ମହାନଗରର ମୃତ୍ୟୁ ଯନ୍ତା ପାଲଟିଛି ପଳାଶୁଣି: ଦୁର୍ଘଟଣାରେ ଏସଡିଓଙ୍କ ମୃତ୍ୟୁ ପରେ ବାପା ମନେ ପକାଇଲେ ପୁଅର କଥା
କନକ ବ୍ୟୁରୋ: ଭୁବନେଶ୍ୱରର ପଳାଶୁଣି ଛକରେ ହୋଇଥିବା ଏହି ଦୁର୍ଘଟଣାରେ ଯାଜପୁର ଧର୍ମଶାଳ ଏସଡିଓ ସୁମନ୍ତ ଦାସଙ୍କ ମୃତ୍ୟୁ ଅନେକ ପ୍ରଶ୍ନ ଛିଡ଼ା କରିଛି । ସେଠାରେ ବାରମ୍ବାର ଦୁର୍ଘଟଣା ଘଟୁଥିଲେ ମଧ୍ୟ ଆଶ୍ଚର୍ଯ୍ୟଜନକ ଭାବେ ସମସ୍ତେ ନୀରବ ରହନ୍ତି । ମୃତ ସୁମନ୍ତ ଦାସ ମଧ୍ୟ ପ୍ରାୟତଃ ପଳାଶୁଣି ଛକ ଦେଇ ଆସନ୍ତି ଏବଂ ନିଶ୍ଚୟ ସେଠାରେ ଦୁର୍ଘଟଣା ହୋଇଥିବା ଦେଖନ୍ତି । ଆଉ ଏକଥା ଘରେ ପହଂଚି ତାଙ୍କ ବାପାଙ୍କୁ ବି କହନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୃତ ସୁମନ୍ତ ଦାସଙ୍କ ବାପା କାନ୍ଦି କାନ୍ଦି କହିଛନ୍ତି, ଯଦି ସେଠାରେ ଟ୍ରାଫିକ ବ୍ୟବସ୍ଥା ଥାଆନ୍ତା, ଗାଡ଼ି ଚାଳକ ମାନେ ସ୍ପିଡ ନିୟନ୍ତ୍ରଣ କରିପାରିଥାଆନ୍ତେ । ସବୁ କିଛି ତାଙ୍କ ପାଇଁ ଓଲଟପାଲଟ ହୋଇଯାଇଛି । ସେପଟେ ଦ୍ରୁତ ଗତିରେ ହାଇୱା ଗାଡ଼ିରେ ଆସି ଏମିତି ମାରିଦେବା ପରେ ସେ ଡ୍ରାଇଭର ବି କୁଆଡ଼େ ଚାଲିଗଲା, ତା’ର ବି ପତା ନାହିଁ । ପୋଲିସକୁ ପଚାରିଲେ, ପୋଲିସ୍ କହୁଛି, ଡ୍ରାଇଭର ଫେରାର୍ ହୋଇଯାଇଛି ।
କୌଣସି ଭୁଲ୍ ନଥାଇ ମଧ୍ୟ ସୁମନ୍ତଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରୁନାହାନ୍ତି ଲୋକେ । କାରଣ ଜଣେ ପୁରାପୁରି ଠିକ୍ ଗାଡ଼ି ଚଳାଉଥିବେ, କିନ୍ତୁ ପଛପଟୁ ଦ୍ରୁତ ଗତିରେ ଆସି ଯଦି ଅନ୍ୟଗାଡ଼ି ଧକ୍କା ଦେବ, ତେବେ କ’ଣ କରାଯିବ? ଏ ପ୍ରଶ୍ନ ଉଠିବା ସ୍ୱାଭାବିକ ।