ବିରୋଧୀଙ୍କ ମନ ମିଶୁନି । ବଢିଲାଣି ଇଣ୍ଡିଆ ମେଣ୍ଟରେ ଫାଟ
କନକ ବ୍ୟୁରୋ : ଇଣ୍ଡିଆ ମେଣ୍ଟରେ ଫାଟ । ସାଧାରଣ ନିର୍ବାଚନ ପୂର୍ବରୁ ଇଣ୍ଡିଆ ମେଣ୍ଟରେ ମତାନ୍ତର, ମନାନ୍ତର ଦିନକୁ ଦିନ ବଢି ଚାଲିଛି । କଂଗ୍ରେସ ସାଂସଦ ରାହୁଲ ଗାନ୍ଧୀ ଜାତିଗତ ଜନଗଣନାକୁ ପ୍ରାଧାନ୍ୟ ଦେଉଥିବାବେଳେ ଏହାକୁ ନେଇ ରାହୁଲଙ୍କୁ ଟାର୍ଗେଟ କରିଛନ୍ତି ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ।
Kanak News is now on WhatsApp
Join and get latest news updates delivered to you via WhatsApp
ଏକ ପ୍ରଚାର କାର୍ଯ୍ୟକ୍ରମରେ ଅଖିଳେଶ କଂଗ୍ରେସକୁ ଟାର୍ଗେଟ କରି କହିଛନ୍ତି, ଯେଉଁ ସମୟରେ ଦଳକୁ ଦାୟିତ୍ୱ ନେବାର ଥିଲା ସେତେବେଳେ ସେମାନେ ପଛଘୁଞ୍ଚା ଦେଇଥିଲେ । ସ୍ୱାଧିନତା ପରଠାରୁ ଜାତିଗତ ଜନଗଣନା ପାଇଁ ଦାବି ହୋଇ ଆସୁଥିବା ବେଳେ କଂଗ୍ରେସ ସେତେବେଳେ ଏହାକୁ ଗୁରୁତ୍ୱ ଦେଇ ନଥିଲା । ହେଲେ ଏବେ କଂଗ୍ରେସ ପାରମ୍ପରିକ ଭୋଟ ହାତେଇବା ପାଇଁ ଦଳିତ ଓ ପଛୁଆ ବର୍ଗଙ୍କୁ ଆକର୍ଷିତ କରିବାକୁ ଚାହୁଁଛି ବୋଲି ଅଖିଳେଶ ଯାଦବ କହିଛନ୍ତି । କଂଗ୍ରେସକୁ ଅଖିଳେଶଙ୍କ ଏଭଳି ସିଧାସଳଖ ଆକ୍ଷେପ ଇଣ୍ଡିଆ ମେଣ୍ଟର ଫାଟକୁ ଦର୍ଶାଉଛି । କେବଳ ସେତିକି ନୁହେଁ ଅଖିଳେଶ ସାମ୍ବାଦିକଙ୍କ ଇଣ୍ଡିଆ ମେଣ୍ଟ ସମ୍ପର୍କିତ ପ୍ରଶ୍ନକୁ ବି ଏଡାଇ ଯାଇଛନ୍ତି ।