କୋଟିଆ ହାତେଇବାକୁ ଆନ୍ଧ୍ରର ଚାଲ : ସୀମାନ୍ତ ଗାଁରେ ୨୦୦ ଗାଁ ଲୋକଙ୍କୁ ଏକାଠି କରି ବୈଠକ କଲେ ଆନ୍ଧ୍ର ବିଧାୟକ, ଆଦିବାସୀଙ୍କୁ ବାଂଟିଲେ ଜଙ୍ଗଲ ଜମିପଟ୍ଟା
କନକ ବ୍ୟୁରୋ : କୋରାପୁଟର କୋଟିଆ ହାତେଇବାକୁ ଚାଲ ଖେଳିଛନ୍ତି ଆନ୍ଧ୍ର ସରକାର । ଆନ୍ଧ୍ର ବିଧାୟକ ଓ ସରକାରୀ ଅଧିକାରୀ କୋଟିଆରେ ବୈଠକ କରି ଆନ୍ଧ୍ରରେ ସାମିଲ ହେବା ପାଇଁ ଲୋକଙ୍କ ପ୍ରଲୋଭିତ କରିଛନ୍ତି । ବୈଠକ କରିବା ସହ କୋଟିଆ ଗ୍ରାମପଂଚାୟତର ଆଦିବାସୀଙ୍କୁ ଜଙ୍ଗଲ ଜମିପଟ୍ଟା ବଂଟନ କରି ପ୍ରଲୋଭିତ କରିବାକୁ ଉଦ୍ୟମ କରିଛନ୍ତି ଆନ୍ଧ୍ରର ସାଲୁର ବିଧାୟକ ପି ରାଜାନା ଦୋରା ।
Kanak News is now on WhatsApp
Join and get latest news updates delivered to you via WhatsApp
କୋଟିଆ ଗ୍ରାମପଂଚାୟତର ନେରେଡେବାଲସା ଗାଁରେ ଆନ୍ଧ୍ରର ସାଲୁର ବିଧାୟକ ପି ରାଜାନା ଦୋରା ଲୋକଙ୍କୁ ଏକାଠି କରି କିଛି ହିତାଧିକାରୀଙ୍କୁ ଜଙ୍ଗଲ ଜମି ପଟ୍ଟା ବଂଟନ କରିଛନ୍ତି । ଏଥିସହ ଆଗରୁ ଆନ୍ଧ୍ର ସରକାର ବିଭିନ୍ନ ଯୋଜନାର ଲାଭ ଲୋକଙ୍କୁ ମିଳିବ ବୋଲି ପି ରାଜାନା ପ୍ରତିଶ୍ରୁତି ଦେଇଥିବା ସୂଚନା ମିଳିଛି । ଏହି ବୈଠକରେ କୋଟିଆ ପଂଚାୟତର ନେରେଡବାଲସା, ତାଡି ବାଲସା, ଆର୍ଜୁ ବାଲସା, ଧୂଳିପଦର ଗାଁରୁ ପ୍ରାୟ ୨୦୦ ଗ୍ରାମବାସୀ ସାମିଲ ହୋଇଥିଲେ ।