ଅଭିଜିତ ଆୟାରଙ୍କୁ ଦଣ୍ଡ ବିଧାନ ନେଇ ଗୃହ କମିଟିରେ ଭିନ୍ନ ମତ: ପ୍ରଦୀପ ପୁରୋହିତ କହିଲେ, ହେଉଛି ମାତ୍ରାଧିକ କାର୍ଯ୍ୟାନୁୂଷ୍ଠାନ, ବିଶ୍ୱ ଦରବାରରେ ନିନ୍ଦିତ ହେଉଛି ଓଡିଶା
ଦେବୀ ମିଶ୍ରଙ୍କ ସୂଚନା, ନିଆଯାଉଛି ଆଇନ ଅନୁଯାୟୀ ପଦକ୍ଷେପ
କନକ ବ୍ୟୁରୋ: ଅଭିଜିତ୍ ଆୟାରଙ୍କୁ ଦଣ୍ଡବିଧାନ ନେଇ ଗୃହ କମିଟିରେ ପ୍ରକାଶ ପାଇଛି ଭିନ୍ନ ମତ । ବିଜେପି ବିଧାୟତ ତଥା ଗୃହ କମିଟିର ସଦସ୍ୟ ଥିବା ପ୍ରଦୀପ ପୁରୋହିତ କହିଛନ୍ତି ଅଭିଜିତଙ୍କ ବିରୋଧରେ ନିଆଯାଉଛି ମାତ୍ରାଧିକ କାର୍ଯ୍ୟାନୁଷ୍ଠାନ । କ୍ଷମା ମାଗିବା ପରେ ତାଙ୍କୁ ଛାଡି ଦିଆଯିବ ବୋଲି ଗୃହ କମିଟିରେ ନିଷ୍ପତି ନିଆଯାଇଥିଲା । କିନ୍ତୁ ସେ କ୍ଷମା ମାଗିବା ପରେ ମଧ୍ୟ ମାସେରୁ ଅଧିକ ସମୟ ଜେଲରେ ରହିଲେଣି । ଏହା ଦ୍ୱାରା ଓଡିଶା ବିଶ୍ୱ ଦରବାରରେ ନିନ୍ଦିତ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବିଜେଡି ବିଧାୟକ ତଥା କମିଟିର ଅନ୍ୟତମ ସଦସ୍ୟ ଦେବୀ ପ୍ରସାଦ ମିଶ୍ର କହିଛନ୍ତି ଆଇନ ଅନୁଯାୟୀ କାର୍ଯ୍ୟ କରାଯାଉଛି । ତେବେ ବିଧାନସଭାର ଗୃହ କମିଟିର ରିପୋର୍ଟ ଉପରେ ତାଙ୍କ ଭାଗ୍ୟ ନିର୍ଭର କରୁଛି । ଆଜି ଗୃହ କମିଟି ଅଭିଜିତ୍ ଆୟାର ପ୍ରସଙ୍ଗରେ ବିଧାନସଭାରେ ରିପୋର୍ଟ ଉପସ୍ଥାପନ କରିବେ । ବାଚସ୍ପତିଙ୍କ ନିର୍ଦ୍ଦେଶ ଆଧାରରେ ଗତକାଲି ବିଧାନସଭାରେ ଗୃହ କମିଟି ଅଧକ୍ଷ ତଥା ବିରୋଧୀ ଦଳ ନେତା ନରସିଂହ ମିଶ୍ର ରିପୋର୍ଟ ଦାଖଲ କରିବାର ଥିଲା । କିନ୍ତୁ ଗୃହ ମୁଲତବି ଯୋଗୁଁ ରିପୋର୍ଟ ଦାଖଲ ହୋଇପାରିନଥିଲା ।
ତେବେ ଅଭିଜିତଙ୍କ ବିରୋଧରେ ନିର୍ଦ୍ଦିଷ୍ଟ କି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ? ନା ଅଭିଜିତ ଗୃହ କମିଟି ସାମ୍ନାରେ ଯେଉଁ କ୍ଷମା ମାଗିଛନ୍ତି ସେ ନେଇ କମିଟି ଗୃହକୁ ସୂଚାଇ କାର୍ଯ୍ୟାନୁଷ୍ଠାନ ନିଷ୍ପତି ଗୃହ ଉପରେ ଛାଡିଦେବେ ତାହା ଏବେ ରହସ୍ୟ ଘେରରେ ରହିଛି । କୋଣାର୍କ ,ପୁରୀ ଶ୍ରୀମନ୍ଦିର ସମେତ ଓଡିଶାର ଅସ୍ମିତାକ ଯଥେଷ୍ଟ ଆଘାତ ପହଁଚାଇଥିବା ଅଭିଜିତ୍ ବିଧାୟକ ଓ ଗଣମାଧ୍ୟମ ପ୍ରତିନିଧିଙ୍କ ବିରୋଧରେ ଅରୁଚିକର ମନ୍ତବ୍ୟ ଦେଇଥିଲେ ।