ଅଗ୍ନିକାଣ୍ଡରେ ଦେବଦୂତ ସାଜିଲେ ମୁମ୍ବାଇର ୧୦ ବର୍ଷୀୟା ବାଳିକା ଜେନ୍ । ତୃତୀୟ ଶ୍ରେଣୀରେ ଶିଖିଥିବା ଟିପ୍ସକୁ ଆପ୍ଲାଏ କରି ବଞ୍ଚାଇଲେ ୧୩ ଜୀବନ ।
ମୁମ୍ବାଇର ପରେଲ୍ ଅଞ୍ଚଳରେ ଏକ ଗଗନଚୁବି ବିଲ୍ଡିଙ୍ଗରେ ଆଜି ନିଆଁ ଲାଗିଯିବାରୁ ଅନେକ କ୍ଷୟକ୍ଷତି ହୋଇଛି । ଏଥିରେ ୪ଜଣଙ୍କ ଜୀବନହାନି ହୋଇଥିବା ବେଳେ ୧୬ଜଣ ଗୁରୁତର ଭାବେ ଆହତ ହୋଇଛନ୍ତି । ମୃତ୍ୟୁ ସଂଖ୍ୟା ଆହୁରି ବଢିଥାନ୍ତା ଯଦି ଠିକ ସମୟରେ ଶଷ୍ଠ ଶ୍ରେଣୀର ଜଣେ ଛାତ୍ରୀ ତାର ବୁଦ୍ଧିମତା ଦେଖାଇନଥାନ୍ତା । ନିଆଁରୁ ଲୋକମାନଙ୍କୁ ବଞ୍ଚାଇବା କଥାତ ଅନେକ ଦେଖିବାକୁ ମିଳିଛି କିନ୍ତୁ ଗୋଟିଏ ୧୦ ବର୍ଷର ଛାତ୍ରୀ ଲୋକମାନଙ୍କୁ ନିଆଁରୁ ଉଦ୍ଧାର କରିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଡିଆ ରିପୋର୍ଟ ଅନୁଯାୟୀ, ୧୦ ବର୍ଷିୟ ଜେନ୍ ନିଆଁରେ ଫସି ରହିଥିବା ଲୋକମାନଙ୍କ ପାଇଁ ସଂକଟ ମୋଚନ ପାଲଟିଥିଲା । ୧୦ ବର୍ଷିୟ ଜେନ୍ ମିଡିଆକୁ କହିଥିଲେ ନିଆଁରୁ ରକ୍ଷା ପାଇବା ପାଇଁ ତୃତୀୟ ଶ୍ରେଣୀରେ ସେ ଏକ ଟ୍ରିକ୍ ସିଖିଥିଲେ । ସେହି ଟ୍ରିକକୁ ବ୍ୟବହାର କରି ଜେନ୍ ଲୋକମାନଙ୍କୁ ନିଆଁ ଦାଉରୁ ରକ୍ଷା କରିଥିଲେ ବୋଲି କହିଛନ୍ତି । ସେ ଏହା ମଧ୍ୟ କହିଛନ୍ତି ବିଲ୍ଡିଙ୍ଗରେ ନିଆଁ ଲାଗିବା ସମୟରେ ସେ ସୋଇଥିଲେ । ତାଙ୍କ ମା’ ଧୁଆଁ ଦେଖି ଜେନଙ୍କ ବାପାଙ୍କୁ ଖବର କରିଥିଲେ । ପରେ ବାପା କିଚେନ ରୁମକୁ ସୁରକ୍ଷିତ ସ୍ଥାନ ଭାବି ସେଠାକୁ ସମସ୍ତଙ୍କୁ ନେଇ ଧାଇଁଥିଲେ । କିନ୍ତୁ ବଢୁଥିବା ନିଆଁ କାରଣରୁ ଲୋକମାନେ ଏଣେତେଣେ ଦୌଡୁଥିଲେ ଯାହା ଫଳରେ କିଚେନ ରୁମରେ ପହଞ୍ଚିବା ସମ୍ଭବ ହୋଇପାରିନଥିଲା । ସବୁ ଲୋକ ବାହାରିଆସି ଗ୍ୟାଲେରିରେ ଜମା ହୋଇଯାଇଥିଲେ । ସେଥି ମଧ୍ୟରୁ କେହି କେହି ଆସ୍ତମା ରୋଗି ମଧ୍ୟ ଥିଲେ । ଅତ୍ୟଧିକ ଧୁଆଁ କାରଣରୁ ସେମାନେ ନିଶ୍ୱାସ ପ୍ରଶ୍ୱାସ ନେଇପାରୁନଥିଲେ । ଠିକ ସେହି ସମୟରେ ଜେନ୍ ତାଙ୍କ ବୁଦ୍ଧି ପ୍ରୟୋଗ କରି ଡରିଯାଇଥିବା ଲୋକଙ୍କୁ ସାନ୍ତ କରିବା ସହ ଓଦା ରୁମାଲ ସାହାଯ୍ୟରେ ନିଶ୍ୱାସ ନେବା ପାଇଁ କହିଥିଲେ । ଜେନ୍ କହିଥିବା ଟିପ୍ସକୁ ଆପଣାଇ ୧୩ଜଣ ଲୋକ ନିଜକୁ ସୁରକ୍ଷିତ ଭାବେ ବଞ୍ଚାଇ ରଖିପାରିଥିଲେ । ଏବେ ଏହି ଘଟଣା ସୋସିଆଲ ମିଡିଆରେ ଭାଇରାଲ ହେବା ସହ ସାରା ଦେଶରେ ଏକ ଚର୍ଚ୍ଚାର ବିଷୟ ପାଲଟିଛି ।