ଆମେରିକାରେ ଖରାପ ହେଲା ପାକିସ୍ତାନ ପ୍ରଧାନମନ୍ତ୍ରୀ ଇମରାନ୍ ଖାନଙ୍କ ବିମାନ ! ସାଧାରଣ ବିମାନ ଯୋଗେ ପହଁଚିଲେ ପାକିସ୍ତାନ ।
ପାକିସ୍ତାନ ପ୍ରଧାନମନ୍ତ୍ରୀ ଇମରାନ୍ ଖାନ୍ ଙ୍କ ସାତ ଦିବସୀୟ ଯାତ୍ରା ସମ୍ପୁର୍ଣ୍ଣ ହୋଇଯାଇଛି । ପ୍ରଧାନମନ୍ତ୍ରୀ ଇମରାନ୍ ଖାନ୍ ସାଧାରଣ ବିମାନ ଯୋଗେ ପାକିସ୍ତାନ ଫେରିଛନ୍ତି । ସାଉଦି ଆରବ ଦ୍ୱାରା ଦିଆଯାଇଥିବା ବିମାନରେ ଉଡାଣ ଭରିବାର କିଛି ସମୟ ପରେ ଟେକନିକ୍ ଅସୁବିଧା ଦେଖାଦେଇଥିବାରୁ ବିମାନକୁ ବାହୁଡିବାକୁ ପଡିଥିଲା । ଏହାପରେ ଇମରାନ୍ ଏବଂ ତାଙ୍କ ପ୍ରତିନିଧିମଣ୍ଡଳ ପୁନଶ୍ଚ ନ୍ୟୁୟର୍କ ଫେରିଥିଲେ । ଶନିବାର ଇମରାନ୍ ସାଉଦି ଏୟାରଲାଇନ୍ସ ମାଧ୍ୟମରେ ଜେଦ୍ଦା ପହଁଚିଥିଲେ । ସେଠାରେ କିଛି ସମୟ ଅଟକିବା ପରେ ଇମରାନ୍ ପାକିସ୍ତାନ ଫେରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁଛୁ ସଂଯୁକ୍ତ ରାଷ୍ଟ୍ର ମହାସଭାର ୭୪ ତମ ସଭାରେ ଭାଗ ନେବା ପାଇଁ ଇମରାନ୍ ଆମେରିକା ଯାତ୍ରା କରିଥିଲେ । ସେଠାରେ ସାତ ଦିବସୀୟ ଯାତ୍ରା କରି ଶନିବାର ପାକ୍ ପ୍ରଧାନମନ୍ତ୍ରୀ ପାକିସ୍ତାନ ବାହୁଡିଥିଲେ । କିନ୍ତୁ ତାଙ୍କ ବିଶେଷ ବିମାନରେ କିଛି ଯାନ୍ତ୍ରିକ ତୃଟି ଥିବା କାରଣରୁ ସାଧାରଣ ବିମାନ ଯୋଗେ ସେ ପାକିସ୍ତାନରେ ପହଁଚିଥିଲେ ।