୪ ଫୁଟ ଉପରକୁ ଉଠିଲା ପୁରୁଣା ଘର। ବୈଷୟିକ ଜ୍ଞାନକୌଶଳ ପ୍ରୟୋଗ ପରେ ୧୫ ବର୍ଷ ପୁରୁଣା ଘର ଉପରକୁ ଉଠିଛି।
କନକ ବ୍ୟୁରୋ: ୪ ଫୁଟ ଉପରକୁ ଉଠିଲା ୧୫ ବର୍ଷର ପୂରୁଣା ଘର । ବୈଷୟିକ ଜ୍ଞାନକୌଶଳ ପ୍ରୟୋଗ କରି ଘରର ଉଚ୍ଚତା ବଡାଇଛନ୍ତି ଘରର ମାଲିକ । ରାୟଗଡା ସଦର ବ୍ଳକ ଅମଲାଭଟା ଗାଁର ରବି ଶେଖର ନିଜ ଘରକୁ ଉଚ୍ଚକୁ ଉଠାଇଛନ୍ତି । ରବି ଶେଖର ୧୨ଶହ ବର୍ଗଫୁଟ ବିଶିଷ୍ଟ ବାସଗୃହ ନିର୍ମାଣ କରିଥିଲେ । ସମୟ କ୍ରମେ ରାସ୍ତା ଉଚ୍ଚ ହେବାରୁ ଘରେ ବର୍ଷା ଜଳ ପଶିଯାଉଥିଲା । ଫଳରେ ଘର ମାଲିକ ବହୁ ସମସ୍ୟାର ସମ୍ମୁଖୀନ ହେଉଥିଲେ । ଶେଷରେ ସେହି ସମସ୍ୟାର ସମାଧନ ପାଇଁ ବାଟ ଖୋଜି ବାହାର କରିଥିଲେ । ହରିୟାଣା ରୋହତକ ସହରର ଜଣେ ଯନ୍ତ୍ରୀ ଓ ତାଙ୍କ ଟିମ୍ ସହିତ ଯୋଗାଯୋଗ କରିଥିଲେ ରବି ଶେଖର ।
Kanak News is now on WhatsApp
Join and get latest news updates delivered to you via WhatsApp
ସେମାନେ ସମସ୍ୟାର ସମାଧାନ କରିବାରେ ସମର୍ଥ ବୋଲି ପ୍ରତିଶୃତି ଦେବା ପରେ ଲୁହା ଜଗ୍ ସାହାର୍ଯ୍ୟରେ ଘରକୁ ଉପରକୁ ଟେକି ତଳେ ନିଅଁ ଓ ପିଲାର ତିଆରି କରିଛନ୍ତି । ୨୨୦ଟି ଜଗ୍ ବ୍ୟବହାର କରି ଘରର ଚାରି ପଟେ ଖୋଳି ଧିରେ ଧିରେ ଉପରକୁ ଉଠାଇଥିଲେ ଏହି ଟିମ୍ । ପ୍ରାୟ ୧ ମାସ ୩ ଦିନ ଧରି କାମ କରିବା ପରେ ଘରକୁ ୪ ଫୁଟ ଉପରକୁ ଉଠାଯାଇଛି । ସପ୍ତାହେ ମଧ୍ୟରେ ନିର୍ମାଣ କାର୍ଯ୍ୟ ଶେଷ କରିବା ପାଇଁ ଦିନ ଧାର୍ଯ୍ୟ ହୋଇଛି ।