ବଲାଙ୍ଗୀର ଜିଲ୍ଲାପାଳଙ୍କ ଅଫିସ ଆଗରେ ଆଦିବାସୀଙ୍କ ରଣହୁଙ୍କାର। ଅସ୍ତ୍ର ଧରି ଜିଲ୍ଲା ଯୋଗାଣ ଅଧିକାରୀଙ୍କ ଗିରଫ ଦାବି।
କନକ ବ୍ୟୁରୋ: ଜିଲ୍ଲାପାଳଙ୍କ ଅଫିସର ଆଗରେ ଆଦିବାସୀଙ୍କ ରଣହୁଙ୍କାର । ଜିଲ୍ଲା ଯୋଗାଣ ଅଧିକାରୀଙ୍କ ଗିରଫ ଦାବିରେ ଆନ୍ଦୋଳନକୁ ଓହ୍ଲାଇଛନ୍ତି ଆଦିବାସୀ ମହାସଙ୍ଘ । ପାରମ୍ପାରିକ ଅସ୍ତ୍ରଶସ୍ତ୍ର ଧରି ଜିଲ୍ଲାପାଳଙ୍କ ଅଫିସକୁ ଧସେଇ ପଶିବା ପାଇଁ ଉଦ୍ୟମ ବେଳେ ପୁଲିସ ସହ ଧସ୍ତାଧସ୍ତି ହେଲେ ଆଦିବାସୀ । ଆଉ ଆଦିବାସୀଙ୍କ ଏହି ଆନ୍ଦୋଳନରେ ସାମିଲ ହୋଇଛନ୍ତି ରାଜ୍ୟସଭା ସାଂସଦ ନିରଞ୍ଜନ ବିଶି । ବଲାଙ୍ଗୀର ରାଜରାସ୍ତାରେ ଶତାଧିକ ଆଦିବାସୀ ଆନ୍ଦୋଳନ ଦେଖିବାକୁ ମିଳିଛି । ଆଉ ଏହି ଆନ୍ଦୋଳନ ଓ ରାଲି ଜିଲ୍ଲା ଯୋଗାଣ ଅଧିକାରୀଙ୍କ ଗିରଫ ଦାବିରେ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଆଦିବାସୀ ମହାସଂଘର ଅଭିଯୋଗ ଅନୁସାରେ, ବଲାଙ୍ଗୀର ପୌର ପରିଷଦରେ କାର୍ଯ୍ୟରତ ଏସିଏସଓ ପୁଷ୍ପଲତା ଦାସଙ୍କୁ, ଜିଲ୍ଲା ଯୋଗାଣ ଅଧିକାରୀ ମିରରାଜା ଅଲ୍ଲି, ଶାରିରୀକ ଓ ମାନସିକ ଭାବେ ନିର୍ଯାତନା ଦେଇଛନ୍ତି । ଏନେଇ ପୁଷ୍ପଲତା ଜିଲ୍ଲା ପ୍ରଶାସନ ଓ ପୁଲିସ ପାଖରେ ଅଭିଯୋଗ କରିଛନ୍ତି । ପୁଲିସ ଏହି ଘଟଣାର ତଦନ୍ତ କରିଛି, କିନ୍ତୁ ଆଜି ଯାଏଁ ଯୋଗାଣ ଅଧିକାରୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ । ତେଣୁ ଆଜି ରାସ୍ତାକୁ ଓହ୍ଲାଇଛି ଆଦିବାସୀ ମହାସଙ୍ଘ । ପାରମ୍ପରିକ ଅସ୍ତ୍ରଶସ୍ତ୍ର ଧରି ଜିଲ୍ଲାପାଳଙ୍କ ଅଫିସ ଆଗରେ ଶହଶହ ଅଦିବାରୀ ମହିଳା ଓ ପୁରୁଷ ବିକ୍ଷୋଭ ପ୍ରଦର୍ଶନ କରିଛନ୍ତି । ରାଜ୍ୟସଭା ସାଂସଦ ନିରଞ୍ଜନ ବିଶି ଏହି ଆନ୍ଦୋଳନରେ ସାମିଲ ହୋଇ ପ୍ରଶାସନ ପକ୍ଷରୁ ଅବହେଳା ହୋଇଛି । ଜିଲ୍ଲା ଯୋଗାଣ ଅଧିକାରୀ ଖସି ଯିବା ପାଇଁ ପୁଲିସ ବାଟ ଦେଇଛି ବୋଲି ସାଂସଦ ଅଭିଯୋଗ କରିଛନ୍ତି ।