ଛତିଶଗଡ: ହୋମିଓପାଥି ଔଷଧ ଖାଇ ଗୋଟିଏ ପରିବାରର ୮ ମୃତ , ୪ ଜଣ ଗୁରୁତର
କନକ ବ୍ୟୁରୋ : କରୋନାରୁ ରକ୍ଷା ପାଇବାକୁ ଏବେ ଲୋକମାନେ ବିଭିନ୍ନ ଲୋକଙ୍କ ପରାମର୍ଶରେ ବିଭିନ୍ନ ପ୍ରକାର ଔଷଧ ଓ ଚିକିତ୍ସାକୁ ଆପଣାଇ ନେଉଛନ୍ତି । ହେଲେ ଏହା ଯେ କେତେବେଳ ଜୀବନକୁ ବିପଦ ମୁଖକୁ ଠେଲି ଦେଉଛି ତାହାର ଉଦାହରଣ ଦେଖିବାକୁ ମିଳିଛି ଛତିଶଗଡରେ । ଛତିଶଗଡର ବିଳାଶପୁର ଠାରେ ଏକ ପରିବାର ହୋମିଓପାଥି ଔଷଧ ଖାଇବା ତାଙ୍କ ପାଇଁ ମହଙ୍ଗା ପଡିଛି । ଔଷଧ ଖାଇବା ପରେ ଗୋଟିଏ ପରିବାରର ୮ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଏବେ ଗୁରୁତର ହୋଇ ମେଡିକାଲରେ ଚିକିତ୍ସିତ ହେଉଛନ୍ତି । ଏନେଇ ବିଳାଶପୁର ମୁଖ୍ୟ ଚିକିତ୍ସା ଅଧିକାରୀ କହିଛନ୍ତି କି ମୃତକ ଓ ଗୁରୁତର ମାନେ ହୋମିଓପାଥି ମେଡିସିନ୍ ଖାଇବା ପରେ ଏଭଳି ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
Chhattisgarh | 8 members of a family dead, 5 hospitalized after consuming a homeopathic medicine in Bilaspur, says CMO
“They consumed homeopathic medicine Drosera 30, which contains 91% alcohol mixed with country-made liquor. The doctor is absconding,” he adds pic.twitter.com/HuIhnDQqU0
— ANI (@ANI) May 6, 2021
ମୁଖ୍ୟ ଚିକିତ୍ସା ଅଧିକାରୀ କହିଛନ୍ତି କି, ସେମାନେ ଖାଇଥିବା ହୋମିଓପାଥି ଔଷଧରେ ଆଲକହଲର ମାତ୍ରା ଅଧିକ ଥିବାରୁ ଏଭଳି ଘଟିଛି । ଏବେ ସ୍ୱାସ୍ଥ୍ୟ ବିଭାଗର ଅଧିକାରୀମାନେ ଏହାର ଯାଂଚ କରୁଛନ୍ତି । ଯାଂଚ ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ ବୋଲି ସେ କହିଛନ୍ତି ।
ସିଏମଓ କହିଛନ୍ତି କି ସେମାନେ ଡୋସେରା ନାମକ ହୋମିଓପାଥି ଔଷଧ ଖାଇଛନ୍ତି, ଯେଉଁ ଔଷଧରେ ୯୧ ପ୍ରତିଶତ ପର୍ଯ୍ୟନ୍ତ ଆଲକହଲ ରହିଥାଏ । ଯାହାକୁ ଦେଶୀମଦ ସହିତ ମିଶା ଯାଇଥାଏ । ଯାହାକୁ ଖାଇଲେ ଜୀବନ ପ୍ରତି ବିପଦ ଥାଏ ।
ପ୍ରାଥମିକ ତଦନ୍ତରୁ ଜଣାପଡିଛି କି, ଏମାନଙ୍କର ମୃତ୍ୟୁ ହେବା ପରେ ହୋମିଓପାଥି ଔଷଧ ଦେଇଥିବା ଡାକ୍ତର କେଉଁଆଡେ ଫେରାର ହୋଇଯାଇଛି । ପୋଲିସ ଟିମ୍ ଡାକ୍ତରଙ୍କୁ ଖୋଜା ଖୋଜି କରିବା ସହ ତାଙ୍କ କ୍ଲିନିକକୁ ସିଲ୍ କରିଛି ।