କନକ ବ୍ୟୁରୋ: କେନ୍ଦୁଝର ଜିଲ୍ଲା ବଡ଼ବିଲରେ ମର୍ମନ୍ତୁଦ ଦୁର୍ଘଟଣାରେ ୨ ଜଣଙ୍କ ମୃତ୍ୟୁ । ବଡ଼ବିଲ ଥାନା ୫୨୦ ନମ୍ବର ଜାତୀୟ ରାଜପଥ ରୋଇଡ଼ା ଛକ ନିକଟରେ ଘଟିଛି ଏହି ଦୁର୍ଘଟଣା । ଛିଡ଼ା ହୋଇଥିବା ଟ୍ରକ୍ ପଛକୁ ପିଟିଲା ବାଇକ୍ । ଘଟଣାସ୍ଥଳରେ ବାଇକ୍ ଆରୋହୀ ଓ ଶିଶୁକନ୍ୟା ମୃତ୍ୟୁବରଣ କରିଛନ୍ତି । ତେବେ ମୃତ ଶିଶୁକନ୍ୟାର ମା'ଙ୍କୁ ଗୁରୁତର ଅବସ୍ଥାରେ ବଡ଼ବିଲ ହସ୍ପିଟାଲରେ ଭର୍ତି କରାଯାଇଛି । ପୋଲିସ୍ ଦୁର୍ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଅନ୍ୟପଟେ ସରସ୍ୱତୀ ପୂଜା ଜିନିଷ କିଣିବା ହେଲା କାଳ । ଦୁର୍ଘଟଣାରେ ୩ ଛାତ୍ର ଗୁରୁତର । ଢେଙ୍କାନାଳ ଜିଲ୍ଲା ମହାବିରୋଡ ଥାନା ଜରାଡା ଘାଟିରେ ଘଟିଛି ଦୁର୍ଘଟଣା । ବାମ ବନଦୁର୍ଗା ଉଚ୍ଚବିଦ୍ୟାଳୟର ନବମଶ୍ରେଣୀର ଛାତ୍ରମାନେ ସରସ୍ୱତୀ ପୂଜା ପାଇଁ ପୂଜା ସାମଗ୍ରୀ କିଣି ଫେରୁଥିବା ବେଳେ ଜରାଡ଼ା ଘାଟି ନିକଟରେ ଭାରସାମ୍ୟ ହରାଇ ଏକ କଲଭର୍ଟରେ ପିଟି ହୋଇଯାଇଥିଲେ । ସମସ୍ତ ଛାତ୍ରଙ୍କୁ ଉଦ୍ଧାର କରାଯାଇ ଆମ୍ବୁଲାମ୍ସ ଯୋଗେ କାମାକ୍ଷାନଗର ମେଡିକାଲରେ ଭର୍ତି କରାଯାଇଥିଲା । ସେଠାରେ ୨ ଜଣ ଛାତ୍ରଙ୍କ ଅବସ୍ଥା ଗୁରୁତର ଥିବାରୁ କଟକ ସ୍ଥାନାନ୍ତର କରାଯାଇଛି ।