‘ଆପ୍’ ସାଂସଦ ସଂଜୟ ସିଂ ଚରିଦେଲେ ଉପ ରାଜ୍ୟପାଳଙ୍କ ମାନହାନୀ ନୋଟିସ । କହିଲେ ‘ମୁଁ ଡରିବା ଲୋକ ନୁହେଁ’

କନକ ବ୍ୟୁରୋ : ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ଆଜି ଏକ ସାମ୍ବାଦିକ ସମ୍ମିଳନୀରେ ଉପ ରାଜ୍ୟପାଳଙ୍କ ମାନହାନୀ ନୋଟିସକୁ ଚରି ଦେଇଛନ୍ତି । ଏହି କ୍ରମରେ ସେ କହିଛନ୍ତି କି, ମୋତେ ଭାରତୀୟ ସମ୍ବିଧାନ ସତ କହିବାର ଅଧିକାର ଦେଇଛି । କିଛି ଚୋର ଭ୍ରଷ୍ଟ ବ୍ୟକ୍ତିଙ୍କ ନୋଟିସକୁ ମୁଁ ଡରିବା ଲୋକ ନୁହେଁ । ଆଉ ଏଭଳି ନୋଟିସକୁ ମୁଁ ୧୦ ଥର ଫାଡିଦେବି ବୋଲି ସେ କହିଛନ୍ତି ।

ସୂଚନା ଥାଉକି ଦିଲ୍ଲୀରେ ଅବକାରୀ ନୀତିକୁ ନେଇ ବିଜେପି ଓ ଆମ୍ ଆଦମୀ ପାର୍ଟି ମଧ୍ୟରେ ଜୋରଦାର ହଙ୍ଗାମା ଲାଗି ରହିଛି । ଏନେଇ ବିଜେପି ପ୍ରବକ୍ତା ସମ୍ବିତ ପାତ୍ର କହିଥିଲେ କି ଷ୍ଟିଙ୍ଗ ମାଷ୍ଟରଙ୍କର ଷ୍ଟିଙ୍ଗ ହୋଇଗଲା । ଏହାର ଉତ୍ତର ରଖି ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ କହିଥିଲେ କି ବିଜେପି ଦୀର୍ଘଦିନ ହେବ ହୋ ହଲ୍ଲା କରୁଛି । କେତେବେଳେ ବିଜେପି ଅଭିଯୋଗ ଆଣୁଛି ୧୩ ଶହ କୋଟିର ଦୁର୍ନୀତି ହୋଇଛି ତ କେତେବେଳେ ୮ ହଜାର କୋଟିର ଦୁର୍ନୀତି ହୋଇଛି । ହେଲେ ସିବିଆଇ ବାଇନାକୁଲାର ଲଗେଇ ବି କିଛି ଦୁର୍ନୀତିର ଛବି ପାଉ ନଥିବା କଥା ମନୀଷ ସିସୋଦିଆ କହିଛନ୍ତି ।

CVC ने जांच की तो पाया कि जिस Account में ₹2-3 लाख थे, वहां 3 Crore का Cheque काट दिया गया।

CVC ने पूछा तो कहा कि Post Date का चेक काटा है और जब Cheque दिखाने को कहा तो कहते हैं कि उस पर चाय गिर गई थी।

ये सब घपला Vinai Saxena के KVIC Chairman रहते हुआ है।

- @SanjayAzadSln pic.twitter.com/mdOzp09bxN

— AAP (@AamAadmiParty) September 7, 2022

ଏସବୁ ଭିତରେ ଆମ୍ ଆଦମୀ ପାର୍ଟି ପକ୍ଷରୁ ଅଭିଯୋଗ ହୋଇଥିଲା କି ଦିଲ୍ଲୀ ଉପ ରାଜ୍ୟପାଳ ବିନୟ କୁମାର ସକସେନାଙ୍କ ନାମରେ ଏକ ଦୁର୍ନୀତି ଅଭିଯୋଗ ଆଣିଥିଲା । ଏହାକୁ ନେଇ ଉପରାଜ୍ୟପାଳ ସଂଜୟ ସିଂଙ୍କ ନାମରେ ଏକ ମାନହାନୀ ନୋଟିସ ପଠାଇଥିଲେ । ଏହି ନୋଟିସକୁ ଆଜି ସାମ୍ବାଦିକ ସମ୍ମିଳନୀରେ ସଂଜୟ ସିଂ ଚରି ଦେଇଥିବା ଦେଖିବାକୁ ମିଳିଛି ।