ଖସି ଚାଲିଛି ଆଦାନୀ ଗ୍ରୁପର ସେୟାର ମୂଲ୍ୟ: ସଙ୍କଟରୁ ବର୍ତ୍ତିବାକୁ ଆଦାନୀଙ୍କ ମାଷ୍ଟର ପ୍ଲାନ୍
କନକ ବ୍ୟୁରୋ: ହିଣ୍ଡେନବର୍ଗ ରିପୋର୍ଟ ପରେ ବଜାରରେ ଦେଖାଦେଇଥିବା ସଙ୍କଟକୁ ଟାଳିବା ପାଇଁ ଫୁଲ ଦମରେ ଆଦାନି ଗ୍ରୁପ । ଗତ ସପ୍ତାହରେ ଆଦାନି ଗ୍ରୁପର ସେୟାର ଘାଟାରେ ପଡିଥିବା ବେଳେ ଚଳିତ ସପ୍ତାହର ପ୍ରଥମ ଦିନରେ ମଧ୍ୟ ଆଦାନି ଗ୍ରୁପକୁ ନିରୁତ୍ସାହିତ ହେବାକୁ ପଡିଛି । ଆଦାନି ଏଟଂରପ୍ରାଇଜେସ ଲିମିଟେଡ ୭ ପ୍ରତିଶତ, ଆଦାନି ପୋର୍ଟ ଆଣ୍ଡ ସ୍ପେଶାଲ ଇକୋନମିକ ଜୋନ୍ ୫.୫ ପ୍ରତିଶତ, ଆଦାନି ଟୋଟାଲ ଗ୍ୟାସ ୫ ପ୍ରତିଶତ, ଆଦାନି ଗ୍ରୀନ ଏନର୍ଜି ୫ ପ୍ରତିଶତ ଖସିଛି । ତେବେ ଏହାପୂର୍ବରୁ ଆଦାନି ଗ୍ରୁପ ନିଜର ରେଭିନ୍ୟୁ ଟାର୍ଗେଟ ୧୫ ପ୍ରତିଶତରୁ ୨୦ ପ୍ରତିଶତ କରିଛି । ଯାହାକି ପୂର୍ବରୁ ୪୦ ପ୍ରତିଶତ ଥିଲା । ମୋଟାମୋଟି ଭାବେ କହିବାକୁ ଗଲେ ଆସନ୍ତା ଆର୍ଥିକ ବର୍ଷରେ ଆୟ ଲକ୍ଷ୍ୟ ପୂର୍ବ ତୁଳନାରେ ଅଧା କରିଛନ୍ତି ଗୌତମ ଆଦାନି । ଏହାବାଦ କମ୍ପାନୀ କ୍ୟାପିଟାଲ ଏକ୍ସପେଣ୍ଡିଚର କମ କରିବାକୁ ଯୋଜନା କରିଛି । କମ୍ପାନୀ ବଜାରରେ ପ୍ରଭାବ ପକାଇବା ଅପେକ୍ଷା କିଭଳି ଆର୍ଥିକ ସ୍ଥିତି ମଜୁବତ ହେବ ତାଉପରେ ଆଦାନୀ ଗ୍ରୁପ ଉଦ୍ଦେଶ୍ୟ ରଖିଛି ।
Kanak News is now on WhatsApp
Join and get latest news updates delivered to you via WhatsApp
ଜାନୁଆରୀ ୨୪ରେ ଆମେରିକାର ସର୍ଟ ସେଲର କମ୍ପାନୀ ହିଣ୍ଡେନବର୍ଗ ରିପୋର୍ଟ ପ୍ରକାଶ କରିବା ପରେ ପ୍ରାୟ ୧୦ ଲକ୍ଷ କୋଟିରୁ ଅଧିକ କ୍ଷତି ସହି ସାରିଛି । ଏହାରି ଭିତରେ ନିକୋ ଏସିଆ ଏକ ରିପୋର୍ଟ ପ୍ରକାଶ କରିଛି । ଯେଉଁଥିରେ ଆଦାନି ଗ୍ରୁପ ସମୂହ ଉପରେ ରହିଥିବା ଋଣ ଭାର ଭାରତର ଜିଡିପିର ପ୍ରାୟ ୧ ପ୍ରତିଶତ ବା ୩.୩୯ ଲକ୍ଷ କୋଟି ଟଙ୍କା ବୋଲି କୁହାଯାଉଛି । ସେହିପରି ଗତ ୩ ବର୍ଷରେ ଆଦାନି ୩ଟି କମ୍ପାନୀ ଅଧିଗ୍ରହଣ କରିଛି । ତେଣୁ ଋଣ ଭାର ବଢିଛି । ଆଉ କମ୍ପାନୀର ସେୟାର ମୂଲ୍ୟ ଅସ୍ଥିର ରହିବା ବେଳେ ଆଦାନି ପୋର୍ଟସ ଆଣ୍ଡ ଏସଇଜେଡ୍ ଅଧିକ ୭୫ ଲକ୍ଷ ସେୟାରକୁ ଏସବିଆଇ ବନ୍ଧକ ରଖିଛି ।