କମ୍ପ୍ରମାଇଜ୍ ପଛରେ କ’ଣ ରହିଛି ରହସ୍ୟ ? ସାମ୍ବାଦିକଙ୍କ ପ୍ରଶ୍ନରେ ନାଲି ଆଖି ଦେଖାଇଲେ ଏଲସା ।
କନକ ବ୍ୟୁରୋ : ୟୁ-ଟର୍ଣ୍ଣ ମାରିଛନ୍ତି ଫିଲ୍ମ ପାର୍ଟିରେ ଝଡ଼ ସୃଷ୍ଟି କରିଥିବା ବଙ୍ଗୀୟ ଅଭିନେତ୍ରୀ ଏଲସା । ତାଙ୍କ ମତ ବଦଳାଇ କହିଛନ୍ତି, ଅତ୍ୟଧିକ ରାଗର ବଶବର୍ତି ହୋଇ ସେ ନିର୍ଦ୍ଦେଶକ ଦିଲ୍ଲୀପ ପଣ୍ଡାଙ୍କ ବିରୋଧରେ ନିର୍ଯାତନା ଅଭିଯୋଗ ଆଣିଥିଲେ । ଦୁଇଦିନ ତଳେ ଏହି ବଙ୍ଗିୟ ନାୟିକା ଫିଲ୍ମ ‘ତୁ ମୋ ସୁନା ଚଢେଇ’ର ଅଡିଓ ରିଲିଜ ପାର୍ଟିରେ ହଙ୍ଗାମା କରିଥିଲେ । ବଙ୍ଗିୟ ନାୟିକାଙ୍କୁ ନିର୍ଯାତନା ଦିଆଯାଇଥିବା ଅଭିଯୋଗ ଓଲିଉଡରେ ଝଡ ସୃଷ୍ଟି କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏପରିକି ନିର୍ଦ୍ଦେଶକ ଦିଲ୍ଲୀପ ପଣ୍ଡାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଆଇନର ଆଶ୍ରୟ ନେବେ ବୋଲି ସୋସିଆଲ ମିଡିଆରେ କହିଥିଲେ ଅଭିନେତ୍ରୀ ଏଲସା । କିନ୍ତୁ ଆଜି ପ୍ରେସମିଟ୍ କରି କହିଥିଲେ, ତାଙ୍କର କମ୍ପ୍ରମାଇଜ ହୋଇଯାଇଛି । ଏବେ ପ୍ରଶ୍ନ ଉଠୁଛି ଏଲ୍ସାଙ୍କୁ ନିର୍ଯାତନା ଦିଆଯାଇଥିଲା ନା ନାହିଁ? ଯଦି ଦିଆଯାଇଥିଲା ଏହି ଦୁଇ ଦିନ ଭିତରେ ଏମିତି କଣ ହେଲା ଯେ ମତ ବଦଳାଇଲେ ଅଭିନେତ୍ରୀ ? ଏ ନେଇ ସାମ୍ବାଦିକମାନେ ପ୍ରଶ୍ନ କରିବାରୁ ଉତକ୍ଷିପ୍ତ ହୋଇ ଉଠିଥିଲେ ଏଲ୍ସା । ଏପରିକି ସାମ୍ବାଦିକ ସମ୍ମିଳନୀରୁ ଉଠି ପଳାଇବା ସହ ଗଣମାଧ୍ୟମକୁ ନାଲି ଆଖି ଦେଖିଇବା ପାଇଁ ମଧ୍ୟ ପଛାଇନଥିଲେ ଅଭିନେତ୍ରୀ ଏଲସା ।