ତାଜମହଲ କିଏ ନିର୍ମାଣ କରିଥିଲେ, ପ୍ରଥମେ ପଢିକି ଆସ? ତାଜମହଲର ୨୨ଟି କବାଟ ଖୋଲିବାକୁ ଆବେଦନ କରିଥିବା ବ୍ୟକ୍ତିଙ୍କ ଉପରେ ବର୍ଷିଲେ ହାଇକୋର୍ଟ ।
କନକ ବ୍ୟୁରୋ : ତାଜମହଲରର ୨୨ଟି କବାଟ ଖୋଲିବା ନେଇ ଦାଖଲ ହୋଇଥିବା ପିଟିସନ ଉପରେ ଆଜି ଏହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚ ଶୁଣାଣି ଆରମ୍ଭ କରିଛନ୍ତି । ଆଉ ଏହି ଶୁଣାଣି ସମୟରେ ଆବେଦନକାରୀଙ୍କ ଉପରେ ବର୍ଷିବା ସହ ବିଚାରପତି ଡିକେ ଉପାଧ୍ୟାୟ କହିଛନ୍ତି, ପିଆଇଏଲ ବ୍ୟବସ୍ଥାର ଦୁରୁପଯୋଗ କରନି । କାଲି ଆସିବେ କହିବେ, ମାନ୍ୟବର ବିଚାରପତିଙ୍କ କୋଠରୀକୁ ଯିବାକୁ ଅନୁମତି ମିଳୁ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ବେଞ୍ଚରେ ଥିବା ଦୁଇ ବିଚାରପତି ଆବେଦନକାରୀଙ୍କ ଉଦ୍ଦେଶ୍ୟରେ କହିଛନ୍ତି, ଯେଉଁ ବିଷୟରେ ଆପଣ ଅବଗତ ନାହାନ୍ତି ତାହା ଉପରେ ରିସର୍ଚ୍ଚ କରି ଆସନ୍ତୁ । ଏମ.ଏ କରନ୍ତୁ, ପିଏଚଡି କରନ୍ତୁ ଏପରିକି ଯଦି କୌଣସି ସଂସ୍ଥା ରିସର୍ଚ୍ଚ କରିବାକୁ ନ ଦିଅନ୍ତୁ ତେବେ ଆମ ପାଖକୁ ମଧ୍ୟ ଆସନ୍ତୁ । ତାଜମହଲ କିଏ ନିର୍ମାଣ କରିଥିଲେ, ଏହାର ବୟସ କେତେ? କଣ ଆମେ ଏହାର ଶୁଣାଣି କରିବାକୁ ଆସିଛୁ ।
ଅନ୍ୟପଟେ ହାଇକୋର୍ଟଙ୍କ ବିଭିନ୍ନ ପ୍ରଶ୍ନର ଉତ୍ତର ଦେବା ସହ ଆବେଦନକାରୀଙ୍କ ଓକିଲ କହିଥିଲେ, ଏ ବାବଦରେ ଆମେ ଅଧିକାରୀଙ୍କୁ ତଥ୍ୟ ମାଗିଥିଲୁ । ଯାହାର ଉତ୍ତରରେ ହାଇକୋର୍ଟ କହିଥିଲେ, ସୁରକ୍ଷା କାରଣରୁ କବାଟ ବନ୍ଦ କରାଯାଇଛି । ଏହା ହିଁ ତଥ୍ୟ । ଯଦି ଏଥିରେ ଆପଣ ସନ୍ତୁଷ୍ଟ ନୁହଁନ୍ତି ତେବେ ଏହାକୁ ଚ୍ୟାଲେଞ୍ଜ କରନ୍ତୁ । ଏହାସତ୍ତେ୍ୱ ମଧ୍ୟ ଆବେଦନକାରୀ କହିଥିଲେ, ମୋତେ ତାଜମହଲର ବନ୍ଦ ଥିବା କୋଠରୀ ଭିତରକୁ ଯିବାକୁ ଦିଅନ୍ତୁ । ଯାହାକୁ ନେଇ ହାଇକୋର୍ଟ କହିଥିଲେ ପିଆଇଏଲ ବଳରେ ଆପଣ ବିଚାରପତିଙ୍କ ପ୍ରକୋଷ୍ଠକୁ ଯିବାକୁ କହିବେ । ଏହା କେମିତି ସମ୍ଭବ । ଦୟାକରି ପିଆଇଏଲକୁ ନେଇ ମଜା ନ କରନ୍ତୁ ।