କନକ ବ୍ୟୁରୋ : ସ୍ୱାସ୍ଥ୍ୟସେବା କ୍ଷେତ୍ରରେ ପୂର୍ବ ଭାରତରେ ଭରସାର କେନ୍ଦ୍ର ପାଲଟିଥିବା ଏମ୍ସ ଭୁବନେଶ୍ୱରରେ ସଫଳତାର ସହ ଯକୃତ ବା କିଡନୀ ପ୍ରତିରୋପଣ ସଫଳ ହୋଇଛି । ଏହା ଏମ୍ସର ପ୍ରଥମ ଦଶନ୍ଧିର ସଫଳ ଯାତ୍ରାରେ ଆଉ ଏକ ମାଇଲ ଖୁଣ୍ଟ ଯୋଡିଛି । ଜଣେ ୨୦ ବର୍ଷିୟ ଇଞ୍ଜିନିୟର ଛାତ୍ରଙ୍କ ଠାରେ ସଫଳତାର ସହ କିଡନୀ ପ୍ରତିରୋପଣ ହୋଇଥିଲା । ଅସୁସ୍ଥ ପୁଅଙ୍କୁ ତାଙ୍କର ୫୦ ବର୍ଷିୟ ବାପା କିଡନୀ ଦାନ କରିଥିଲେ । ପ୍ରତିରୋପଣ ପରେ ଏବେ ଉଭୟ ପିତା ପୁତ୍ର ସୁସ୍ଥ ଥିବା ଜଣାପଡିଛି । କିଡନୀ ଦାତାଙ୍କୁ ପ୍ରତିରୋପଣର ତୃତୀୟ ଦିନରେ ଓ ୭ ଦିନ ପରେ ପୁଅକୁ ହସ୍ପିଟାଲରୁ ଡିସଚାର୍ଯ କରାଯାଇଥିଲା । ଯୁବକଙ୍କ ପରିସ୍ରା, ରକ୍ତ, କ୍ରିଏଟିନ ସ୍ତର ଠିକ୍ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଖୁବଶୀଘ୍ର ଛାତ୍ର ଜଣକ କଲେଜ ଯିବା ସହ ସ୍ୱାଭାବିକ ଜୀବନ ବଞ୍ଚି ପାରିବେ ବୋଲି ଡାକ୍ତରୀ ଦଳ କହିଛନ୍ତି । ଏଥିସହ ଏମସରେ ଯକୃତ ପ୍ରତିରୋପଣ ପ୍ରକ୍ରିୟା ଆରମ୍ଭ ହୋଇଥିବା ସୂଚନା ଦେଇଛନ୍ତି, କାର୍ଯ୍ୟନିର୍ବାହୀ ନିର୍ଦ୍ଦେଶକ ଡାକ୍ତର ଆଶୁତୋଷ ବିଶ୍ୱାସ । ଯାହା ରାଜ୍ୟର ଗରିବ କିଡନୀ ରୋଗୀଙ୍କୁ ଆଶ୍ୱସ୍ତି ଆଣିଦେଇଛି । କଟକ ଏସସିବି ପରେ ସରକାରୀ ଡାକ୍ତରଖାନା ଭାବେ ଏବେ ଏମ୍ସରେ ସଫଳତାର ସହ କିଡନୀ ପ୍ରତିରୋପଣ ହୋଇପାରୁଛି । ଏସସିବିରେ ଡାକ୍ତର ସଙ୍କଟ ଯୋଗଁ ବହୁ ରୋଗୀ ଘରୋଇ ମେଡିକାଲରେ କିଡନୀ ପ୍ରତିରୋପଣ କରାଇ ପ୍ରାୟ ୭ରୁ ୮ଲକ୍ଷ ଟଙ୍କା ଖର୍ଚ୍ଚ କରିଥାନ୍ତି । ହେଲେ ଏମ୍ସରେ କିଡନୀ ପ୍ରତିରୋପଣ ବାବଦକୁ ଘରୋଇ ଡାକ୍ତରଖାନାରୁ ଅଧାରୁ କମ ଖର୍ଚ୍ଚ ହେଉଛି । ତେଣୁ ଗରିବ କିଡନୀ ରୋଗୀଙ୍କୁ ଆଶ୍ୱସ୍ତି ମିଳିଛି ।