନ୍ଦ୍ର ଗୃହ ମନ୍ତ୍ରୀ ତଥା ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ପୁଣି ଥରେ ଜାମ୍ମୁକାଶ୍ମୀର ଗସ୍ତରେ ଯିବେ ବୋଲି ସୂଚନା ମିଳିଛି । ସେ ଶ୍ରୀନଗରରେ ଲାଲଚୌକଠାରେ ଆଗାମୀ ଅଗଷ୍ଟ ୧୫ରେ ଜାତୀୟ ପତାକା ଉତ୍ତୋଳନ କରିପାରନ୍ତି ବୋଲି ଚର୍ଚ୍ଚା ହେଉଛି । ତେବେ ଏ ପ୍ରସଙ୍ଗରେ ଜାମ୍ମୁକାଶ୍ମୀର ପୁଲିସ ପାଖରେ ଠୋସ୍ ଖବର ନଥିବା କୁହାଯାଉଛି । ତେବେ ଏହାକୁ ଗୋପନୀୟ ରଖାଯାଇଛି । ଗଣମାଧ୍ୟମକୁ ବି କିଛି ସୂଚନା ଦିଆଯାଉନାହିଁ । ଖାଲି ସେତିକି ନୁହେଁ, ଅମିତ ଶାହଙ୍କ ଗସ୍ତ ପୂର୍ବରୁ ଶ୍ରୀନଗରରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲ୍ ଅଗଷ୍ଟ ୧୫ ଯାଏଁ ଘାଟିରେ ରହି ଜାମ୍ମୁକାଶ୍ମୀରର ବିଭିନ୍ନ ଅଂଚଳ ଗସ୍ତ କରି ସିଧାସଳଖ ଲୋକଙ୍କ ଓ ସହିତ ମିଶୁଛନ୍ତି । ଜାମ୍ମୁକାଶ୍ମୀରରୁ ଧାରା ୩୭୦ ଓ ୩୫ ଏ ଉଚ୍ଛେଦ ପରେ ଲୋକଙ୍କ ମଧ୍ୟରେ କଣ ରହିଛି ଭାବନା, କିପରି ରହିଛି ସୁରକ୍ଷା ସ୍ଥିତି ସେ ନେଇ ନିଜେ ସମୀକ୍ଷା କରୁଛନ୍ତି ଡୋଭାଲ । ସେନା ଯବାନଙ୍କ ସହିତ ମିଶିବା ସହ ନିଜେ ଗ୍ରାଉଣ୍ଡ ଜିରୋରେ ବିଭିନ୍ନ ବର୍ଗର ଲୋକଙ୍କୁ ଭେଟି ଆଲୋଚନା କରୁଛନ୍ତି । ସେ ସବୁ ଠିକଠାକ୍ ଥିବାର ରିପୋର୍ଟ ଦେବାପରେ ଅମିତ ଶାହଙ୍କ ଶ୍ରୀନଗର ଗସ୍ତ ଏବଂ ଲାଲଚୌକରେ ଆଗାମୀ ଅଗଷ୍ଟ ୧୫ରେ ଜାତୀୟ ପତାକା ଉତ୍ତୋଳନ କରିବାର କାର୍ଯ୍ୟକ୍ରମ ସ୍ଥିର କରାଯାଇଥିବା କୁହାଯାଉଛି ।