କନକ ବ୍ୟୁରୋ: ମୃତ ସୌମ୍ୟରଞ୍ଜନଙ୍କର ଅନ୍ୟ କୌଣସି ଝିଅଙ୍କ ସହ ସମ୍ପର୍କ ନଥିଲା । ଭାଇରାଲ ହେଉଥିବା ଅଡିଓକୁ ଏଡିଣ୍ଟିଂ କରାଯାଇଛି ବୋଲି ସୌମ୍ୟଙ୍କ ଭାଇ ଅଭିଯୋଗ କରିଛନ୍ତି । ଘଟଣାର ପ୍ରତ୍ୟକ୍ଷଦର୍ଶୀ ରୋଷେୟା, ବିଦ୍ୟାଭାରତୀଙ୍କ ସହ ତାଙ୍କ ବାପା ଓ ମାଆଙ୍କର ପଲିଗ୍ରାଫ ଟେଷ୍ଟ କଲେ ପ୍ରକୃତ ସତ ସାମ୍ନାକୁ ଆସିବ ବୋଲି ସେ କହିଛନ୍ତି । ବିବାହର ୬ ମାସ ଯାଏଁ ସୌମ୍ୟ ଓ ତାଙ୍କ ସ୍ତ୍ରୀଙ୍କ ଭିତରେ କୌଣସି ଶାରିରୀକ ସମ୍ପର୍କ ନଥିବା ବେଳେ ସୌମ୍ୟଙ୍କୁ ଘର ଲୋକଙ୍କ ସହ କଥା ହେବାକୁ ଦେଉନଥିଲେ ତାଙ୍କ ସ୍ତ୍ରୀ । ତେଣୁ ସେ ବାହାରକୁ ଗଲେ ଘର ଲୋକଙ୍କ ସହ କଥା ହେଉଥିଲେ । କେଉଁ ଝିଅ ସହ ସମ୍ପର୍କ ବାବଦରେ ଜାଣିବାକୁ ଚାହୁଁ ନଥିଲେ ବିଦ୍ୟାଭାରତୀ, ବରଂ ସୌମ୍ୟ ଘର ଲୋକଙ୍କ ସହ କଣ କଥା ହେଉଥିଲେ ତାହା ଜାଣିବା ପାଇଁ ବିଦ୍ୟା ଚେଷ୍ଟା କରୁଥିଲେ ବୋଲି ମୃତ ସୌମ୍ୟଙ୍କ ବଡ ଭାଇ ରଞ୍ଜନ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସୌମ୍ୟଙ୍କ ମାଆ କହିଛନ୍ତି, ବର୍ଷେ ଯାଏଁ ସୌମ୍ୟଙ୍କ ସହ ଶାରିରୀକ ସଂପର୍କ ରଖିବେ ନାହିଁ ବୋଲି କହିଥିଲେ ବିଦ୍ୟାଭାରତୀ । ବର୍ଷେ ପରେ ମନ ବଦଳିଗଲେ ସମ୍ପର୍କ ରଖିବେ ବୋଲି କହିଥିଲେ । ଦିନେ ନୁହେଁ ଯେତେବେଳେ ତାଙ୍କୁ ତାଙ୍କ ପୁଅ ସୌମ୍ୟ ଫୋନ କରେ ସବୁ ବେଳେ ତାଙ୍କୁ କୁହେ, ମାଆ ଲୋ ମୋତେ ଫସେଇ ଦେଲେ, ମୁଁ ଆଉ ଏଠି ରହି ପାରିବି ନାହିଁ ।
ଖାଲି ସେତିକି ନୁହେଁ, ଭୁବନେଶ୍ୱରରୁ ଯିବା ପରେ ସୌମ୍ୟ ଓ ତାଙ୍କ ସ୍ତ୍ରୀଙ୍କ ଭିତରେ ଝଗଡା ହୋଇଥିଲା, ବୋହୂ ସିନ୍ଦୁର ପୋଛି, ଶଙ୍ଖା ଭାଙ୍ଗି ଦେଇଥିଲେ, ରାତିରେ ଘର ଛାଡି ଚାଲି ଯାଇଥିଲେ ବୋଲି ସୌମ୍ୟଙ୍କ ମାଆ କହିଛନ୍ତି । ଏହାସହ ବହୁତ ଖୋଜା ଖୋଜି କରିବା ପରେ ଡିଏଫଓଙ୍କ ଘରେ ବିଦ୍ୟାଙ୍କୁ ପାଇଥିଲେ ସୌମ୍ୟ । ଏହାପର ଠାରୁ ବଦଳି ପାଇଁ ବାରମ୍ବାର ମାଆଙ୍କୁ କହୁଥିଲେ ସୌମ୍ୟ । ବାପାଙ୍କୁ କହି ମୋର ବଦଳି କରେଇ ଦେ’ ନହେଲେ ତୁ କିଛି ଦିନ ପାଇଁ ମୋ ପାଖକୁ ଆସେ ବୋଲି ସେ କହିଥିଲେ । ଶେଷ ଥର ପାଇଁ ଘରୁ ଗଲା ବେଳେ ସୌମ୍ୟ, ମାଆଙ୍କୁ କହିଥିଲେ, ବଦଳି ହୋଇଗଲେ ମୁଁ ତୋତେ ନେଇ ଯିବି । ଯାହାକୁ ମନେ ପକାଇ ଆଖିରୁ ଲୁହ ଗଡାଉଛନ୍ତି ସୌମ୍ୟଙ୍କ ମାଆ ।