ପ୍ରଧାନମନ୍ତ୍ରୀ ମୋଦୀଙ୍କ ଉପରେ ବିବିସି କରିଥିବା ଡକ୍ୟୁମେଣ୍ଟାରୀ । ବିବାଦରେ ଆମେରିକା ବିଦେଶମନ୍ତ୍ରଣାଳୟର ପ୍ରବକ୍ତାଙ୍କ ବୟାନ
କନକ ବ୍ୟୁରୋ : ୨୦୦୨ ଗୁଜରାଟ ଦଙ୍ଗା ଉପରେ ବ୍ରିଟିସ ବ୍ରଡକାଷ୍ଟର ବିବିସି ତରଫରୁ ଏକ ଡକ୍ୟୁମେଣ୍ଟାରୀ ପ୍ରସ୍ତୁତ କରାଯାଇଛି । ଏହି ଡକ୍ୟୁମେଣ୍ଟାରୀ ନାମ ରହିଛି ‘ଇଣ୍ଡିଆ ଦ ମୋଦୀ କ୍ୱେଶ୍ଚନ’ । ଏହି ଡକ୍ୟୁମେଣ୍ଟାରୀ ରିଲିଜ ହେବା ପରେ ଏହାକୁ ନେଇ ବିବାଦ ଦେଖିବାକୁ ମିଳିଛି । ଭାରତ ସରକାରଙ୍କ ତରଫରୁ ଏହି ଡକ୍ୟୁମେଣ୍ଟାରୀକୁ ୟୁଟ୍ୟୁବର ହଟାଇ ଦିଆଯାଇଛି । ଏହାସହ ଏହି ଡକ୍ୟୁମେଣ୍ଟାରୀର ଲିଙ୍କ ସେୟାର ହୋଇଥିବା ଟ୍ୱିଟର ଆକାଉଣ୍ଟକୁ ବ୍ଲକ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି । ଏହାକୁ ଭାରତ ସରକାର ଏକ ପ୍ରୋପଗେଣ୍ଡା ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ବିବାଦ ଭିତରେ ବ୍ରିଟେନର ପ୍ରଧାନମନ୍ତ୍ରୀ ଋଷି ସୁନକ ପ୍ରଧାନମନ୍ତ୍ରୀ ମୋଦୀଙ୍କୁ ସମର୍ଥନ କରିଥିବା ବେଳେ ଡକ୍ୟୁମେଣ୍ଟାରୀକୁ ନେଇ ଆମେରିକା ବିଦେଶମନ୍ତ୍ରଣାଳୟର ପ୍ରବକ୍ତାଙ୍କ ବୟାନ ଏବେ ଚର୍ଚ୍ଚା ହେଉଛି । ଆମେରିକା ବିଦେଶ ମନ୍ତ୍ରଣାଳୟର ପ୍ରବକ୍ତା ନେଡ ପ୍ରାଇସ କହିଛନ୍ତି କି, ଏହା ଗଣମାଧ୍ୟମ ସ୍ୱତନ୍ତ୍ରତା ମାମଲା । ଏହାସହ ଆମେରିକା ସାରା ବିଶ୍ୱର ଗଣମାଧ୍ୟମ ଓ ବ୍ୟକ୍ତି ଅଭିବ୍ୟକ୍ତିର ସ୍ୱାଧୀନତା ଭଳି ଲୋକତାନ୍ତ୍ରିକ ସିଦ୍ଧାନ୍ତକୁ ସମର୍ଥନ କରେ ବୋଲି କହିଛନ୍ତି । ଅର୍ଥାତ ଆମେରିକା ବିଦେଶ ମନ୍ତ୍ରଣାଳୟର ପ୍ରବକ୍ତା ଏହି ଡକ୍ୟୁମେଣ୍ଟାରୀକୁ ପରୋକ୍ଷରେ ସମର୍ଥନ କରିଛନ୍ତି ।
ବୁଧବାର ଦିନ ଦୈନିକ ପ୍ରେସ ବାର୍ତ୍ତା କ୍ରମରେ ଆମେରିକା ବଦେଶ ମନ୍ତ୍ରଣାଳୟର ପ୍ରବକ୍ତା ନେଡ୍ ପ୍ରାଇସଙ୍କୁ ପାକିସ୍ତାନୀ ନ୍ୟୁଜ ଚ୍ୟାନେଲ ଏଆରୱାଇ ଭାରତରେ ବିବିସି ଡକ୍ୟୁମେଣ୍ଟାରୀ ଉପରେ ଲାଗିଥିବା ପ୍ରତିବନ୍ଧକକୁ ନେଇ ପ୍ରଶ୍ନ ପଚରାଯାଇଥିଲା । ଏହାର ଉତ୍ତରରେ ନେଡ ପ୍ରାଇସ କହିଥିଲେ କି ଏହା ଗଣମାଧ୍ୟମର ସ୍ୱତନ୍ତ୍ରତା ମାମଲା । ଏହାସହ ଭାରତ ସହିତ ସାରା ବିଶ୍ୱରେ ଅଭିବ୍ୟକ୍ତିର ସ୍ୱାଧୀନତା ଭଳି ଲୋକତାନ୍ତ୍ରିକ ସିଦ୍ଧାନ୍ତର ମହତ୍ୱକୁ ଉଜାଗର କରିବାକୁ ଏହା ଏକ ପ୍ରକୁଷ୍ଟ ସମୟ ।